T20 WC 2024: બાંગ્લાદેશના બેટ્સમેને ગુસ્સામાં તોડી નાખ્યું બેટ, વીડિયો થયો વાયરલ

• ICC T20 વર્લ્ડકપમાં દક્ષિણ આફ્રિકાએ બાંગ્લાદેશને હરાવ્યું
  
• બાંગ્લાદેશના બેટ્સમેન ઝાકિર અલીએ ગુસ્સામાં બેટ તોડ્યું
• દક્ષિણ આફ્રિકાની બાંગ્લાદેશ સામે શાનદાર બોલિંગ

ICC T20 વર્લ્ડકપ 2024ની સોમવારે રમાયેલી મેચમાં દક્ષિણ આફ્રિકાએ બાંગ્લાદેશને હરાવ્યું હતું. જો કે બાંગ્લાદેશને જીતવા માટે માત્ર 114 રનની જરૂર હતી, પરંતુ દક્ષિણ આફ્રિકાની તોફાની બોલિંગ સામે બાંગ્લાદેશની બેટિંગ ખોરવાઈ ગઈ અને ટીમ ચાર રને મેચ હારી ગઈ. મેચ દરમિયાન બાંગ્લાદેશના બેટ્સમેન ઝાકિર અલીએ કંઈક એવું કર્યું જે ખૂબ જ આશ્ચર્યજનક હતું. 

બાંગ્લાદેશની ટીમ જીતી શકી હોત પરંતુ તેના બેટ્સમેનોએ નિરાશ કર્યા હતા. બાંગ્લાદેશના બેટ્સમેન ઝાકિર અલીએ 19મી ઓવર પહેલા જે કર્યું તે બધાને ચોંકાવી દીધા.

ઝાકિર અલીએ બેટ તોડી નાખ્યું

19મી ઓવરના છેલ્લા બોલ પર ઝાકિર અલીએ ઓટાનિલ બાર્ટમેનના બોલ પર મિડ-વિકેટ પર શોટ રમ્યો અને બે રન બનાવ્યા. પરંતુ બીજો રન લેતી વખતે ઝાકિરને બેટમાં થોડી તકલીફ પડી હતી. રન પૂરો કર્યા પછી, તેણે ડ્રેસિંગ રૂમ તરફ જોયું અને નવું બેટ લાવવાનો સંકેત આપ્યો. આ દરમિયાન તેણે બેટ તોડી દીધુ હતું. આ જોઈને ઘણા લોકો આશ્ચર્યચકિત થઈ ગયા. ત્યારબાદ તે થોડો સમય નવા બેટની રાહ જોતો રહ્યો.

બાંગ્લાદેશની પ્રથમ હાર

બાંગ્લાદેશી બોલરોએ આ મેચમાં જોરદાર પ્રદર્શન કર્યું અને દક્ષિણ આફ્રિકાને શરૂઆતના ઝટકા આપ્યા જેમાંથી ટીમ ક્યારેય બહાર નીકળી શકી નહીં. ડેવિડ મિલર અને હેનરિક ક્લાસને 79 રનની ભાગીદારી કરીને ટીમની કમાન સંભાળી હતી. ટીમ કોઈક રીતે 20 ઓવરમાં 113 રનના આંકડાને સ્પર્શી ગઈ હતી. એવું લાગતું હતું કે બાંગ્લાદેશ આ લક્ષ્યાંક હાંસલ કરશે પરંતુ દક્ષિણ આફ્રિકાના બોલરોએ એવી જાળ બિછાવી કે ટીમ ચાર રનથી મેચ હારી ગઈ.