ભારતીય ટીમે T20 વર્લ્ડકપમાં શાનદાર શરૂઆત કરી. સૂર્યકુમાર યાદવની કેપ્ટનશીપ હેઠળની ઇનિંગ્સે ભારતને નબળી શરૂઆત છતાં 161 રનના સ્કોર સુધી પહોંચાડવામાં મદદ કરી. લક્ષ્યનો પીછો કરતી વખતે, યુએસએ 20 ઓવરમાં ફક્ત 132 રન જ બનાવી શક્યું. આ 29 રનનો વિજય ઐતિહાસિક હતો, કારણ કે ભારત હવે T20 વર્લ્ડ કપ ઇતિહાસમાં સૌથી વધુ સતત જીતનો રેકોર્ડ ધરાવે છે. અગાઉ, દક્ષિણ આફ્રિકા અને ઓસ્ટ્રેલિયા સંયુક્ત રીતે ટોચ પર હતા.ચાલુ T20 વર્લ્ડ કપની પહેલી મેચમાં, ભારત ટોસ હારી ગયું અને તેને પ્રથમ બેટિંગ કરવાની ફરજ પડી. સૂર્યકુમાર યાદવ 49 બોલમાં 84 રન બનાવી અણનમ રહ્યા ત્યારે ભારત 77 રનમાં 6 વિકેટ ગુમાવી દીધું હતું. જવાબમાં, યુએસએ ફક્ત 132 રન જ બનાવી શક્યું.
ટીમ ઇન્ડિયાએ ઇતિહાસ રચ્યો
ભારત હવે T20 વર્લ્ડ કપ ઇતિહાસમાં સૌથી વધુ સતત જીત મેળવનાર દેશ બની ગયો છે. આ ટીમ ઈન્ડિયાનો સતત નવમો વિજય હતો. સેમિફાઇનલમાં ઈંગ્લેન્ડ સામે હાર્યા બાદ ભારત 2022ના T20 વર્લ્ડ કપમાંથી બહાર થઈ ગયું હતું. 2024માં, ટીમ ઈન્ડિયાએ બધી મેચ જીતી અને ફાઇનલમાં દક્ષિણ આફ્રિકાને હરાવીને બીજી વખત ચેમ્પિયન બન્યું. અગાઉ, ઓસ્ટ્રેલિયા અને દક્ષિણ આફ્રિકાના નામે સૌથી વધુ સતત જીતનો રેકોર્ડ હતો, બંને ટીમો સતત આઠ મેચ જીતી હતી. હવે, ભારત નવ મેચ સાથે યાદીમાં ટોચ પર છે, જેના કારણે કોઈપણ ટીમ માટે આ રેકોર્ડ તોડવો ખૂબ મુશ્કેલ બની ગયો છે.
