- BCCIએ મોટી હસ્તીઓ માટે અભિયાન શરુ કર્યું
- અભિયાનનું નામ 'ગોલ્ડન ટિકિટ ફોર ઈન્ડિયા આઈકોન્સ'
- સચિન તેંડુલકરને પણ આપવામાં આવી ગોલ્ડન ટિકિટ
સચિન તેંડુલકર 2011માં વર્લ્ડ કપ જીતનાર ભારતીય ટીમના સભ્ય હતા. ક્રિકેટની સૌથી મોટી ટૂર્નામેન્ટમાં તેમનો રેકોર્ડ શાનદાર રહ્યો છે. તેમને 1992 થી 2011 વચ્ચે છ વખત વર્લ્ડ કપ રમવાની તક મળી. તેંડુલકરે આ ટૂર્નામેન્ટમાં સૌથી વધુ રન બનાવ્યા છે.
ODI વર્લ્ડ કપ ભારતમાં 5 ઓક્ટોબરથી 19 નવેમ્બર દરમિયાન યોજાવાનો છે. BCCIએ આ વર્લ્ડ કપને ખાસ બનાવવા માટે અભિયાન શરૂ કર્યું છે. તેમણે વર્લ્ડ કપ જોવા માટે દેશની પ્રખ્યાત હસ્તીઓને આમંત્રણ આપવાનું શરૂ કર્યું છે. આ અભિયાનનું નામ છે 'ગોલ્ડન ટિકિટ ફોર ઈન્ડિયા આઈકોન્સ'. આ અંતર્ગત વિવિધ ક્ષેત્રોમાં કામ કરી રહેલા દિગ્ગજને વર્લ્ડ કપ મેચ જોવા માટે ગોલ્ડન ટિકિટ આપવામાં આવી રહી છે. બોલિવૂડના મેગાસ્ટાર અમિતાભ બચ્ચન બાદ હવે ક્રિકેટના ભગવાન કહેવાતા સચિન તેંડુલકરનું નામ પણ આ યાદીમાં જોડાયું છે.
BCCIએ સોશિયલ મીડિયા પર માહિતી શેર કરી
BCCIએ શુક્રવારે (8 સપ્ટેમ્બર) ટ્વિટર પર આ માહિતી આપી હતી કે બોર્ડ સેક્રેટરી જય શાહે તેંડુલકરને ગોલ્ડન ટિકિટ આપી હતી. BCCIએ લખ્યું, “ક્રિકેટ અને દેશ માટે ગર્વની ક્ષણ! અમારા "ગોલ્ડન ટિકિટ ફોર ઈન્ડિયા આઈકોન્સ" કાર્યક્રમના ભાગરૂપે, BCCI સેક્રેટરી જય શાહે ભારત રત્ન સચિન તેંડુલકરને ગોલ્ડન ટિકિટ આપી. રાષ્ટ્રીય ગૌરવના પ્રતિક એવા સચિન તેંડુલકરની યાત્રાએ પેઢીઓને પ્રેરણા આપી છે. હવે તે ICC ક્રિકેટ વર્લ્ડ કપ 2023નો ભાગ બનશે અને લાઈવ મેચ જોશે.
તેંડુલકરે વર્લ્ડ કપમાં સૌથી વધુ રન બનાવ્યા છે
તેંડુલકર 2011માં વર્લ્ડ કપ જીતનાર ભારતીય ટીમના સભ્ય હતા. ક્રિકેટની સૌથી મોટી ટૂર્નામેન્ટમાં તેનો રેકોર્ડ શાનદાર રહ્યો છે. તેને 1992 થી 2011 વચ્ચે છ વખત વર્લ્ડ કપ રમવાની તક મળી. તેંડુલકરે આ ટૂર્નામેન્ટમાં સૌથી વધુ રન બનાવ્યા છે. તેમણે 45 મેચની 44 ઇનિંગ્સમાં 2278 રન બનાવ્યા છે. સચિનની એવરેજ 56.95 છે. તેમણે 6 સદી અને 15 અડધી સદી ફટકારી હતી. વર્લ્ડ કપમાં તેનો સર્વોચ્ચ સ્કોર 152 હતો.
BCCIએ અમિતાભ બચ્ચન માટે શું લખ્યું?
BCCIએ 6 સપ્ટેમ્બરે અમિતાભ બચ્ચન અને જય શાહની તસવીર પોસ્ટ કરી હતી. પછી તેણે લખ્યું, "આપણા ગોલ્ડન આઈકોન્સ માટે ગોલ્ડન ટિકિટ!" BCCI સેક્રેટરી જય શાહને સુપરસ્ટાર શ્રી અમિતાભ બચ્ચનને અમારી ગોલ્ડન ટિકિટ આપવાનો લહાવો મળ્યો હતો. એક મહાન અભિનેતા અને સમર્પિત ક્રિકેટ પ્રેમી, અમિતાભ બચ્ચનનો ટીમ ઈન્ડિયા પ્રત્યેનું અતૂટ સમર્થન આપણને બધાને પ્રેરણા આપે છે. ICC ક્રિકેટ વર્લ્ડ કપ 2023માં તેમના સાલેલ થવાથી અમે રોમાંચિત છીએ.”
