PM મોદી પેરિસ પેરાલિમ્પિકમાં મેડલ જીતનાર ભારતીય ખેલાડીઓને મળ્યા હતા. આ દરમિયાન ભારતીય વડાપ્રધાને ખેલાડીઓ સાથે વાતચીત કરી હતી. પેરિસ પેરાલિમ્પિક્સમાં મેડલ જીતનાર ભારતીય ખેલાડીઓએ પીએમ મોદીને ટી-શર્ટ, શૂઝ અને તીર જેવી વસ્તુઓ ભેટમાં આપી હતી.
પેરાલિમ્પિક ગેમ્સમાં ભારતનું આ સર્વશ્રેષ્ઠ પ્રદર્શન
પેરિસ પેરાલિમ્પિકમાં ભારતીય ખેલાડીઓનું પ્રદર્શન શાનદાર રહ્યું હતું. આ મેગા ઈવેન્ટમાં ભારતીય ખેલાડીઓએ રેકોર્ડ 29 મેડલ જીતીને ઈતિહાસ રચ્યો હતો. ટોક્યો પેરાલિમ્પિક ગેમ્સમાં ભારતીય ખેલાડીઓએ 19 મેડલ જીત્યા હતા. પેરાલિમ્પિક ગેમ્સમાં ભારતનું આ સર્વશ્રેષ્ઠ પ્રદર્શન હતું, પરંતુ હવે ભારતે તેના જૂના રેકોર્ડને પાછળ છોડી દીધો છે.
'તમારા સમર્થન બદલ આભાર સર...'
પેરિસ પેરાલિમ્પિકમાં ગોલ્ડ મેડલ જીતનારી શૂટર અવની લેખારાએ પીએમ મોદીને પોતાની જર્સી આપી હતી. આ જર્સી પર લખ્યું હતું - તમારા સમર્થન માટે આભાર સર... આ દરમિયાન ગોલ્ડ મેડલ વિજેતા સુમિત અંતિલ પીએમ સાથે મજાક કરતા જોવા મળ્યા હતા. પેરિસ પેરાલિમ્પિક્સમાં મેડલ જીતનાર ખેલાડીઓએ પીએમ મોદી સાથે તેમના અનુભવો શેર કર્યા હતા. સાથે જ આ ખેલાડીઓએ જણાવ્યું કે પેરા સ્પોર્ટસના સારા માટે શું કરી શકાય?
પેરિસ પેરાલિમ્પિક્સમાં ભારતે રચ્યો ઈતિહાસ
તમને જણાવી દઈએ કે પેરિસ પેરાલિમ્પિક ગેમ્સમાં ભારતીય ખેલાડીઓનું પ્રદર્શન શાનદાર રહ્યું હતું. 7 ગોલ્ડ મેડલ ઉપરાંત ભારતે 9 સિલ્વર મેડલ અને 13 બ્રોન્ઝ મેડલ જીત્યા હતા. આ પહેલા ભારતે ટોક્યોમાં 19 મેડલ જીત્યા હતા. ટોક્યો પેરાલિમ્પિક્સમાં ભારત 24માં સ્થાને હતું, જ્યારે આ વખતે તે મેડલ ટેલિમાં 18માં સ્થાને છે.
