ઓટો ડ્રાઈવરની પુત્રી મીનાક્ષી હુડ્ડા,શહીદ વિજય સિંહ પથિક સ્પોર્ટ્સ કોમ્પ્લેક્સ ખાતે યોજાઈ રહેલી વર્લ્ડ બોક્સિંગ ચેમ્પિયનશિપની ફાઇનલમાં પહોંચી ગઈ છે.મીનાક્ષીએ કોરિયાની બેક ચો-રોંગને 5-0 થી હરાવી. આંતરરાષ્ટ્રીય સ્તરે વાપસી કરતી અરુંધતી ચૌધરીએ ત્રણ વખતની વર્લ્ડ કપ મેડલ વિજેતા લિયોની મુલરને હરાવી.મીનાક્ષી,અંકુશ પંઘાલ,પરવીન અને નુપુર બધાએ ફાઇનલમાં પોતાનું સ્થાન નિશ્ચિત કર્યું.
દોઢ વર્ષ પછી અરુંધતીનું શાનદાર પ્રદર્શન
ભૂતપૂર્વ વિશ્વ ચેમ્પિયન અરુંધતી દોઢ વર્ષ પછી સ્પર્ધા કરી રહી હતી.તેણીએ બંને રાઉન્ડ સંપૂર્ણ આક્રમકતા સાથે જીત્યા. તેણીએ બીજા રાઉન્ડમાં જર્મનને પછાડી દીધી.અરુંધતીએ કહ્યું,"હું દોઢ વર્ષ પછી આંતરરાષ્ટ્રીય ક્ષેત્રમાં પાછી ફરી છું,અને હું RSC માં જીત સાથે પરત ફરવાથી ખૂબ જ ખુશ છું.હું શરૂઆતમાં થોડી નર્વસ હતી,કારણ કે મારો છેલ્લો આંતરરાષ્ટ્રીય અનુભવ પેરિસ ક્વોલિફાયરમાં હારનો હતો,ત્યારબાદ મારી કાંડાની સર્જરી થઈ."
