કેપ્ટન બન્યા બાદ રુતુરાજ ગાયકવાડ થશે અમીર!, CSK પાસેથી મળશે આટલો પગાર

• આજથી IPLની 17મી સિઝનનો પ્રારંભ થશે
  
• ઋતુરાજ ગાયકવાડ IPLનો સૌથી સસ્તો કેપ્ટન
• પેટ કમિન્સ IPL ઈતિહાસનો સૌથી મોંઘો કેપ્ટન

IPL 2024ની 17મી સિઝનનું ઉદ્ઘાટન થઈ ગયું છે. આજે લીગની પ્રથમ મેચમાં ચેન્નાઈ સુપર કિંગ્સનો સામનો રોયલ ચેલેન્જર્સ બેંગ્લોર સામે થશે. ટુર્નામેન્ટના એક દિવસ પહેલા CSKમાં મોટો ફેરફાર જોવા મળ્યો હતો. 5 વખતની વિજેતા ચેન્નાઈએ મહેન્દ્ર સિંહ ધોનીના સ્થાને ઋતુરાજ ગાયકવાડને CSKના નવા કેપ્ટન તરીકે નિયુક્ત કર્યા હતા. ઋતુરાજ ગાયકવાડ કેપ્ટન બન્યા બાદ રુતુરાજનો પગાર કેટલો હશે તે પ્રશ્ન થવો સ્વાભાવિક છે. શું કેપ્ટનશિપની જવાબદારી મળતાં ઋતુરાજ ગાયકવાડ બનશે અમીર?

ગાયકવાડને મળશે ધોનીનો પગાર?

ઋતુરાજ ગાયકવાડને CSKનું નેતૃત્વ મળ્યા બાદ ફેન્સના મનમાં સવાલો ઉઠી રહ્યા છે કે શું તેમને મહેન્દ્ર સિંહ ધોનીની સેલેરી આપવામાં આવશે. તો આ સમાચાર પર ફેન્સના તમામ સવાલોના જવાબ મળવાના છે. વાસ્તવમાં, કેપ્ટન બન્યા પછી ઋતુરાજ ગાયકવાડના પગારમાં કોઈ વધારો થશે નહીં. તેને CSK તરફથી દરેક સિઝન માટે 6 કરોડ રૂપિયા મળે છે, કેપ્ટનશિપની જવાબદારી મળ્યા બાદ પણ તેનો પગાર માત્ર 6 કરોડ રૂપિયા જ રહેશે. જ્યારે પૂર્વ કેપ્ટન મહેન્દ્ર સિંહ ધોનીને દરેક સીઝન માટે 12 કરોડ રૂપિયા મળી રહ્યા છે. એટલે કે ઋતુરાજને ધોની કરતા અડધો પગાર મળી રહ્યો છે.

IPL 2024માં કેપ્ટનની ફી

• પેટ કમિન્સઃ 20.5 કરોડ
• કેએલ રાહુલ: 17 કરોડ
• રિષભ પંતઃ 16 કરોડ
• હાર્દિક પંડ્યા: 15 કરોડ
• સંજુ સેમસનઃ 14 કરોડ
• શ્રેયસ અય્યરઃ 12.25 કરોડ
• શિખર ધવનઃ 8.25 કરોડ
• શુભમન ગિલઃ 8 કરોડ
• ફાફ ડુ પ્લેસિસઃ 7 કરોડ
• ઋતુરાજ ગાયકવાડઃ 6 કરોડ