વિરાટ કોહલીની ખાસ ક્લબમાં સ્મૃતિ મંધાના, મહિલા ક્રિકેટની બની ચેજ માસ્ટર

• મંધાના આ ઈનિંગ બાદ વિરાટ કોહલીની ખાસ ક્લબમાં સામેલ થઈ
•  મંધાના T-20માં 1000 રન બનાવનારી પ્રથમ ભારતીય મહિલા
• પુરુષોમાં આ રેકોર્ડ વિરાટ કોહલીના નામે

ભારતીય મહિલા ક્રિકેટ ટીમની ઓપનર સ્મૃતિ મંધાનાએ કોમનવેલ્થ ગેમ્સ 2022માં પાકિસ્તાન સામે 63 રનની આકર્ષક ઇનિંગ રમી હતી. પાકિસ્તાનના 100 રનના લક્ષ્યાંકનો પીછો કરતા મંધાનાએ 42 બોલમાં 8 ચોગ્ગા અને 3 છગ્ગાની મદદથી આ શાનદાર ઇનિંગ રમી હતી. મંધાના આ ઈનિંગ બાદ વિરાટ કોહલીની ખાસ ક્લબમાં સામેલ થઈ ગઈ છે.

મંધાના આ ઇનિંગના આધારે T-20 માં લક્ષ્યનો પીછો કરતી વખતે 1000 રન બનાવનારી પ્રથમ ભારતીય મહિલા ખેલાડી બની ગઈ છે, જ્યારે પુરુષોમાં આ રેકોર્ડ ભૂતપૂર્વ ભારતીય કેપ્ટન અને વિરાટ કોહલીના નામે રન મશીન છે. કોહલી અને મંધાના વચ્ચે એક સમાનતા છે કે બંને ખેલાડીઓ 18 નંબરની જર્સી પહેરે છે. મંધાનાના આ પરાક્રમ બાદ તેને મહિલા ક્રિકેટની ચેઝ માસ્ટર કહેવામાં આવી રહી છે.

https://twitter.com/imfemalecricket/status/1553782045616533506

કોમનવેલ્થ ગેમ્સ 2022ની ગ્રુપ A મેચમાં ભારતે પાકિસ્તાનને 8 વિકેટે હરાવી ટુર્નામેન્ટની પોતાની પ્રથમ જીત નોંધાવી હતી. પ્રથમ બેટિંગ કરતા પાકિસ્તાને વરસાદથી પ્રભાવિત મેચમાં ભારત સામે જીતવા માટે 18 ઓવરમાં 100 રનનો ટાર્ગેટ આપ્યો હતો. સ્મૃતિ મંધાનાની તોફાની અડધી સદીની ઇનિંગ્સના આધારે ભારતે 11.4 ઓવરમાં આ સ્કોર હાંસલ કર્યો હતો. ગ્રુપ Aમાં ભારતની આ પ્રથમ જીત છે, જ્યારે પાકિસ્તાન સતત બીજી મેચ હારીને બહાર થઈ ગયું છે. ગ્રુપમાં, ભારત +1.520ના નેટ રન રેટ સાથે બાર્બાડોસ અને ઓસ્ટ્રેલિયાથી ઉપર છે.

જ્યારે મંધાનાએ ભારતને જીતાડીને એક ખાસ રેકોર્ડ પણ તેના નામે નોંધાવ્યો છે. મંધાના T20માં 1000 રન બનાવનારી પ્રથમ ભારતીય મહિલા ખેલાડી બની ગઈ છે, જ્યારે પુરુષોમાં આ રેકોર્ડ વિરાટ કોહલીના નામે છે.