- પેરિસ ડાયમંડ લીગ : સ્ટિપલ ચેઝ ઇવેન્ટમાં ઇથોપિયાના અબ્રાહમે ગોલ્ડ મેડલ જીત્યો
- સાબલેએ આઠ મિનિટ 11.20 સેકન્ડના સમય સાથે સિલ્વર મેડલ હાંસલ કર્યો
- ચાર્લેટી સ્ટેડિયમ ખાતેની આ ડાયમંડ લીગમાં સાબલે છઠ્ઠા ક્રમે રહ્યો હતો
ભારતીય સ્પ્રિન્ટર અવિનાશ સાબલેએ રફતારનું પ્રદર્શન કરીને પેરિસ ડાયમંડ લીગ 2024 એથ્લેટિક મીટની મેન્સ 3000 મીટર સ્ટીપલચેઝમાં પોતાનો જ નેશનલ રેકોર્ડ તોડી નાખ્યો હતો. સાબલેએ પોતાના છેલ્લા રેકોર્ડ કરતાં એક ઓછી સેકન્ડ સાથે આઠ મિનિટ 09.91 સેકન્ડનો સમય હાંસલ કર્યો હતો.
ચાર્લેટી સ્ટેડિયમ ખાતેની આ ડાયમંડ લીગમાં સાબલે છઠ્ઠા ક્રમે રહ્યો હતો. 2023માં બર્મિંગહામ કોમનવેલ્થમાં સાબલેએ આઠ મિનિટ 11.20 સેકન્ડના સમય સાથે સિલ્વર મેડલ હાંસલ કર્યો હતો. ઇથોપિયાના અબ્રાહમ સિમેએ આઠ મિનિટ 02.36 સેકન્ડના સમય સાથે ગોલ્ડ મેડલ હાંસલ કર્યો હતો. તેણે ફોટો ફિનિશમાં કેન્યાના કોમનવેલ્થ ગેમ્સના બ્રોન્ઝ મેડાલિસ્ટ એમોસ સેરેમને નજીવા માર્જિનથી હરાવ્યો હતો. કેન્યાના અન્ય એક એથ્લેટ અબ્રાહમ કિબિવોટે આઠ મિનિટ 06.70 સેકન્ડના સમય સાથે બ્રોન્ઝ મેડલ પોતાના નામે કર્યો હતો. આ ઇવેન્ટમાં વિશ્વના 17 રનર્સે ભાગ લીધો હતો.
