આગામી દિવસોમાં ભારતીય ક્રિકેટ ટીમમાં પરિવર્તન અનિવાર્ય લાગે છે.સતત બીજી વખત T20 વર્લ્ડ કપ જીત્યા બાદ,ટીમ ઈન્ડિયામાં નેતૃત્વ પરિવર્તનની શક્યતા વધી ગઈ છે.ટીમને વર્લ્ડ કપ જીત તરફ દોરી જવા છતાં,સૂર્યકુમાર યાદવની કેપ્ટનશીપ જોખમમાં છે.અને તેમને દૂર કરવામાં આવે તેવી શક્યતા દેખાય છે.આને ધ્યાનમાં રાખીને,એક મહત્વપૂર્ણ દાવો કરવામાં આવ્યો છે.મીડિયા રિપોર્ટ અનુસાર સંજુ સેમસન ભારતીય ટીમના નવા T20 કેપ્ટન બની શકે છે.IPLસમાપ્ત થયા પછી તેમની નિમણૂક થઈ શકે છે.
શું સેમસન ટીમ ઈન્ડિયાના કેપ્ટન બનશે ?
ટી20 ફોર્મેટમાં ટીમ ઈન્ડિયાની કેપ્ટનશીપ અંગે અટકળો ચાલુ છે. એવું માનવામાં આવે છે કે આગલી વખતે જ્યારે ટીમ ઈન્ડિયા આ ફોર્મેટમાં મેદાનમાં ઉતરશે, ત્યારે એક નવો કેપ્ટન હશે. જોકે, નવા કેપ્ટન વિશે અલગ અલગ દાવા કરવામાં આવી રહ્યા છે. તાજેતરના એક અહેવાલમાં સૌપ્રથમ ખુલાસો થયો હતો કે પસંદગી સમિતિ વર્તમાન કેપ્ટન સૂર્યકુમાર યાદવના બેટિંગ ફોર્મેટથી નાખુશ છે અને તેથી, તેમને કેપ્ટનશીપમાંથી દૂર કરવામાં આવી શકે છે. આવી સ્થિતિમાં, શ્રેયસ ઐયરને આ જવાબદારી સોંપવામાં આવી શકે છે.
ઐયર સામે મોટો પડકાર
જોકે, મીડિયા રિપોર્ટ અનુસાર શ્રેયસ ઐયરને આ જવાબદારી સોંપવામાં આવી શકે છે. જો કે, સંજુનો હાથ ઉપર છે, અને તેનું એક મુખ્ય કારણ ટીમ ઈન્ડિયામાં તેની હાજરી છે. હકીકતમાં, સંજુ છેલ્લા બે વર્ષથી ટીમનો ભાગ છે અને અસંખ્ય શ્રેણીઓ અને ટુર્નામેન્ટમાં રમી ચૂક્યો છે.દરમિયાન, શ્રેયસ ઐયર 2023 થી T20 ટીમની બહાર છે. તેથી, ટીમમાં પાછા ફરવું એ ઐયર માટે પહેલો મોટો પડકાર છે, જે એક શક્યતા છે, પરંતુ તેમને સીધા કેપ્ટન તરીકે નિયુક્ત કરવાની સંભાવના અશક્ય લાગે છે.
શું સૂર્યકુમાર પત્તું કપાશે?
એટલું જ નહીં, રિપોર્ટમાં એવો પણ દાવો કરવામાં આવ્યો છે કે જો પસંદગી સમિતિ વર્તમાન કેપ્ટન સૂર્યકુમારને એક છેલ્લી તક આપવા માંગે છે, તો તે આયર્લેન્ડ અને ઇંગ્લેન્ડ પ્રવાસ પર ટીમનું નેતૃત્વ કરશે તેવી શક્યતા છે. આવી સ્થિતિમાં, સેમસનને ઉપ-કેપ્ટન તરીકે નિયુક્ત કરી શકાય છે. હાલમાં, ટીમના ઉપ-કેપ્ટન અક્ષર પટેલ છે, પરંતુ IPLમાં દિલ્હી કેપિટલ્સના કેપ્ટન તરીકે તેમનું સ્થાન જોતાં, પસંદગી સમિતિ આ જવાબદારી સેમસનને આપી શકે છે.
આ પણ વાંચો - IPL 2026 : જયપુરમાં RR અને GT વચ્ચે આજે ટક્કર,કોણ મારશે બાજી?
