- રિષભ પંતે ઈન્સ્ટાગ્રામ પર મેડલ સાથેની એક તસવીર શેર કરી છે
- રિષભ પંત સોશિયલ મીડિયા દ્વારા પોતાનો મેડલ બતાવી રહ્યો હતો
- ત્યારપછી અક્ષર પટેલ અને મોહમ્મદ સિરાજે તે તસવીર પર કોમેન્ટ કરી
રિષભ પંતની સફર ઉતાર-ચઢાવથી ભરેલી હતી. ભારતીય ક્રિકેટ કંટ્રોલ બોર્ડ અને ટીમ ઈન્ડિયાએ પંત પર ઘણો વિશ્વાસ વ્યક્ત કર્યો હતો અને પંતે પણ તેને જાળવી રાખ્યો હતો. પંત ટીમ ઈન્ડિયાનો ભાગ હતો જેણે 2024 ટી20 વર્લ્ડકપમાં ખિતાબ જીત્યો હતો. હવે ભારતીય વિકેટકીપર બેટ્સમેન સોશિયલ મીડિયા દ્વારા પોતાનો મેડલ બતાવવા માંગતો હતો, પરંતુ અક્ષર પટેલ અને મોહમ્મદ સિરાજે તેની તસવીર પર ફની કોમેન્ટ કરીને બધું બગાડી નાખ્યું.
પંતે ઈન્સ્ટાગ્રામ પર મેડલ સાથેની એક તસવીર શેર કરી છે, જેમાં તે ટી20 વર્લ્ડકપ 2024ના વિનરનો મેડલ પહેરેલો જોવા મળી રહ્યો છે. ફોટોને કેપ્શન આપતા તેને લખ્યું છે કે, આ મેડલની તમારા પર અલગ જ અસર છે. પંતે આ તસવીર પોસ્ટ કર્યાને માત્ર એક કલાક જ થયો હતો જ્યારે અક્ષર પટેલે તેના પર કોમેન્ટ કરી અને લખ્યું, "ભાઈ, મારી પાસે પણ આવું જ છે. થોડા સમય પછી મોહમ્મદ સિરાજે પણ પંતની તસવીર પોસ્ટ કરી." અક્ષર પટેલની કોમેન્ટનો જવાબ આપ્યો અને લખ્યું, "અક્ષર ભાઈ મારી પાસે પણ આ જ છે."
