PM મોદીનો પત્ર મળતાં ભાવુક થઈ સાનિયા મિર્ઝા, લખી ઈમોશનલ પોસ્ટ

• સાનિયા મિર્ઝાએ પ્રોફેશનલ ટેનિસને કહ્યું અલવિદા
  
• PM મોદીએ શાનદાર કારકિર્દી માટે પત્ર લખીને અભિનંદન પાઠવ્યા
• તમારી સફળતાએ દેશની છોકરીઓને શક્તિ આપી છેઃ PM મોદી

સાનિયા મિર્ઝાએ પ્રોફેશનલ ટેનિસને અલવિદા કહ્યું તે પછી, ભારતમાં ઘણા ચાહકોએ તેનો આભાર માન્યો. વડાપ્રધાન નરેન્દ્ર મોદીએ પણ તેમની શાનદાર ટેનિસ કારકિર્દી માટે પત્ર લખીને અભિનંદન પાઠવ્યા હતા. સાનિયા મિર્ઝાએ પત્ર માટે PM મોદીનો આભાર માન્યો છે.

સાનિયા મિર્ઝાએ ટેનિસમાંથી નિવૃત્તિ લીધી

ભારતીય ટેનિસ સ્ટાર ખેલાડી સાનિયા મિર્ઝાએ આ વર્ષે 7 જાન્યુઆરીએ ટેનિસમાંથી નિવૃત્તિ લેવાની જાહેરાત કરી હતી. તેણીએ તેનું છેલ્લું ગ્રાન્ડ સ્લેમ ઓસ્ટ્રેલિયન ઓપનમાં અને તેની છેલ્લી સ્પર્ધાત્મક ટુર્નામેન્ટ દુબઈ ટેનિસ ચેમ્પિયનશીપમાં રમી હતી.

PM મોદીએ પત્ર લખીને અભિનંદન પાઠવ્યા

સાનિયા મિર્ઝાએ પ્રોફેશનલ ટેનિસને અલવિદા કહ્યું તે પછી, ભારતમાં ઘણા ચાહકોએ તેનો આભાર માન્યો. વડાપ્રધાન નરેન્દ્ર મોદીએ પણ તેમની શાનદાર ટેનિસ કારકિર્દી માટે પત્ર લખીને અભિનંદન પાઠવ્યા હતા. પત્રમાં 36 વર્ષીય સાનિયા મિર્ઝાએ PM મોદી દ્વારા લખેલા પ્રેરણાદાયી અને ભાવનાત્મક સંદેશ પ્રત્યે તેમનો આભાર વ્યક્ત કર્યો છે. પત્ર માટે PM મોદીનો આભાર માનતા સાનિયા મિર્ઝાએ કહ્યું કે તે આગળ પણ દેશનું નામ રોશન કરવાનું ચાલુ રાખશે.

સાનિયાએ PM મોદીનો આભાર વ્યક્ત કર્યો

સાનિયા મિર્ઝાએ ટ્વિટ કર્યું, 'હું આ પ્રેરણાદાયી શબ્દો માટે માનનીય વડાપ્રધાન @narendramodi જીનો આભાર માનું છું. મેં હંમેશા મારી ક્ષમતા મુજબ મારા દેશનું પ્રતિનિધિત્વ કરવામાં ખૂબ ગર્વ લીધો છે અને ભારતને ગૌરવ અપાવવા માટે હું જે પણ કરી શકું તે કરવાનું ચાલુ રાખીશ. ભારતીય ટેનિસ સ્ટાર હાલમાં વિમેન્સ પ્રીમિયર લીગમાં રોયલ ચેલેન્જર્સ બેંગ્લોર તરફથી રમી રહી છે.

દેશની છોકરીઓ માટે સાનિયા પ્રેરણાસ્ત્રોત

PM મોદીએ પત્રમાં લખ્યું છે કે, ટેનિસને પ્રેમ કરતા લોકોને એ સ્વીકારવામાં થોડી મુશ્કેલી થશે કે તમે હવે પ્રોફેશનલ ટેનિસ ખેલાડી તરીકે નહીં રમી શકો. દુનિયાએ તમારી કુશળતા જોઈ છે. જ્યારે તમે ટેનિસ રમવાનું શરૂ કર્યું, ત્યારે દેશમાં ટેનિસને લઈને વાતાવરણ તદ્દન અલગ હતું. PM મોદીએ આગળ લખ્યું કે તમારી સફળતાએ દેશની અન્ય ઘણી છોકરીઓને તાકાત અને રમતગમતમાં આગળ વધવા માટે પ્રેરણા આપી છે.