પાકિસ્તાની ખેલાડીઓ બન્યા સાન્તાક્લોઝ, ક્રિસમસ પર ઓસ્ટ્રેલિયન ખેલાડીઓને વહેંચી સરપ્રાઈઝ ગિફ્ટ

• ક્રિસમસના દિવસે પાકિસ્તાની ખેલાડીઓ બન્યા સાન્તાક્લોઝ
  
• પ્રેક્ટિસ સેશનમાં ઓસ્ટ્રેલિયન ખેલાડીઓને વહેંચી સરપ્રાઈઝ ગિફ્ટ
• પાકિસ્તાન 28 વર્ષથી ઓસ્ટ્રેલિયામાં એકપણ ટેસ્ટ જીત્યું નથી

ક્રિસમસના દિવસે પાકિસ્તાનની ટીમે ઓસ્ટ્રેલિયાના ખેલાડીઓને ચોંકાવી દીધા હતા. સવારના પ્રેક્ટિસ સેશન દરમિયાન પાકિસ્તાન ટીમના કેટલાક ખેલાડીઓ અને કોચિંગ સ્ટાફ ઓસ્ટ્રેલિયન કેમ્પમાં પહોંચ્યા હતા. અહીં તેમણે ઓસ્ટ્રેલિયન ખેલાડીઓ અને તેમના પરિવારના સભ્યોને સરપ્રાઈઝ ગિફ્ટ્સ વહેંચી હતી.

ઓસ્ટ્રેલિયાની ટીમ મેલબોર્ન ક્રિકેટ ગ્રાઉન્ડની ઇન્ડોર નેટ્સ પર પ્રેક્ટિસ કરી રહી હતી. આ દરમિયાન ખેલાડીઓની સાથે તેમના પરિવારજનો પણ હાજર હતા. બસ આ સમયે પાકિસ્તાનનો કેપ્ટન શાન મસૂદ અને કોચિંગ સ્ટાફ અહીં પહોંચી ગયા હતા. અહીં પેટ કમિન્સ અને શાન મસૂદ પણ લાંબા સમય સુધી વાત કરતા જોવા મળ્યા હતા. આ પ્રસંગનો વીડિયો હવે સોશિયલ મીડિયા પર મોટા પ્રમાણમાં શેર કરવામાં આવી રહ્યો છે.

બોક્સિંગ ડે ટેસ્ટમાં આમને સામને

ઓસ્ટ્રેલિયા અને પાકિસ્તાનની ટીમો હાલમાં ત્રણ મેચની ટેસ્ટ સિરીઝમાં આમને-સામને છે. ઓસ્ટ્રેલિયાએ આ સિરીઝની પ્રથમ મેચ એકતરફી રીતે જીતી હતી. હવે બીજી ટેસ્ટ આવતીકાલે એટલે કે મંગળવાર (26 ડિસેમ્બર)થી શરૂ થવાની છે. આ મેચ મેલબોર્નમાં રમાશે. પાકિસ્તાનની ટીમ કોઈપણ ભોગે અહીં મેચ જીતીને સિરીઝમાં વાપસી કરવા ઈચ્છશે.

પાકિસ્તાન 28 વર્ષથી ઓસ્ટ્રેલિયામાં એકપણ ટેસ્ટ જીત્યું

ઓસ્ટ્રેલિયામાં પાકિસ્તાનનો ટેસ્ટ રેકોર્ડ ઘણો ખરાબ રહ્યો છે. છેલ્લા 28 વર્ષમાં પાકિસ્તાની ટીમ અહીં એક પણ ટેસ્ટ મેચ જીતી શકી નથી. છેલ્લી વખત પાકિસ્તાનની ટીમે ઓસ્ટ્રેલિયાને તેના હોમ ગ્રાઉન્ડ પર વર્ષ 1995માં હરાવ્યું હતું. અન્ય એક ખાસ આંકડા એ છે કે આજ સુધી પાકિસ્તાનની ટીમ ક્યારેય ઓસ્ટ્રેલિયામાં ટેસ્ટ સિરીઝ જીતી શકી નથી. આ વખતે એ જોવાનું રસપ્રદ રહેશે કે શાન મસૂદની કેપ્ટન્સીમાં પાકિસ્તાન અહીં કેટલી સફળતા મેળવે છે.