રાફેલ નડાલે ટેનિસને અલવિદા કહી દીધું. સ્પેનિશ ટેનિસ સ્ટારે ડેવિસ કપમાં પોતાની કારકિર્દીની છેલ્લી મેચ રમી હતી. નોંધનીય બાબત એ છે કે ટેનિસ લેજેન્ડે ગયા મહિને એટલે કે ઓક્ટોબરમાં જ નિવૃત્તિની જાહેરાત કરી હતી. તેણે ડેવિસ કપમાં તેની છેલ્લી મેચ રમવાની વાત કરી હતી. નડાલે મંગળવારે ડેવિડ કપમાં તેની છેલ્લી મેચ નેધરલેન્ડના બોટિક વાન ડી ઝિડસ્ચલ્પ સામે રમી હતી. આ મેચમાં નડાલને બોટિક વેન ડી દ્વારા સીધા સેટમાં 6-4, 6-4થી હરાવ્યો હતો. નડાલે મેચના બીજા સેટમાં વાપસી કરી હતી, પરંતુ આખરે તેને હારનો સામનો કરવો પડ્યો હતો.
નડાલે ટેનિસમાં ઘણી સિદ્ધીઓ મેળવી
તમને જણાવી દઈએ કે 38 વર્ષીય નડાલે 22 ગ્રાન્ડ સ્લેમ સિંગલ્સ ટાઈટલ સાથે સંન્યાસ લીધો હતો. આ સિવાય તેણે ટેનિસમાં પણ ઘણી સિદ્ધિઓ હાંસલ કરી હતી. તેની કારકિર્દીના અંતે, નડાલે આગ્રહ કર્યો કે તેને તેના એથ્લેટિક અને વ્યક્તિગત ગુણો બંને માટે યાદ કરવામાં આવે.
છેલ્લી મેચ બાદ નડાલે કહી આ વાત
હું માનસિક શાંતિ સાથે વિદાય કરી રહ્યો છું કે મેં એક વારસો છોડી દીધો છે, જે મને લાગે છે કે તે માત્ર રમતગમતનો નથી પરંતુ વ્યક્તિગત વારસો છે. ટાઈટલ્સ, નંબર છે. પરંતુ હું જે રીતે વધુ યાદ રાખવા માંગુ છું તે એક સારા વ્યક્તિ તરીકે છે, એક બાળક જેણે તેના સપનાને ફોલો કર્યા અને મેં ક્યારેય સપનું નહોતું કર્યું તે કરતાં વધુ હાંસલ કર્યું."
સૌથી વધુ ગ્રાન્ડ સ્લેમ જીતનાર ખેલાડીઓની યાદીમાં નામ
અત્યાર સુધી સૌથી વધુ ગ્રાન્ડ સ્લેમ જીતવાનો રેકોર્ડ સર્બિયન ખેલાડી નોવાક જોકોવિચના નામે છે. જોકોવિચે કુલ 24 ગ્રાન્ડ સ્લેમ ટાઈટલ જીત્યા છે. ત્યારબાદ આ યાદીમાં બીજું નામ આવે છે રાફેલ નડાલનું, જેણે 22 ગ્રાન્ડ સ્લેમ ટાઈટલ જીત્યા હતા. આગળ વધીને, સ્વિસ લેજેન્ડ રોજર ફેડરરનું નામ દેખાય છે, જેણે તેની કારકિર્દીમાં 20 ગ્રાન્ડ સ્લેમ જીત્યા હતા.
સૌથી વધુ ગ્રાન્ડ સ્લેમ જીતનાર ટેનિસ સ્ટાર્સ (પુરુષો)
- 24 ટાઇટલ - નોવાક જોકોવિચ
- 22 ટાઇટલ - રાફેલ નડાલ
- 20 ટાઇટલ - રોજર ફેડરર
- 14 ટાઇટલ - પીટ સેમ્પ્રાસ
- 12 ટાઇટલ - રોય ઇમર્સન.
