પેરિસ ઓલિમ્પિક 2024માં ભારતે 5 મેડલ જીત્યા
નીરજ ચોપડાએ સિલ્વર મેડલ જીતી ઇતિહાસ રચ્યો
આજે અમન સેહરાવત વધુ એક મેડલ જીતી શકે છે

પેરિસ ઓલિમ્પિક 2024માં ભારતનો આજે એટલે કે 9 ઓગસ્ટે 14મો દિવસ હશે. અત્યાર સુધીમાં પૂરા થયેલા 13 દિવસમાં ભારતના ખાતામાં કુલ 5 મેડલ આવ્યા છે, જેમાં 4 બ્રોન્ઝ અને 1 સિલ્વરનો સમાવેશ થાય છે. હવે 14માં દિવસે ભારત છઠ્ઠો મેડલ મેળવી શકે છે. 13માં દિવસે ભારતને પેરિસ ઓલિમ્પિકનો પ્રથમ સિલ્વર મળ્યો, જે નીરજ ચોપરાએ ભાલા ફેંક સ્પર્ધામાં જીત્યો હતો.

આ સિવાય ભારતીય હોકી ટીમે બ્રોન્ઝ પર કબજો કર્યો હતો. અત્યાર સુધીમાં ભારતે શૂટિંગમાં ત્રણ મેડલ જીત્યા છે, એક હોકીમાં અને એક ભાલા ફેંકમાં. હવે આજે ભારત કુસ્તીમાં મેડલ મેળવી શકે છે. આજે ભારતીય કુસ્તીબાજ અમન સેહરાવત બ્રોન્ઝ મેડલ મેચ રમશે. અમન સેહરાવત પેરિસ ઓલિમ્પિકમાં ભારતને છઠ્ઠો મેડલ અપાવનાર ખેલાડી બની શકે છે.

સેમીફાઇનલમાં હાર્યો હતો અમન સેહરાવત

તમને જણાવી દઈએ કે અમનને સેમિફાઈનલ મેચમાં હારનો સામનો કરવો પડ્યો હતો, જેના કારણે તે આજે બ્રોન્ઝ મેડલ મેચ માટે મેદાનમાં ઉતરશે. સેમીફાઈનલમાં અમાનને જાપાનના રેઈ હિગુચી સામે હારનો સામનો કરવો પડ્યો હતો. હિચુગીએ સેમિફાઇનલમાં અમનને 10-0થી હરાવ્યો હતો.

અમન સેહરાવત પાસે બ્રોન્ઝ જીતવાનો મોકો

હવે અમન બ્રોન્ઝ મેડલ મેચ માટે મેદાનમાં ઉતરશે. તેની બ્રોન્ઝ મેડલ મેચ પ્યુર્ટો રિકોના ડેરિયન ક્રુઝ સામે રાત્રે 10:45 વાગ્યાથી થશે. આ ઉપરાંત, પુરૂષો અને મહિલાઓની 4*400 મીટર રિલે ટીમો મેદાનમાં રહેશે. આ સિવાય ગોલ્ફનો ત્રીજો રાઉન્ડ થશે, જેમાં અદિતિ અશોક અને દીક્ષા ડાગર મેદાનમાં જોવા મળશે.

પેરિસ ઓલિમ્પિકમાં આજનું ભારતનું શેડ્યૂલ

એથ્લેટિક્સ