ફિફા વર્લ્ડ કપ 2026ના રોમાંચની વચ્ચે બ્રાઝિલના સ્ટાર ફૂટબોલર નેમાર જુનિયરના ચાહકો માટે એક મોટા અને ખુશીના સમાચાર આવ્યા છે.નેમાર ટૂંક સમયમાં જ ૫મી વખત પિતા બનવા જઈ રહ્યો છે.આ મહત્વપૂર્ણ સમાચાર તેની ગર્લફ્રેન્ડ બ્રુના બિયાનકાર્ડીએ પોતાની ઓફિશિયલ યુટ્યુબ ચેનલ પર એક ખાસ વીડિયો અપલોડ કરીને જાહેર કર્યા છે.વર્લ્ડ કપ દરમિયાન બ્રુના પણ નેમારની સાથે જ છે.
યુટ્યુબ વીડિયો દ્વારા આખો પરિવાર આવ્યો સામે
બ્રુનાએ શેર કરેલા આ વીડિયોમાં નેમાર અને બ્રુના ઉપરાંત તેમની બે પુત્રીઓ માવી અને મેલ, તેમજ નેમારનો મોટો પુત્ર ડેવી લુકા પણ જોવા મળી રહ્યો છે. રસપ્રદ વાત એ છે કે, નેમારની પુત્રી મેલના જન્મના હજુ એક વર્ષથી પણ ઓછો સમય થયો છે, ત્યાં જ કપલે તેમના ઘરે આવી રહેલા નવા મહેમાનની જાહેરાત કરી દીધી છે. જોકે નેમાર ૫મી વખત પિતા બની રહ્યો છે, પરંતુ બ્રુના સાથે તેનું આ ત્રીજું બાળક હશે. નેમારને બ્રુનાથીનની બે દીકરી છે, જ્યારે અન્ય બે બાળકોમાં મોડેલ અમાન્ડા કિમ્બ્રેલીથી એક દીકરી હેલેના અને પૂર્વ ગર્લફ્રેન્ડથી પુત્ર ડેવી લુકા છે.
