રિંકુ સિંહના હોઠ પર આવ્યું વર્લ્ડકપનું નામ, ઈન્ટરવ્યૂમાં કહીં દિલની વાત

• હૈદરાબાદને હરાવીને કોલકાતાએ IPLમાં ટ્રોફી જીતી
  
• ફિનિશર રિંકુ સિંહે ટ્રોફીને ગળે લગાવી હતી
• રિંકુ સિંહ હવે વર્લ્ડકપ માટે અમેરિકા જવા રવાના થશે

કોલકાતા નાઇટ રાઇડર્સ અને સનરાઇઝર્સ હૈદરાબાદ વચ્ચે રમાયેલી IPL 2024ની ફાઇનલ મેચમાં KKR ટીમ વિજેતા બની હતી. આ જીત બાદ KKRના ખેલાડીઓ ઉજવણીમાં ડૂબેલા જોવા મળ્યા હતા. ફિનિશર રિંકુ સિંહે ટ્રોફીને ગળે લગાવી હતી. તેણે કહ્યું કે આજે ટ્રોફી જીતવાનું સપનું પૂરું થયું છે.

રિંકુ સિંહને ક્યારે મળી શકે તક?

રિંકુ સિંહ હવે વર્લ્ડકપ માટે અમેરિકા જવા રવાના થશે. જો કે તેને મુખ્ય ટીમમાં સામેલ કરવામાં આવ્યો નથી, પરંતુ તેને રિઝર્વમાં રાખવામાં આવ્યો છે. આવી સ્થિતિમાં તેમને વર્લ્ડકપ રમવાની તક ત્યારે જ મળી શકે છે જ્યારે કોઈ ખેલાડી ઈજાગ્રસ્ત થાય અથવા કોઈ ખાસ સંજોગોમાં ખેલાડીને છોડવું પડે. રિંકુ સિંહને 15 ખેલાડીઓમાં સ્થાન ન મળવા પર અનેક સવાલો ઉભા થયા છે. ઘણા દિગ્ગજોએ કહ્યું છે કે તેને ટીમમાં સામેલ કરવો જોઈતો હતો. હવે રિંકુએ પોતે એક ઈન્ટરવ્યુમાં T20 વર્લ્ડકપને લઈને પોતાની લાગણી વ્યક્ત કરી છે.

એક ટ્રોફી ઉપાડવાની બાકી

KKR અને SRH વચ્ચેની મેચ બાદ રિંકુ સિંહે વર્લ્ડકપના સપના વિશે મોટી વાત કહી. રિંકુએ કહ્યું- હું 7 વર્ષથી આ ટીમ સાથે છું. મારું સપનું મોટી ટ્રોફી જીતવાનું હતું. રિંકુએ વધુમાં કહ્યું કે મેં એક ટ્રોફી જીતી છે, એક ટ્રોફી બાકી છે. મારે મારા હાથમાં વર્લ્ડકપની ટ્રોફી લેવી છે.

રિંકુ સિંહ ક્યારે અમેરિકા જવા રવાના થશે?

રિંકુ સિંહે એ પણ ખુલાસો કર્યો કે તે ક્યારે અમેરિકા જવા રવાના થશે. રિંકુએ કહ્યું કે હું 28 તારીખે જાઉં છું. રિંકુ સિંહ શાહરુખ ખાનનો ખૂબ જ ફેવરિટ પ્લેયર છે. તેમને ઘણી વખત પ્રોત્સાહિત કર્યા છે. મેચ બાદ પણ શાહરૂખ રિંકુને ગળે લગાવીને અભિનંદન આપતા જોવા મળ્યા હતા. આ સાથે રિંકુ સિંહ પણ ટીમનો સૌથી રમતિયાળ ખેલાડી છે. તે તેની મસ્તી, મજાક અને તોફાન માટે પ્રખ્યાત છે. ટીમના ઘણા ખેલાડીઓએ કહ્યું છે કે રિંકુ જેવો મજાકીયો ખેલાડી કોઈ નથી. તે પોતાની મજાકથી ટીમનું વાતાવરણ શાનદાર રાખે છે.