- પેશાવર ઝાલ્મી અને મુલતાન સુલ્તાન વચ્ચે સેમિફાઈનલ મેચ
- મુલ્તાન સુલ્તાન પેશાવર ઝાલ્મીને હરાવીને ફાઈનલમાં પ્રવેશ્યું
- આ મેચમાં પેશાવર ઝાલ્મીને એક બોલ પર 7 રન મળ્યા હતા
હાલમાં પાકિસ્તાન સુપર લીગ ચાલુ છે અને ગુરુવારે પેશાવર ઝાલ્મી અને મુલતાન સુલ્તાન વચ્ચે મેચ રમાઈ હતી. આ મેચમાં મોહમ્મદ રિઝવાનની કપ્તાનીમાં મુલ્તાન સુલ્તાન્સે બાબર આઝમની આગેવાની હેઠળની પેશાવર ઝાલ્મીને હરાવી ફાઇનલમાં પ્રવેશ કર્યો હતો. મુલતાનની ટીમ હવે 18 માર્ચે યોજાનારી ફાઈનલ મેચમાં ઉતરશે. આ મેચમાં મુલતાનની જીત સિવાય એક એવી ઘટના પણ બની જેણે ઘણી હેડલાઈન્સ બનાવી. બાબર આઝમની પેશાવર ઝાલ્મી જ્યારે બેટિંગ કરી રહી હતી ત્યારે પ્રથમ દાવમાં આ જોવા મળ્યું હતું. આ ઈનિંગની 11મી ઓવરમાં કંઈક એવું થયું જેણે હંગામો મચાવ્યો. આ ઓવરમાં ટીમને એક બોલ પર 7 રન મળ્યા હતા. બોલ ગ્લોવ્સમાં વાગ્યા બાદ અમ્પાયરે પેનલ્ટી લગાવી હતી.
બોલ ગ્લોવ્સમાં વાગ્યો અને 5 રન મળ્યા.
ઇનિંગ્સની 11મી ઓવરમાં બોલ ખુશદિલ શાહના હાથમાં હતો અને ટોમ કોહલર કેડમોર બેટિંગ કરી રહ્યો હતો. આ દરમિયાન ઓવરના છેલ્લા બોલ પર કેડમોરે ફાઇન લેગ તરફ શોટ રમ્યો હતો. જે બાદ તે અને નોન સ્ટ્રાઈકીંગ એન્ડ પર હાજર બાબર આઝમે 2 રન બનાવ્યા હતા. પરંતુ જ્યારે ફિલ્ડરે બોલ ફેંક્યો ત્યારે તે જમીન પર પડેલા વિકેટકીપિંગ ગ્લોવ્ઝ પર વાગ્યો. આ ગ્લોવ્સ મુલ્તાનના કેપ્ટન અને વિકેટકીપર મોહમ્મદ રિઝવાનના હતા. ઘણીવાર એવું જોવા મળે છે કે કીપર બોલની પાછળ દોડે છે અને ફેંકવા માટે તેના મોજા જમીન પર મૂકે છે. પરંતુ નિયમો અનુસાર, જો જાણી જોઈને કોઈ વસ્તુ મેદાન પર મૂકવામાં આવે છે અને બોલ તેના પર અથડાય છે, તો 5 રનની પેનલ્ટી આપવામાં આવે છે.
1 બોલ પર 7 રન બનાવ્યા
અહીં પણ એવું જ થયું, જ્યારે બોલ ગ્લોવ્સ પર વાગ્યો, ત્યારે અમ્પાયરે 2 રનની મંજૂરી સાથે 5 રનની પેનલ્ટી આપી. આ રીતે પેશાવર ઝાલ્મીને એક બોલ પર 7 રન મળ્યા. જો કે, ફિલ્ડ અમ્પાયર અલીમ ડારે બધું બરાબર નિયમો મુજબ કર્યું હતું. પરંતુ કદાચ મોહમ્મદ રિઝવાન તેને પચાવી શક્યો ન હતો. તે સતત દલીલ કરતો જોવા મળ્યો હતો. આ પછી ભારે હોબાળો થયો હતો.
MCC નિયમ શું કહે છે?
ક્રિકેટના નિયમો બનાવતી સંસ્થા MCC (મેરીલેબોન ક્રિકેટ ક્લબ)ની રૂલ બુક જોઈએ તો તેમાં પણ આનો ઉલ્લેખ છે. MCC નિયમ નંબર 28.2.1.3 માં આનો ઉલ્લેખ છે. તેમના મતે, જો કોઈ પણ ફિલ્ડર અથવા વિકેટકીપર મેદાન પર પોતાની વસ્તુ મૂકે છે અને જો બોલ તેને અથડાય છે તો બેટિંગ ટીમને પાંચ રન મળે છે. ઘણીવાર તમે જોયું હશે કે વિકેટકીપરની પાછળ હેલ્મેટ રાખવામાં આવે છે અને જો બોલ તેને અથડાવે તો માત્ર પાંચ રન આપવામાં આવે છે.
