ઓસ્ટ્રેલિયન A ટીમ હાલમાં ભારતના પ્રવાસે છે. તેઓ ભારત A સામે ત્રણ મેચની ODI શ્રેણી રમી રહ્યા છે. આ સીરિઝ દરમિયાન ચોંકાવનારા સમાચાર સામે આવ્યા. કાનપુરમાં ચાર ઓસ્ટ્રેલિયન ખેલાડીઓ અચાનક બીમાર પડી ગયા. તેમણે પેટમાં તીવ્ર દુખાવો અને ગંભીર ચેપની ફરિયાદ કરી. ઓસ્ટ્રેલિયન બોલર હેનરી થોર્ન્ટનને હોસ્પિટલમાં દાખલ કરવામાં આવ્યા. BCCI ના ઉપપ્રમુખ રાજીવ શુક્લાએ હવે આ ઘટના પર એક મહત્વપૂર્ણ નિવેદન જારી કર્યું છે.
ખેલાડીઓની તબિયત અચાનક બગડી
ઓસ્ટ્રેલિયન ખેલાડીઓની તબિયત બગડ્યા બાદ, અહેવાલો બહાર આવ્યા છે કે હોટલનો ખોરાક ખાવાથી તેમને પેટમાં ચેપ લાગ્યો હતો. હેનરી થોર્ન્ટનને બે દિવસ સુધી તબીબી દેખરેખ હેઠળ રાખવામાં આવ્યા હતા અને હવે તેઓ સંપૂર્ણપણે સ્વસ્થ છે. બાકીના ખેલાડીઓને પણ હોસ્પિટલમાં લઈ જવામાં આવ્યા હતા અને પરીક્ષણ પછી રજા આપવામાં આવી હતી. ઓસ્ટ્રેલિયન A ટીમ કાનપુરની લેન્ડમાર્ક હોટેલમાં રહી રહી છે અને તેમને તે જ ખોરાક આપવામાં આવી રહ્યો છે. આના કારણે ફૂડ વિભાગે કાર્યવાહી કરી અને હોટલમાંથી ખોરાકના નમૂના એકત્રિત કર્યા.
5 ઓક્ટોમ્બરના રોજ છેલ્લી મેચ રમાશે
તમને જણાવી દઈએ કે, ભારત એ અને ઓસ્ટ્રેલિયા એ ટીમ વચ્ચે 3 વનડે મેચ હાલમાં 1-1ની બરાબરી પર છે. આ પહેલા બંન્ને ટીમો વચ્ચે 2 અનઓફિશિયલ ટેસ્ટ મેચ પણ રમાઈ હતી. આ સીરિઝમાં ભારતીય ટીમે 1-0થી બાજી મારી હતી.આ ઘટના પર મીડિયા સાથે વાત કરતા બીસીસીઆઈ ઉપાધ્યક્ષ રાજીવ શુક્લાએ કહ્યું લેન્ડમાર્ક હોટલ કાનપુરની સૌથી બેસ્ટ હોટલ છે. જો જમવામાં કોઈ પ્રોબ્લેમ હોય તો બધા ખેલાડીઓ બીમાર પડી શકતા હતા પરંતુ આવું થયું નથી. ઓસ્ટ્રેલિયાના ખેલાડીઓને સારી હોટલમાં જમવામાં આપવામાં આવી રહ્યું છે. અહી તમામ ખેલાડીઓ જમે છે. બની શકે કે,2-4 ખેલાડી કોઈ અન્ય જગ્યથી સંક્રમિત થઈ હોય. તેમજ હોટલ મેનેજમેન્ટનું કહેવું છે કે, ઓસ્ટ્રેલિયાના ખેલાડીઓની તબિયત ફુડથી ખરાબ થઈ નથી પરંતુ હવામાનમાં ફેરફારના કારણે તેઓ બીમાર પડ્યા છે.
