- નીરજ ચોપરાએ ભાલા ફેંક ઈવેન્ટમાં સિલ્વર મેડલ જીતીને ઈતિહાસ રચ્યો
- પાકિસ્તાનના અરશદ નદીમે ગોલ્ડ જીતી નવો રેકોર્ડ બનાવ્યો
- PM Modiએ નીરજ ચોપડા સાથે વાત કરીને અભિનંદન આપ્યા
વડાપ્રધાન નરેન્દ્ર મોદીએ નીરજ ચોપરા સાથે ફોન પર વાત કરી હતી. તેણે નીરજને પેરિસ ઓલિમ્પિક 2024માં સિલ્વર મેડલ જીતવા બદલ અભિનંદન પાઠવ્યા હતા. આ સિવાય ભારતીય વડાપ્રધાને નીરજ ચોપરા પાસેથી તેમની ઈજા વિશે પણ જાણકારી મેળવી હતી. ઉપરાંત, તેની માતાએ જે પ્રકારની રમતની ભાવના બતાવી તેની પીએમ મોદીએ ખૂબ પ્રશંસા કરી હતી.
આ પહેલા પીએમ મોદીએ નીરજ ચોપરાને ટ્વીટ કરીને અભિનંદન પાઠવ્યા હતા. તેમણે પોતાની પોસ્ટમાં લખ્યું- સિલ્વર મેડલ જીતવા બદલ અભિનંદન. તમે આવનારા અસંખ્ય ખેલાડીઓને તેમના સપના પૂરા કરવા અને આપણા દેશને ગૌરવ અપાવવા માટે પ્રેરણા આપતા રહેશો. પીએમે આગળ લખ્યું કે નીરજ ચોપરા શ્રેષ્ઠતાનું સાચું ઉદાહરણ છે! તેમણે પોતાની પ્રતિભા વારંવાર બતાવી છે. ભારત ખુશ છે કે તેને ફરી એકવાર ઓલિમ્પિકમાં સફળતા મળી છે. સિલ્વર મેડલ જીતવા બદલ અભિનંદન.
નીરજ આ રમતમાં 2 મેડલ જીતનાર પ્રથમ ભારતીય
નીરજ ચોપરાએ સતત બીજી ઓલિમ્પિકમાં ટ્રેક એન્ડ ફિલ્ડ ઈવેન્ટમાં મેડલ જીત્યો છે. ગત ઓલિમ્પિકમાં તેણે આ જ ઈવેન્ટમાં ગોલ્ડ મેડલ જીત્યો હતો અને આ વખતે તેણે સિલ્વર મેડલ જીત્યો છે. નીરજ ચોપરા સતત બીજી ઓલિમ્પિકમાં ટ્રેક એન્ડ ફિલ્ડમાં મેડલ જીતનાર પ્રથમ ભારતીય એથ્લેટ બની ગયો છે.
સતત મેડલ જીતનાર ત્રીજો ભારતીય એથ્લેટ
નીરજ ચોપરાએ ગત ઓલિમ્પિકમાં ગોલ્ડ મેડલ અને આ ઓલિમ્પિકમાં સિલ્વર મેડલ જીત્યો છે. તે સતત બે ઓલિમ્પિકમાં મેડલ જીતનારો ત્રીજો ભારતીય ખેલાડી બન્યો છે. આ પહેલા કુસ્તીબાજ સુશીલ કુમારે 2008, 2012માં અને પીવી સિંધુએ 2016, 2021માં મેડલ જીત્યો હતો.
ભારતના સૌથી સફળ એથ્લેટ બન્યો
પેરિસ ઓલિમ્પિક-2024માં સિલ્વર મેડલ જીતીને નીરજ ચોપરા વ્યક્તિગત ઓલિમ્પિક રમતોમાં ભારતના સૌથી સફળ એથ્લેટ બની ગયા છે. નીરજ ચોપરાએ ઓલિમ્પિકમાં એક ગોલ્ડ અને એક સિલ્વર મેડલ જીત્યો છે. અગાઉ બેડમિન્ટન ખેલાડી પીવી સિંધુ, કુસ્તીબાજ સુશીલ કુમાર અને શૂટર મનુ ભાકરે 2-2 મેડલ જીત્યા હતા.
