ભારતીય ક્રિકેટર રિંકુ સિંહ હાલમાં T20સીરિઝ માટે ઓસ્ટ્રેલિયાનાપ્રવાસે છે.આ દરમિયાન,તેમની ભાવિ પત્ની,પ્રિયા સરોજ તેમના રાજકીય કાર્યમાં વ્યસ્ત છે.બંનેના ચાહકો ઘણીવાર જાણવા માંગે છે કે,ક્રિકેટર અને સાંસદની પ્રેમકથા કેવી રીતે શરૂ થઈ,તેઓ કેવી રીતે મળ્યા અને ઘણું બધું.રિંકુ સિંહની નાની બહેને તાજેતરમાં એક પોડકાસ્ટ દરમિયાન ખુલાસો કર્યો હતો કે તેના ભાઈ અને ભાભીની પ્રેમકથા કેવી રીતે શરૂ થઈ.ચાલો તમને રિંકુ અને પ્રિયાની આ અનોખી પ્રેમકથા વિશે જાણીએ.
આ રીતે શરૂ થઇ પ્રેમ કહાની
રિંકુ સિંહની નાની બહેન,નેહા સિંહે પોડકાસ્ટમાં ખુલાસો કર્યો હતો કે,તેનો ભાઈ રિંકુ સિંહ અને ભાવિ ભાભી પ્રિયાની પ્રેમકથા કપડાંના વ્યવસાયને કારણે શરૂ થઈ હતી.નેહાએ કહ્યું કે,તેની ભાવિ ભાભી પ્રિયાની બહેન અલીગઢમાં રહે છે,અને કપડાંના વ્યવસાય સાથે સંકળાયેલા છે.તે ઇચ્છતી હતી કે,રિંકુ ભૈયા તેમની સ્ટોરી ઇન્સ્ટાગ્રામ પર શેર કરે.આ કરવા માટે,પ્રિયાએ પહેલા રિંકુના મિત્રને ફોન કર્યો હતો,પછી રિંકુ ભૈયાને મેસેજ કર્યો હતો.તેઓ મેસેજ દ્વારા વાત કરવા લાગ્યા હતા.ઇન્સ્ટાગ્રામ પર સંદેશા અને લાઇક વીડિયો દ્વારા,તેમની મિત્રતા પ્રેમમાં પરિણમી હતી,અને અંતે તેઓએ લગ્ન કરવાનું નક્કી કર્યું હતું.
