Paris Olympic 2024 :ભારતીય મહિલા તીરંદાજી ટીમનો ક્વાર્ટર ફાઇનલમાં પરાજય,TTમાં મનિકા જીતી

• ટેબલ ટેનિસની મેન્સ સિંગલ્સમાં અચંતા શરત કમલનો પરાજય થયો
  
  
  
• શ્રીજા અકુલાએ ટેબલ ટેનિસમાં પોતાનો પહેલો મુકાબલો એકતરફી રીતે જીત્યો
• ભારતીય મહિલા તીરંદાજી ટીમ ક્વાર્ટર ફાઇનલમાં પરાજય સાથે બહાર

ભારતીય મહિલા તીરંદાજી ટીમ ક્વાર્ટર ફાઇનલમાં પરાજય સાથે બહાર થઇ ગઇ છે. ભારતને નેધરલેન્ડની ટીમે 6-0થી હાર આપી હતી. અંકિતા ભક્ત, ભજન કૌર અને દીપિકા કુમારીની ટીમને નેધરલેન્ડની ક્વિન્ટી રોએફનેગેબી શ્લોએસર અને વિન્કેલ વાન ડરની ટીમે હરાવી હતી.

પહેલા રાઉન્ડમાં નેધરલેન્ડે 52નો સ્કોર કર્યો હતો જેની સામે ભારતીય ટીમે 51નો સ્કોર કર્યો હતો. બીજા રાઉન્ડમાં નેધરલેન્ડના 54 સામે ભારતીય ટીમ 49નો સ્કોર કરી શકી હતી. ત્રીજા રાઉન્ડમાં ભારતે 48નો સ્કોર કર્યો હતો જેની સામે હરીફ ટીમે 53નો સ્કોર કર્યો હતો.

બીજી બાજુ ટેબલ ટેનિસમાં ભારતની મહિલા ટેબલ ટેનિસ ખેલાડી મનિકા બત્રાએ સિંગલ્સના રાઉન્ડ ઓફ 64માં જીત મેળવી હતી. મનિકાએ બ્રિટનની એના હર્સેને 4-1થી હાર આપી હતી. મનિકાએ હર્સે પર 1108, 12-10, 11-9 અને 11-5થી જીત મેળવી હતી. તો મેન્સ સિંગલ્સની રાઉન્ડ ઓફ 64 મેચમાં પેરિસ ઓલિમ્પિકમાં ભારતી. કન્ટિન્જેન્ટના ફ્લેગબેરર રહેલા ટેબલ ટેનિસ ખેલાડી અચંતા શરત કમલે પોતાની પહેલી મેચમાં જ પરાજયનો સામનો કરવો પડયો હતો. શરતને ક્લોવેનિયાના કોજુલ ડેનીએ 4-2થી હાર આપી હતી. કોજુલે 12-10, 9-11, 6-11, 7-11, 11-8 અને 10-12થી જીત મેળવી હતી. બંને વચ્ચેનો મુકાબલો 53 મિનિટ સુધી ચાલ્યો હતો. ટેબલ ટેનિસની એક અન્ય મેચમાં ભારતની શ્રીજા અકુલાએ પણ ક્રિસ્ટિના કાલબર્ગને એકતરફી રીતે 4-0થી પરાજય આપ્યો હતો.