5 નહીં 500 યુવતીઓ..! આ શું બોલી ગયો શોએબ મલિક

• સાનિયા મિર્ઝા પછી શોએબ મલિકે સના જાવેદ સાથે લગ્ન કર્યા
  
• શોએબ મલિકનો વધુ એક વીડિયો સોશિયલ મીડિયા પર ઝડપથી વાયરલ
• તેને કોઈ પરવા નથી કે કોઈ તેના વિશે શું વિચારે છે

પાકિસ્તાન ક્રિકેટ ટીમના પૂર્વ કેપ્ટન શોએબ મલિક આ દિવસોમાં પોતાના અંગત જીવનના કારણે ચર્ચામાં છે. શોએબ મલિકે 20 જાન્યુઆરીએ પાકિસ્તાની અભિનેત્રી સના જાવેદ સાથેના લગ્નની એક તસવીર શેર કરી હતી. શોએબ મલિકે ત્રીજા લગ્ન કર્યા છે. ભારતીય ભૂતપૂર્વ ટેનિસ સ્ટાર સાનિયા મિર્ઝા પછી શોએબ મલિકે સના જાવેદ સાથે લગ્ન કર્યા.

ચાહકો કરી રહ્યા છે ટ્રોલ

શોએબ મલિક અને સના જાવેદ પણ છેલ્લા કેટલાક દિવસોથી સતત ટ્રોલનો સામનો કરી રહ્યા છે. પાકિસ્તાની મીડિયાએ દાવો કર્યો હતો કે સના જાવેદ પરિણીત શોએબ મલિક સાથે સંબંધોમાં હતી. આ પછી સના જાવેદ પર ઘણા સવાલો ઉભા થયા હતા. સના જાવેદના પહેલા પતિ ઉમૈર જસવાલને તેની ગતિવિધિઓની જાણ નહોતી.

શોએબ મલિકનો વીડિયો વાયરલ

શોએબ મલિકનો વધુ એક વીડિયો સોશિયલ મીડિયા પર ઝડપથી વાયરલ થઈ રહ્યો છે. શોએબ મલિકનો આ જૂનો વીડિયો જોઈને ચાહકો સતત પોતાની પ્રતિક્રિયા આપી રહ્યા છે. શોએબ મલિકનો આ વીડિયો એક ટોક શો દરમિયાનનો છે. જેમાં પૂર્વ પાકિસ્તાની ફાસ્ટ બોલર શોએબ અખ્તર તેને કેટલાક પ્રશ્નો પૂછે છે. શોએબ મલિક આ સવાલોના જવાબ એવી રીતે આપે છે કે ચાહકો પણ આશ્ચર્યચકિત થઈ જાય છે.

છોકરાઓ કરતાં છોકરીઓ સાથે વધુ મિત્રતા

શોએબ અખ્તરે શોએબ મલિકને પૂછ્યું કે તેની ફેવરિટ પાંચ છોકરીઓ કોણ છે? જેના જવાબમાં મલિકે જવાબ આપ્યો, પાંચ નહીં પરંતુ 500 છોકરીઓ છે. શોએબ વધુમાં કહે છે કે જો તે કોઈપણ પાંચ છોકરીઓનું નામ લેશે તો બાકીઓનીને ખરાબ લાગશે. આટલું જ નહીં, શોએબ મલિક આ શોમાં એ પણ ખુલાસો કરે છે કે તેની મિત્રતા છોકરાઓ કરતાં છોકરીઓ સાથે વધુ છે.

લોકો શું વિચારે છે તેનાથી કોઈ ફરક પડતો નથી

શોએબ મલિકે તાજેતરમાં એક પોડકાસ્ટ દરમિયાન વાત કરતા ટ્રોલર્સને લઈને કેટલીક બાબતોનો ઉલ્લેખ કર્યો હતો. તેણે કહ્યું હતું કે તેને કોઈ પરવા નથી કે કોઈ તેના વિશે શું વિચારે છે. શોએબ મલિકે એ વાત પર ભાર મૂક્યો હતો કે તે હંમેશા તેના દિલની વાત સાંભળે છે અને ઘણીવાર તેને જે યોગ્ય લાગે છે તે કરે છે.