ભારતીય ક્રિકેટના દિગ્ગજ ખેલાડી વિરાટ કોહલી જબરદસ્ત ફોર્મમાં છે તો એ ફરી એકવાર સાબિત કરી દીધું છે કે તેને કિંગ કોહલી શા માટે કહેવામાં આવે છે.દક્ષિણ આફ્રિકા સામેની ODI સીરિઝમાં તેણે શાનદાર બેટિંગ કરી.આફ્રિકન બોલરો તેની સામે સંપૂર્ણપણે લાચાર દેખાતા હતા અને સારું પ્રદર્શન કરવામાં નિષ્ફળ રહ્યા હતા. શ્સીરિઝમાં તેના ઉત્તમ પ્રદર્શન માટે, કોહલીને પ્લેયર ઓફ ધ સિરીઝનો એવોર્ડ મળ્યો.

વિરાટ કોહલીએ સચિનને ​​પાછળ છોડી દીધો

વિરાટ કોહલીએ પ્લેયર ઓફ ધ સિરીઝનો એવોર્ડ જીતીને ઇતિહાસ રચ્યો છે. આંતરરાષ્ટ્રીય ક્રિકેટમાં આ તેનો 21મો પ્લેયર ઓફ ધ સિરીઝનો એવોર્ડ છે. આ સાથે, તેણે સચિન તેંડુલકરનો વિશ્વ રેકોર્ડ તોડી નાખ્યો છે. સચિને તેની આંતરરાષ્ટ્રીય કારકિર્દીમાં 20 વખત પ્લેયર ઓફ ધ સિરીઝનો એવોર્ડ જીત્યો હતો. હવે, તેના સારા પ્રદર્શનથી, કોહલી તેને પાછળ છોડી ગયો છે અને 20 થી વધુ પ્લેયર ઓફ ધ સિરીઝ એવોર્ડ જીતનાર આંતરરાષ્ટ્રીય ક્રિકેટમાં એકમાત્ર બેટ્સમેન બની ગયો છે.

દક્ષિણ આફ્રિકા સામેની ODI સીરિઝમાં 302 રન

દક્ષિણ આફ્રિકા સામેની ODI સીરિઝમાં વિરાટ કોહલીએ ત્રણ મેચમાં કુલ 302 રન બનાવ્યા.જેમાં બે સદી અને એક અડધી સદીનો સમાવેશ થાય છે.તેણે રાંચીમાં રમાયેલી પ્રથમ ODIમાં 135 રન બનાવ્યા.ત્યારબાદ તેણે બીજી વનડેમાં 102 રન બનાવ્યા.ત્રીજી વનડેમાં પણ તેનું મજબૂત ફોર્મ ચાલુ રહ્યું, જેમાં તેણે 65 રન બનાવ્યા.તે શ્સીરિઝમાં બંને ટીમો માટે સૌથી વધુ રન બનાવનાર ખેલાડી હતો.

આંતરરાષ્ટ્રીય ક્રિકેટમાં સૌથી વધુ વખત પ્લેયર ઑફ ધ સિરીઝનો એવોર્ડ જીતનારા ખેલાડીઓની યાદી :

ખેલાડીનું નામ પ્લેયર ઑફ ધ સિરીઝ એવોર્ડ (વખત)
વિરાટ કોહલી 21
સચિન તેંડુલકર 20
શાકિબ અલ હસન 17
જેક્સ કાલિસ 15
ડેવિડ વોર્નર 13
સનથ જયસૂર્યા 

13

 યશસ્વી જયસ્વાલે શાનદાર સદી ફટકારી

ભારતીય ક્રિકેટ ટીમે ત્રીજી વનડેમાં દક્ષિણ આફ્રિકાને 9વિકેટથી હરાવ્યું. ભારતના બોલરો અને બેટ્સમેન બંનેએ મેચમાં શાનદાર પ્રદર્શન કર્યું. પહેલા બેટિંગ કરતા, આફ્રિકન ટીમ ફક્ત 271રનમાં ઓલઆઉટ થઈ ગઈ. ત્યારબાદ ભારતે રોહિત શર્મા, યશસ્વી જયસ્વાલ અને વિરાટ કોહલીને કારણે સરળતાથી લક્ષ્ય હાંસલ કર્યું. જયસ્વાલે 116રનની ઇનિંગ રમી, જેમાં 12ચોગ્ગા અને બે છગ્ગાનો સમાવેશ થાય છે. રોહિત અને વિરાટ કોહલીએ પણ અડધી સદી ફટકારી. રોહિતે 75રન બનાવ્યા, જ્યારે વિરાટ કોહલીએ 65રન બનાવ્યા.