પેરિસ પેરાલિમ્પિક્સ 2024માં ભારતીય ખેલાડીઓ ખૂબ જ સારું પ્રદર્શન કરી રહ્યા છે. તીરંદાજીમાં શીતલ દેવી અને રાકેશ કુમારની મિશ્ર ટીમે બ્રોન્ઝ મેડલ જીત્યો છે. ભારતીય મિશ્રિત ટીમે 156નો સ્કોર બનાવ્યો હતો. જ્યારે ઈટાલીની ટીમે 155નો સ્કોર બનાવી શકી હતી.
ભારતીય જોડીએ પાછળ પડ્યા બાદ જોરદાર વાપસી કરી હતી
એક સમયે બ્રોન્ઝ મેડલ માટેની મેચમાં શીતલ દેવી અને રાકેશ કુમારની ભારતીય જોડી પાછળ ચાલી રહી હતી. પરંતુ ભારતીય જોડીએ જોરદાર વાપસી કરી અને મેડલ જીતી લીધો હતો. અંતે શીતલ દેવી અને રાકેશ કુમારે 10-10નો સ્કોર કર્યો હતો. જેના કારણે તે અંતિમ સ્કોરમાં ઈટાલિયન ટીમ પર એક પોઈન્ટથી લીડ લેવામાં સફળ રહી હતી.
https://twitter.com/India_AllSports/status/1830661123655508338
સેમિફાઇનલમાં નજીકના માર્જિનથી થઈ હાર
ભારતીય તીરંદાજ શિતલ દેવી અને રાકેશ કુમારની જોડી તીરંદાજી સ્પર્ધાની સેમિફાઇનલમાં શૂટ-ઓફમાં ઈરાનની ફાતિમા હેમાતી અને હાદી નોરી સામે હારી ગઈ હતી. ભારતીય જોડી ફાઇનલમાં સ્થાન બનાવવાની નજીક આવી ગઈ હતી પરંતુ ઈરાની ટીમ દ્વારા શાનદાર વાપસી અને ન્યાયાધીશ દ્વારા સ્કોરના સુધારા બાદ તેમને હારનો સામનો કરવો પડ્યો હતો. સ્કોર 152-152ની બરાબરી બાદ મેચ શૂટઓફમાં ગયો હતો. શૂટ-ઓફમાં બંને ટીમોએ સંપૂર્ણ રીતે ગોલ કર્યો પરંતુ ફાતિમાનું તીર મધ્યમાં વાગ્યું, જેના કારણે ઈરાનની ટીમ ફાઇનલમાં પહોંચી ગઈ હતી.