સૂર્યકુમાર યાદવના હેલ્થ અપડેટ વીડિયોએ વધારી ચિંતા, IPL પહેલા મળ્યા સંકેત

• સૂર્યકુમાર યાદવે સોશિયલ મીડિયા પર વીડિયો શેર કર્યો
  
• સૂર્યકુમાર યાદવે IPL પહેલા પોતાની ઈજાને લઈને મોટી અપડેટ આપી
• સૂર્યા કમબેક કરવા માટે સખત મહેનત કરી રહ્યો છે

ભારતીય ટીમના મિડલ ઓર્ડર બેટ્સમેન સૂર્યકુમાર યાદવે IPL 2024 પહેલા પોતાની ઈજાને લઈને મોટું અપડેટ આપ્યું છે. સૂર્યાએ સોશિયલ મીડિયા પર એક વીડિયો શેર કર્યો છે, જેમાં તે મેદાન પર પાછા ફરવા માટે સખત મહેનત કરતો જોવા મળી રહ્યો છે.

દક્ષિણ આફ્રિકા પ્રવાસમાં થયો હતો ઇજાગ્રસ્ત

સૂર્યકુમારને ડિસેમ્બર 2023માં દક્ષિણ આફ્રિકાના પ્રવાસ દરમિયાન પગની ઘૂંટીમાં ઈજા થઈ હતી, ત્યારબાદ તેણે હર્નિયાની સર્જરી પણ કરાવી હતી. ત્યારથી તે મેદાનની બહાર છે. આ દરમિયાન સૂર્યાએ તેના ઈન્સ્ટાગ્રામ એકાઉન્ટ પર જે વીડિયો શેર કર્યો છે તેને ચાહકો દ્વારા ખૂબ પસંદ કરવામાં આવી રહ્યો છે.

સૂર્યકુમાર યાદવે પોતાની ઈજા અંગે મોટું અપડેટ આપ્યું

સૂર્યકુમાર યાદવે તેના ઇન્સ્ટાગ્રામ એકાઉન્ટ પર એક વીડિયો શેર કર્યો, જેમાં તેણે કેપ્શનમાં લખ્યું કે રિકવરી પ્રોસેસ ઓન પોઇન્ટ. આ વીડિયોમાં જોઈ શકાય છે કે સર્જરી બાદ સૂર્યા બરાબર ચાલી પણ શકતો નથી, પરંતુ તેણે હિંમત હારી નહીં અને પ્રયાસ ચાલુ રાખ્યો અને ધીમે ધીમે તેની ઝડપ મેળવી. તેણે એનસીએમાં સખત ટ્રેનિંગ કરી રહ્યો છે. સૂર્યા IPL 2024માં રમવા માટે ઘણો પરસેવો પાડી રહ્યો છે.

બીજી વખત થયો ઇજાગ્રસ્ત

તમને જણાવી દઈએ કે સૂર્યાની સર્જરી 17 જાન્યુઆરીએ જર્મનીમાં થઈ હતી. આ બીજી વખત હતું જ્યારે સૂર્યકુમાર યાદવને પગની ઘૂંટીમાં ઈજાનો સામનો કરવો પડ્યો હતો. તે ભારત વિરુદ્ધ દક્ષિણ આફ્રિકાની T20 શ્રેણીમાં ઈજાગ્રસ્ત થયો હતો. તેણે એક ટ્વીટમાં કહ્યું કે હું તે દરેકનો આભાર માનું છું જેમણે મારા સારા સ્વાસ્થ્યની શુભેચ્છા પાઠવી છે અને મને જણાવતા આનંદ થાય છે કે હું જલ્દી પાછો આવીશ.