શોએબ મલિકની ત્રીજી પત્ની સના જાવેદનો ભારત સાથે છે ખાસ સબંધ

• શોએબ મલિકે અભિનેત્રી સના જાવેદ સાથે ત્રીજા લગ્ન કર્યા
  
• મલિકની ત્રીજી પત્નીના પૂર્વજો ભારતના હૈદરાબાદના હતા
• શોએબ અને સના 10 મહિના પહેલા એક શોમાં મળ્યા હતા

પાકિસ્તાની ક્રિકેટર શોએબ મલિક અને અભિનેત્રી સના જાવેદ તેમના લગ્ન બાદથી જ ચર્ચામાં છે. આ કપલના લગ્નની તસવીરો સામે આવતા જ બધા ચોંકી ગયા હતા. આ દરમિયાન, આ બંને ક્યાં મળ્યા અને કેવી રીતે આ કપલની લવ સ્ટોરી શરૂ થઈ તે જાણવા માટે દરેક લોકો આતુર છે. ચાલો તમને જણાવીએ કે શોએબની નવી બેગમનો ભારત સાથે શું સબંધ છે.

સના અને શોએબે માહિતી પોસ્ટ કરી

ગઈકાલે શોએબ અને સનાએ તેમના સોશિયલ મીડિયા પર પોસ્ટ કરીને સત્તાવાર રીતે તેમના લગ્નની જાહેરાત કરી હતી. સના જાવેદની વાત કરીએ તો તેના ભારત સાથેના સંબંધની વાત કરવામાં આવી રહી છે. જો મીડિયા રિપોર્ટ્સનું માનીએ તો એવું કહેવામાં આવી રહ્યું છે કે સનાના પૂર્વજો ભારતના હૈદરાબાદના હતા અને ભાગલા સમયે તેઓ પાકિસ્તાન ગયા હતા. જોકે સના મૂળ પાકિસ્તાનના કરાચી શહેરની છે. સનાનો જન્મ 25 માર્ચ 1993ના રોજ થયો હતો અને તેનો જન્મ સાઉદી અરેબિયાના એક શહેરમાં થયો હતો.

કપલની લવ સ્ટોરી ક્યારે અને કેવી રીતે શરૂ થઈ?

વાસ્તવમાં બંનેની મુલાકાત પાકિસ્તાનની ARY ચેનલના ફેમસ ગેમ શો 'જીતો પાકિસ્તાન'ના સેટ પર થઈ હતી. સના અને શોએબ 10 મહિના પહેલા આ શોમાં ગેસ્ટ તરીકે આવ્યા હતા. આ દરમિયાન બંનેએ ખૂબ જ મસ્તી કરી હતી અને આ શોના સેટથી જ તેમની મિત્રતા શરૂ થઈ હતી. ધીરે ધીરે બંને પ્રેમમાં પડ્યા અને હવે બંનેએ લગ્ન કરી લીધા. માત્ર 10 મહિના પહેલા શરૂ થયેલી સના અને શોએબની લવ સ્ટોરી હવે લગ્નમાં ફેરવાઈ ગઈ છે.

શોએબના ત્રીજા લગ્ન

મીડિયા રિપોર્ટ્સનું માનીએ તો એવું કહેવામાં આવી રહ્યું છે કે પહેલા લગ્નમાં બધુ બરાબર ચાલતું ન હતું. બંનેને 'જીતો પાકિસ્તાન'ના સેટ પર પ્રેમ જોવા મળ્યો. જો કે, આ કપલની લવ સ્ટોરી થોડા દિવસો પહેલા પણ ચર્ચામાં આવી હતી, જ્યારે શોએબે સનાને તેના જન્મદિવસ પર શુભેચ્છા પાઠવી હતી. અભિનેત્રીના જન્મદિવસ પર શોએબે લખ્યું હતું, હેપ્પી બર્થ ડે બડી અને પોતાનો અને સનાનો ફોટો શેર કર્યો હતો. ત્યારબાદ તેમની લવસ્ટોરીની ચર્ચા થઈ હતી. હવે શોએબે તેની બડી સાથે લગ્ન કરીને તેને પોતાની જીવનસાથી બનાવી છે.