- IPL ઈતિહાસમાં પ્લેઓફમાં આરસીબીનો રેકોર્ડ
- IPLની 17મી સિઝનમાં 7 મેચમાંથી એકમાં જ જીત
- સેકન્ડ હાફમાં RCBએ કર્યુ ધમાકેદાર કમબેક
રોયલ ચેલેન્જર્સ બેંગ્લોરની ટીમ IPLની 17મી સીઝનમાં તેની પ્રથમ 7 મેચમાંથી માત્ર એક જ જીતી શકી હતી, ત્યારે કોઈએ વિચાર્યું ન હતું કે RCB પ્લેઓફમાં પોતાનું સ્થાન બનાવવામાં સફળ થશે. પણ RCBએ સિઝનના બીજા ભાગમાં ધમાકેદાર પુનરાગમન કર્યું, તેઓ આગામી 7 મેચમાંથી 6 જીત્યા અને ટોપ-4માં પોતાનું સ્થાન બનાવવામાં સફળ રહ્યા. આઇપીએલના ઇતિહાસમાં આવુ કમબેક કોઇ પણ ટીમે કર્યુ નથી ત્યારે હવે પ્લેઓફમાં આરસીબી કેવુ પ્રદર્શન કરશે તેની પર સૌની નજર છે. ત્યારે IPL પ્લેઓફમાં RCBના અત્યાર સુધીના રેકોર્ડ વિશે વાત કરીએ.
2009માં ફાઇનલમાં મળી હતી હાર
RCB ટીમ 2009ની IPL સિઝનની બીજી સેમિફાઇનલમાં ચેન્નાઈ સુપર કિંગ્સ સામે 6 વિકેટે જીત મેળવીને ફાઇનલમાં પોતાનું સ્થાન મેળવવામાં સફળ રહી હતી. ત્યારબાદ ટાઇટલ મેચમાં તેનો સામનો ડેક્કન ચાર્જર્સ ટીમ સાથે થયો અને આમાં RCBને જીતવા માટે 143 રનનો ટાર્ગેટ હતો, પરંતુ તે 6 રનથી મેચ હારી ગયું.
2010માં સેમીફાઈનલમાં MI સામે હાર
2010ની આઈપીએલ સીઝનમાં રોયલ ચેલેન્જર્સ બેંગ્લોરની ટીમ ટોપ-4માં પહોંચવામાં સફળ રહી હતી જ્યારે બીજી સેમીફાઈનલમાં તેનો સામનો મુંબઈ ઈન્ડિયન્સ ટીમ સામે થયો હતો. આ મેચમાં આરસીબીને 35 રનથી હારનો સામનો કરવો પડ્યો હતો. આ પછી RCB ટીમે ત્રીજા સ્થાન માટેની મેચમાં ડેક્કન ચાર્જર્સની ટીમને 9 વિકેટે હરાવી અને આ સિઝન ત્રીજા સ્થાને પૂરી કરી.
2011માં શું થયુ હતું ?
વર્ષ 2011માં રમાયેલી આઇપીએલ સીઝનમાં RCB ટીમ લીગ ટેસ્ટ મેચ ખતમ થયા બાદ ટોપ 2 પર પૂર્ણ કરવામાં સફળ રહી હતી. જે બાદ પ્રથમ ક્વોલિફાયર મેચમાં તેનો સામનો ચેન્નાઈ સુપર કિંગ્સ ટીમ સાથે થયો હતો જેમાં તેને 6 વિકેટથી હારનો સામનો કરવો પડ્યો. આ પછી RCB ટીમનો સામનો બીજી ક્વોલિફાયર મેચમાં મુંબઈ ઈન્ડિયન્સ સામે થયો અને તેણે 43 રને જીત મેળવીને ફાઇનલમાં પોતાનું સ્થાન બનાવ્યું પરંતુ ટાઈટલ મેચમાં RCB ફરી એકવાર ચેન્નાઈ સુપર કિંગ્સનો સામનો કર્યો અને 58 રનથી હારી ગઈ હતી.
2015માં RCBની સ્થિતિ ?
2015 IPL સિઝનમાં RCB પ્લેઓફ માટે ક્વોલિફાય કરવામાં સફળ રહી હતી. એલિમિનેટર મેચમાં, RCBનો સામનો રાજસ્થાન રોયલ્સ ટીમ સાથે થયો હતો. જેમાં 71 રને જીત મેળવી અને બીજા ક્વોલિફાયર માટે પોતાનું સ્થાન નિશ્ચિત કર્યું. RCBનો સામનો બીજા ક્વોલિફાયરમાં ચેન્નાઈ સુપર કિંગ્સ સામે થયો હતો, જેમાં તેઓ 140 રનના લક્ષ્યને બચાવવામાં નિષ્ફળ ગયા હતા અને 3 વિકેટથી હારી ગયા હતા.
