બીજી ટેસ્ટ જીતવા માટે પાકિસ્તાનની મોટી ચાલ, પિચને અંગે લીધો આ નિર્ણય

પાકિસ્તાની ટીમનું તાજેતરનું પ્રદર્શન કંઈ ખાસ રહ્યું નથી. ટીમના બેટ્સમેન અને બોલરો ફ્લોપ રહ્યા છે. ટીમની દરેક રણનીતિ નિષ્ફળ રહી છે. ટીમ ઈન્ડિયાને આ પહેલા બાંગ્લાદેશ સામે ટેસ્ટ સિરીઝમાં 2-0થી હારનો સામનો કરવો પડ્યો હતો. આ પછી ટીમને ઈંગ્લેન્ડ સામેની પ્રથમ ટેસ્ટ મેચમાં પ્રથમ દાવમાં 500થી વધુ રન બનાવ્યા બાદ પણ હારનો સામનો કરવો પડ્યો હતો. આ સિરીઝની બીજી મેચ મુલ્તાનમાં જ રમાશે.

પિચને લઈને લીધો મોટો નિર્ણય

એક રિપોર્ટ અનુસાર, ઈંગ્લેન્ડ અને પાકિસ્તાન વચ્ચે બીજી ટેસ્ટ મેચ મુલતાનની એ જ પિચ પર રમાશે, જેના પર પ્રથમ મેચ રમાઈ હતી. બે ટેસ્ટ મેચ માટે એક જ પિચનો ઉપયોગ કરવામાં આવશે. પ્રથમ ટેસ્ટ મેચ બાદ ગ્રાઉન્ડ સ્ટાફે પિચ પર પાણી ભર્યું હતું. પરંતુ હવે પિચની બંને બાજુએ પંખા અને સૂર્યપ્રકાશ દ્વારા પાણીને સૂકવવામાં આવી રહ્યું છે. આ સાથે જ પાકિસ્તાનના ટેસ્ટ કોચ જેસન ગિલેસ્પી અને ટેસ્ટ કેપ્ટન શાન મસૂદે પણ પિચ જોઈ હતી.

આ પછી જેસન ગિલેસ્પીએ ઓસ્ટ્રેલિયાના પીચ ક્યુરેટર ટોની હેમિંગ સાથે વાત કરી હતી. પ્રથમ ટેસ્ટ મેચ બાદ પિચ પર ઘણા પગના નિશાન જોવા મળ્યા હતા. તેમને ઘટાડવામાં આવી રહ્યા છે. રિપોર્ટ્સનું માનીએ તો પાકિસ્તાનની ટીમ હવે ઈંગ્લેન્ડના બેટ્સમેનોને સ્પિન ટ્રેકમાં ફસાવવાનો પ્રયાસ કરી રહી છે.

પાકિસ્તાને ચાલી મોટી ચાલ

ઈંગ્લેન્ડ સામેની પ્રથમ ટેસ્ટ મેચમાં પાકિસ્તાની સ્પિનરોને વધારે મદદ મળી ન હતી. આવી સ્થિતિમાં હવે પાકિસ્તાની ટીમ તેને સ્પિન ટ્રેક બનાવવા માંગે છે. ઈંગ્લેન્ડના બેટ્સમેન પણ સ્પિનરો સામે સંઘર્ષ કરે છે. આવી સ્થિતિમાં પાકિસ્તાન આ નબળાઈનો ફાયદો ઉઠાવવાનો પ્રયાસ કરશે. ક્રિકેટમાં ટીમો હંમેશા ઘરની પરિસ્થિતિનો ફાયદો ઉઠાવે છે, પરંતુ પાકિસ્તાન સાથે તેનાથી વિપરીત થઈ રહ્યું છે. છેલ્લી 11 ઘરઆંગણાની ટેસ્ટ મેચોમાં પાકિસ્તાન જીત્યું નથી.

દિગ્ગજ ખેલાડીઓને કર્યો બહાર

બાબર આઝમ, શાહીન શાહ આફ્રિદી, નસીમ શાહ, સરફરાઝ અહેમદને બીજી ટેસ્ટ મેચમાંથી બહાર કરવામાં આવ્યા છે. બાબર આઝમનું તાજેતરનું પ્રદર્શન કંઈ ખાસ રહ્યું નથી.

ઈંગ્લેન્ડ સામેની બીજી અને ત્રીજી ટેસ્ટ માટેની પાકિસ્તાનની ટીમ

 શાન મસૂદ (કેપ્ટન), સઈદ શકીલ (વાઈસ-કેપ્ટન), આમિર જમાલ, અબ્દુલ્લા શફીક, હસીબુલ્લાહ (વિકેટકીપર), કામરાન ગુલામ, મેહરાન મુમતાઝ, મીર હમઝા, મોહમ્મદ અલી, મોહમ્મદ હુરૈરા , મોહમ્મદ રિઝવાન (વિકેટકીપર), નોમાન અલી, સૈમ અયુબ, સાજીદ ખાન, સલમાન અલી આગા અને ઝાહિદ મહમૂદ.