ભારતીય ક્રિકેટ ટીમના ઉપ-કપ્તાન શ્રેયસ ઐયરની ઈજા અંગે સારા સમાચાર છે. ઓસ્ટ્રેલિયા સામેની ત્રીજી વનડેમાં ઈજાગ્રસ્ત થયેલા શ્રેયસ ઐયરની તબિયત હવે સ્થિર હોવાનું જાણવા મળ્યું છે. ટીમ ઈન્ડિયાના T20 કેપ્ટન સૂર્યકુમાર યાદવે મંગળવારે એક પ્રેસ કોન્ફરન્સ દરમિયાન જણાવ્યું હતું કે ઐયર હવે ફોનનો જવાબ આપી રહ્યા છે અને ડોકટરોની દેખરેખ હેઠળ ધીમે ધીમે સ્વસ્થ થઈ રહ્યા છે.
શ્રેયસ ICUમાંથી બહાર,તબિયતમાં સુધારો
સિડનીની એક હોસ્પિટલમાં દાખલ શ્રેયસ ઐયરને સોમવારે ICUમાંથી રજા આપવામાં આવી હતી.તેમની તબિયત પહેલા કરતાં વધુ સારી છે,જેનાથી ટીમ અને ચાહકોને મોટી રાહત મળી છે.તાજેતરમાં, સૂર્યકુમારે પોતાની ઈજા અંગે અપડેટ આપતા કહ્યું, પહેલા દિવસે મને ખબર પડી કે તે ઈજાગ્રસ્ત છે,મેં તેને ફોન કર્યો,પરંતુ તેની પાસે તેનો ફોન નહોતો.પછી મેં ફિઝિયો કમલેશ જૈન સાથે તેની હાલત વિશે વાત કરી.હું છેલ્લા બે દિવસથી તેની સાથે વાત કરી રહ્યો છું.તે પોતે ફોન પર વાત કરી રહ્યો છે, જેનો અર્થ છે કે તે સ્વસ્થ છે. ડોકટરો તેના પર નજર રાખી રહ્યા છે,અને તેને થોડા દિવસો માટે નિરીક્ષણ હેઠળ રાખવામાં આવશે.
