ટીમ ઈન્ડિયાના દિગ્ગજ બેટ્સમેન વિરાટ કોહલી વિજય હજારે ટ્રોફીમાં રમવા માટે તૈયાર છે.ડીડીસીએએ તેમને સંભવિત વિજય હજારે ટીમમાં સામેલ કર્યા છે.દિલ્હી ટીમના સંભવિત ખેલાડીઓમાં ઋષભ પંત પણ સામેલ છે.દક્ષિણ આફ્રિકા સામેની વનડે સીરિઝ દરમિયાન પુષ્ટિ થઈ હતી કે વિરાટ કોહલી વિજય હજારે ટ્રોફીમાં રમશે.
15 વર્ષ પછી વિજય હજારેમાં વિરાટ
વિરાટ કોહલીની વિજય હજારે ટ્રોફીમાં ભાગીદારી ખૂબ જ ખાસ રહેશે, કારણ કે આ અનુભવી ખેલાડી 15 વર્ષ પછી આ ટુર્નામેન્ટમાં રમશે. વિરાટ કોહલી છેલ્લે 2010 માં આ ટુર્નામેન્ટમાં રમ્યો હતો. વિરાટ કોહલીએ વિજય હજારે ટ્રોફીમાં 13 મેચ રમી છે, જેમાં 819 રન બનાવ્યા છે.વિજય હજારે ટ્રોફીમાં વિરાટ કોહલીના ચાર સદી છે.
વર્લ્ડકપ 2027 રડાર પર
2027નો વર્લ્ડકપ વિરાટ કોહલીના રડાર પર છે.કે વિરાટને ODI ક્રિકેટમાં રહેવા માટે ઘરેલુ ક્રિકેટ રમવાની સલાહ આપવામાં આવી હતી, અને તે આમ કરી રહ્યો છે. જોકે, દક્ષિણ આફ્રિકા સામેની ODI સીરિઝદરમિયાન, વિરાટ કોહલીએ સ્પષ્ટપણે કહ્યું હતું કે તેની તૈયારી શારીરિક કરતાં માનસિક વધુ છે.કોહલીએ દક્ષિણ આફ્રિકા સામેની ODI સીરિઝમાં શાનદાર પ્રદર્શન કર્યું,302 રન બનાવ્યા. તેણે સતત બે સદી ફટકારી. તેને પ્લેયર ઓફ ધ સિરીઝ પણ જાહેર કરવામાં આવ્યો.
રોહિત શર્મા વિજય હજારે સામે રમશે
માત્ર વિરાટ કોહલી જ નહીં, રોહિત શર્મા પણ વિજય હજારે ટ્રોફીમાં રમવા માટે તૈયાર છે. મુંબઈ ક્રિકેટ એસોસિએશનના જણાવ્યા અનુસાર, વિજય હજારે ટ્રોફીમાં રોહિતની ભાગીદારી નિશ્ચિત છે. વિરાટની જેમ, આ ખેલાડી પણ ફક્ત એક જ ફોર્મેટ રમી રહ્યો છે. તે પહેલાથી જ ટેસ્ટ અને T20માંથી નિવૃત્તિ લઈ ચૂક્યો છે.
આ પણ વાંચો -Team Indiaના ધુરંધર, બાહુબલી, સૈયારા, દબંગ અને દિલદાર કોણ છે? યશસ્વી જયસ્વાલે કર્યો ખુલાસો
