ભારતીય પુરુષોની રિકર્વ તીરંદાજી ટીમ શુક્રવારે અહીં એશિયન ગેમ્સના ફાઇનલમાં ડિફેન્ડિંગ ચેમ્પિયન દક્ષિણ કોરિયા સામે 1-5થી હારી ગઈ. દક્ષિણ કોરિયાએ ભારતને 5-1થી હરાવીને ગોલ્ડ મેડલ જીત્યો. યશદીપ ભોગે, ધીરજ બોમ્મદેવરા અને નીરજ ચૌહાણની ત્રિપુટી જોરદાર ટક્કર આપી છતાં સિલ્વરથી સંતોષ માનવો પડ્યો. ભારતે પુરુષોની રિકર્વ ઇવેન્ટમાં સિલ્વર મેડલ જીત સાથે આ તીરંદાજીમાં ભારતનો સાતમો મેડલ હતો.
ફાઇનલ મુકાબલામાં ભારે રોમાંચ
ફાઇનલ મેચમાં ભારતીય ત્રિપુટીએ આત્મવિશ્વાસપૂર્ણ શરૂઆત કરી હતી. દક્ષિણ કોરિયાએ પ્રથમ સેટની શરૂઆતમાં જ આઠ પોઈન્ટ બનાવતા ભારત પાસે લીડ લેવાની ઉત્તમ તક હતી, પરંતુ બંને ટીમો 56-56ના સરખા સ્કોર પર રહી હતી. ત્યારબાદ બીજા સેટમાં લી વૂ-સીઓક, કિમ જે-દેઓક અને કિમ વૂ-જિનની કોરિયન ટીમે સતત ત્રણ 10-10 પોઈન્ટ મેળવીને ભારે દબાણ ઊભું કર્યું હતું. ભારતીય તીરંદાજો આ સેટમાં પોતાની લય જાળવી શક્યા નહીં અને કોરિયાએ ૫૭-૫૦થી સેટ જીતી લીધો હતો.
અંતિમ સેટ અને ભારતનું શાનદાર અભિયાન
અંતિમ સેટમાં મેચ અત્યંત રોમાંચક બની હતી. જોકે, ચોથા તીર પર નીરજના સાત પોઈન્ટ ભારત માટે ભારે પડ્યા હતા. કોરિયાએ આ સેટ ૫૬-૫૪થી પોતાના નામે કરીને વિજય મેળવ્યો હતો. આ પહેલા ભારતે સેમિફાઇનલમાં ઈરાનને 6-0થી હરાવીને ફાઇનલમાં પ્રવેશ કર્યો હતો. નોંધનીય છે કે આ જ દિવસે સવારના સત્રમાં ભારતીય મહિલા રિકર્વ ટીમે 10 વખતના ઓલિમ્પિક ચેમ્પિયન દક્ષિણ કોરિયાને હરાવીને ઐતિહાસિક ગોલ્ડ મેડલ જીત્યો હતો, જ્યારે મિક્સ્ડ રિકર્વ ટીમે પણ દેશ માટે સિલ્વર મેડલ મેળવ્યો હતો.