- વિન્ડીઝના પૂર્વ ક્રિકેટર વિન્સ્ટન બેન્જામિનનો પુત્ર પેરિસ ઓલિમ્પિકમાં છવાયો
- નોર્વેના વારહોલ્મને 400 મીટર હર્ડલ્સ રેસમાં હરાવી રાય બેન્જામિન ગોલ્ડ જીત્યો
- 2021માં વારહોલ્મે આ ઇવેન્ટના 29 વર્ષ જૂના વર્લ્ડ રેકોર્ડને તોડયો હતો
નોર્વેના કાસ્ટર્ન વારહોલ્મ પેરિસ ઓલિમ્પિકમાં ગોલ્ડ મેડલ ચુકી ગયો છે. 28 વર્ષીય વારહોલ્મ 400 મીટર હર્ડલ્સ ઇવેન્ટમાં રમે છે. 2021માં તેણે આ ઇવેન્ટના 29 વર્ષ જૂના વર્લ્ડ રેકોર્ડને તોડયો હતો. પછી ટોક્યો ઓલિમ્પિકમાં પોતાના જ રેકોર્ડને તોડીને ગોલ્ડ મેડલ જીત્યો હતો.
તે બાદ 2023માં વર્લ્ડ ચેમ્પિયનશિપમાં પણ ગોલ્ડ મેડલ જીત્યો હતો. પરંતુ પેરિસ ઓલિમ્પિકમાં તેણે સિલ્વર મેડલથી જ સંતોષ માનવો પડયો હતો. વેસ્ટ ઇન્ડિઝના પૂર્વ ક્રિકેટર વિન્સ્ટન બેન્જામિનના પુત્ર રાય બેન્જામિને આ ઇવેન્ટમાં ગોલ્ડ મેડલ જીત્યો હતો. તે અમેરિકા વતી ઓલિમ્પિકમાં રમવા ઉતર્યો હતો. આ પહેલો પ્રસંગ છે જ્યારે તેણે 400 મીટર હર્ડલ્સની ફાઇનલમાં કાર્સ્ટન વારહોલ્મને પછાડીને મેડલ જીત્યો હતો. 2019 અને 2023માં જ્યારે વારહોલ્મે વર્લ્ડ ચેમ્પિયનશિપમાં ગોલ્ડ જીત્યો હતો અને રાય બેન્જામિન ત્યારે સિલ્વર અને બ્રોન્ઝ જ જીતી શક્યો હતો. ટોક્યોમાં પણ બેન્જામિન બીજા સ્થાને રહ્યો હતો અને સિલ્વર મેડલ જીત્યો હતો.
