- વર્લ્ડકપની મેચ બાદ ક્રિકેટ બોર્ડની બેઠક યોજાઈ
- બોર્ડે એલાન કર્યા બાદ રાહુલ દ્રવિડની મિટિંગ થઈ
- હાર પાછળનું કારણ સ્પષ્ટ કરીને પોતાની વાત મૂકી
ODI વર્લ્ડ કપ 2023ની ફાઈનલમાં મળેલી હાર દરેકને દુઃખી કરી રહી છે. ટીમ ઈન્ડિયાએ આખી ટૂર્નામેન્ટમાં સારું પ્રદર્શન કર્યું હતું, પરંતુ છેલ્લી મેચમાં નસીબે તેમનો સાથ આપ્યો ન હતો. બીસીસીઆઈએ હાલમાં જ ટીમ ઈન્ડિયાના મેનેજમેન્ટ અને કેપ્ટન રોહિત શર્મા સાથે વર્લ્ડ કપની સમીક્ષા બેઠક યોજી હતી, જેમાં વિવિધ મુદ્દાઓ પર ચર્ચા કરવામાં આવી હતી. ફાઇનલમાં ટીમની હારના કારણો પણ હેડકોચ રાહુલ દ્રવિડે કહ્યા હતા.
રાહુલ દ્રવિડે મોટી વાત કરી દીધી
એક રિપોર્ટ અનુસાર, કોચ રાહુલ દ્રવિડે ફાઇનલમાં હાર માટે પિચને જવાબદાર ગણાવી છે. રાહુલ દ્રવિડે કહ્યું કે પિચ તેને ફાઇનલમાં અપેક્ષા મુજબ મદદ કરી શકી નથી. જો પીચે થોડી પણ મદદ કરી હોત તો સ્પિનરો અજાયબી કરી શક્યા હોત. ટીમ ઈન્ડિયા મેચમાં વાપસી કરી શકી હોત. ભારત અને ઓસ્ટ્રેલિયા વચ્ચે અમદાવાદમાં ફાઈનલ મેચ યોજાઈ હતી, આ મેચ એ જ પીચ પર થઈ હતી જ્યાં ભારત-પાકિસ્તાન વચ્ચે મુકાબલો થયો હતો. જો કે ફાઈનલ જેવી મોટી ઈવેન્ટ માટે નવી પીચનો ઉપયોગ કરવામાં આવે છે, પરંતુ અહીં માત્ર જૂની પીચનો ઉપયોગ કરવામાં આવ્યો હતો. અને કદાચ આ ટીમ ઈન્ડિયા માટે ભારે બોજ સાબિત થયું.
બોર્ડે પણ ગુસ્સો વ્યક્ત કર્યો
આ બેઠકમાં BCCI સચિવ જય શાહ, ઉપાધ્યક્ષ રાજીવ શુક્લા અને અન્ય અધિકારીઓ હાજર હતા. બોર્ડે ફાઇનલમાં હાર પર ગુસ્સો વ્યક્ત કર્યો છે, જો કે ટીમ મેનેજમેન્ટે કહ્યું છે કે અમારી રણનીતિ 10 મેચમાં સફળ રહી હતી. વર્લ્ડ કપમાં ટીમનું પ્રદર્શન ઘણું શાનદાર રહ્યું હતું. ફાઇનલમાં માત્ર પિચ અને નસીબ ટીમને અનુકૂળ નહોતા. આ જ બેઠકમાં રાહુલ દ્રવિડ અને તેની ટીમને જૂનમાં યોજાનાર ટી-20 વર્લ્ડ કપ સુધી એક્સ્ટેન્શન આપવામાં આવ્યું છે અને તે કોચ તરીકે રહેશે. આ સિવાય એ પણ નક્કી કરવામાં આવ્યું છે કે T-20 વર્લ્ડ કપમાં રોહિત શર્મા કેપ્ટનશિપ કરશે. જો કે, અહીંથી એક ચોંકાવનારા સમાચાર એ હતા કે વિરાટ કોહલી T20 વર્લ્ડ કપ રમવા માટે નિશ્ચિત નથી. કારણ કે BCCI તેની સ્ટ્રાઈક રેટથી ખુશ નથી.
