આગામી ચેમ્પિયન્સ ટ્રોફી પહેલા પાકિસ્તાન ક્રિકેટ બોર્ડે એક મોટી જાહેરાત કરી છે. પાકિસ્તાનને નવો બેટિંગ કોચ મળ્યો છે. પીસીબીએ આગામી ઝિમ્બાબ્વે પ્રવાસ પહેલા રાષ્ટ્રીય ટીમના નવા બેટિંગ કોચ તરીકે શાહિદ અસલમની નિમણૂકની જાહેરાત કરી છે. પાકિસ્તાનના દુનિયા સમાચાર અનુસાર, શાહિદ અસલમને નવા બેટિંગ કોચ તરીકે નિયુક્ત કરવામાં આવ્યા છે.
આકિબ જાવેદે કરી હતી ભલામણ
આકિબ જાવેદે શાહિદ અસલમને સફેદ બોલના કોચ માટે બેટિંગ કોચ બનાવવાની ભલામણ કરી છે. આકિબને તાજેતરમાં સફેદ બોલ ક્રિકેટના મુખ્ય કોચ તરીકે નિયુક્ત કરવામાં આવ્યા છે. ટીમનું તાજેતરનું પ્રદર્શન શાનદાર રહ્યું નથી. 3 મેચની T-20 સિરીઝમાં પાકિસ્તાનને ઓસ્ટ્રેલિયા સામે હારનો સામનો કરવો પડ્યો હતો. જોકે, પાકિસ્તાને ઓસ્ટ્રેલિયા સામેની વનડે સિરીઝમાં શાનદાર પ્રદર્શન કર્યું હતું અને સિરીઝ 2-1થી જીતી લીધી હતી.
ઝિમ્બાબ્વે સિરીઝ માટે પાકિસ્તાન તૈયાર
ઓસ્ટ્રેલિયા પ્રવાસ બાદ પાકિસ્તાન ઝિમ્બાબ્વેના પ્રવાસ માટે તૈયાર છે. પાકિસ્તાન 3 મેચની ODI અને 3 મેચની T20 સીરીઝ રમવા માટે ઝિમ્બાબ્વેના પ્રવાસે જશે. પ્રથમ ODI મેચ 24 નવેમ્બરે રમાશે જ્યારે છેલ્લી ODI મેચ 28 નવેમ્બરે રમાશે. T-20 સિરીઝ 1 ડિસેમ્બરથી શરૂ થવા જઈ રહી છે, જ્યારે છેલ્લી મેચ 5 ડિસેમ્બરથી રમાશે.
https://twitter.com/iamAhmadhaseeb/status/1858800247834579391
કોણ છે શાહિદ અસલમ?
શાહિદ અસલમે પાકિસ્તાન માટે એક પણ મેચ રમી નથી. પરંતુ તેણે 17 ફર્સ્ટ ક્લાસ મેચમાં 367 રન બનાવ્યા છે. આ સિવાય ભૂતપૂર્વ ખેલાડીએ 16 લિસ્ટ A મેચમાં 205 રન બનાવ્યા છે. 55 વર્ષીય અસલમે 1994 થી 1999 સુધી ડોમેસ્ટિક ક્રિકેટ રમી હતી. હાલમાં તે કોચિંગની દુનિયામાં સક્રિય છે.
પાકિસ્તાનના ઝિમ્બાબ્વે પ્રવાસનું પૂર્ણ શેડ્યૂલ
ઝિમ્બાબ્વે પ્રવાસ માટે પાકિસ્તાનની ટીમ
આમિર જમાલ, અબ્દુલ્લા શફીક, અબરાર અહેમદ, અહેમદ ડેનિયલ, ફૈઝલ અકરમ, હરિસ રઉફ, હસીબુલ્લાહ (wk), કામરાન ગુલામ, મોહમ્મદ હસનૈન, મોહમ્મદ રિઝવાન (wk), મોહમ્મદ ઈરફાન ખાન, સૈમ અયુબ, સલમાન અલી આગા, શાહનવાઝ દહાની અને તૈયબ તાહિર.