- સૂર્યકુમાર યાદવને T20 ફોર્મેટની કમાન સોંપવામાં આવી
- સૂર્યકુમારનો જૂનો વીડિયો ખૂબ જ વાયરલ થઈ રહ્યો છે
- વીડિયોમાં કેપ્ટન તરીકે પોતાની માનસિકતા વિશે વાત કરે છે
રોહિત શર્મા બાદ સૂર્યકુમાર યાદવને T20 ફોર્મેટની કમાન સોંપવામાં આવી છે. જો કે ટીમની જાહેરાત થાય તે પહેલા જ એવું લાગતું હતું કે હાર્દિક પંડ્યા ભારતીય ટીમનો નવો કેપ્ટન બની શકે છે. કારણ કે રોહિત શર્માના નેતૃત્વ દરમિયાન તે ટીમ ઈન્ડિયાનો વાઇસ કેપ્ટન હતો. આ સિવાય તે રોહિતની ગેરહાજરીમાં ટીમની આગેવાની કરતો હતો. પરંતુ તેની ફિટનેસ સંબંધિત સમસ્યાઓએ BCCIની પસંદગી સમિતિને ટકાઉ વિકલ્પ વિશે વિચારવાની ફરજ પાડી હતી. આ મુખ્ય કારણ હતું કે જ્યારે ગંભીર અને અગરકરે નવા કેપ્ટનની જાહેરાત કરી ત્યારે તેનું નામ ગાયબ હતું.
સૂર્યકુમાર યાદવનો વીડિયો વાયરલ
ભારતના નવા કેપ્ટન બન્યા બાદ સૂર્યકુમાર યાદવનો એક જૂનો વીડિયો ખૂબ જ ઝડપથી વાયરલ થઈ રહ્યો છે. જેમાં તે કેપ્ટન તરીકે પોતાની માનસિકતા વિશે વાત કરતા જોવા મળે છે. સૂર્યાનો આ જૂનો વીડિયો સ્ટાર સ્પોર્ટ્સ દ્વારા સોશિયલ મીડિયા પર શેર કરવામાં આવ્યો છે. આ વીડિયો વર્ષ 2023નો છે, જ્યારે ટીમ ઈન્ડિયાએ તેની આગેવાનીમાં ઓસ્ટ્રેલિયા સામે 4-1થી જીત મેળવી હતી. આ સિવાય સાઉથ આફ્રિકા સાથેની સિરીઝ 1-1થી ડ્રો રહી હતી.
નવી ભૂમિકાનો આનંદ માણી રહ્યો છું
સુર્યાને એમ કહેતા સાંભળી શકાય છે કે, “હું ખરેખર આ નવી ભૂમિકાનો આનંદ માણી રહ્યો છું. હું અહીં હાજર તમામ ખેલાડીઓ સાથે સમય પસાર કરવાનો આનંદ માણી રહ્યો છું. અમે બધા IPL અથવા ડોમેસ્ટિક ક્રિકેટમાં સાથે રમ્યા છીએ. તેથી, મને તેમની શક્તિઓ અને નબળાઈઓને સમજવામાં મુશ્કેલી લાગતી નથી. અમે મેદાનની બહાર એટલો સમય વિતાવીએ છીએ કે મેદાનની અંદર અમારું તાલમેલ ખૂબ જ સારું બની જાય છે.
સૂર્યા વધુમાં, "મારા માટે વસ્તુઓને સરળ રાખવી ખૂબ જ મહત્વપૂર્ણ છે. મને વસ્તુઓ સરળ રાખવાનું ગમે છે. તે જ હું દરેકને કહું છું, વસ્તુઓને ખરેખર સરળ રાખવાનો પ્રયાસ કરો, તમારી જાતને કંઈક અલગ તરીકે રજૂ કરવાનો પ્રયાસ કરશો નહીં.
