T20 WC 2024: BCCIએ કરી મોટી જાહેરાત,ભારતીય ટીમ પર થશે પૈસાનો વરસાદ

• T20 વર્લ્ડકપ 2024માં ભારતીય ટીમ ચેમ્પિયન બની
  
• શાનદાર જીત બાદ ટીમ ઈન્ડિયા પર પૈસાનો વરસાદ
• BCCI ભારતીય ટીમને મળશે 125 કરોડ રૂપિયા ઈનામ આપશે

ટીમ ઈન્ડિયાએ વર્લ્ડકપ જીત્યા બાદ દુનિયાભરમાંથી તેને અભિનંદન મળી રહ્યા છે. બાર્બાડોસમાં રમાયેલી T20 વર્લ્ડકપની ફાઈનલ મેચમાં ભારતીય ટીમે સાઉથ આફ્રિકા પર 7 રનથી જીત મેળવીને લાખો લોકોના સપના પૂરા કર્યા.

ભારતીય ટીમને મળશે 125 કરોડ રૂપિયા

આ શાનદાર જીત બાદ ટીમ ઈન્ડિયા પર પૈસાનો વરસાદ થઈ રહ્યો છે. ટ્રોફીની સાથે કરોડો રૂપિયાની ઈનામી રકમ જીત્યા બાદ ભારતીય ક્રિકેટ કંટ્રોલ બોર્ડ (BCCI)એ પણ ઈનામની રકમ જાહેર કરી છે. ICC મેન્સ T20 વર્લ્ડકપ 2024 જીતવા માટે ટીમ ઈન્ડિયાને BCCI 125 કરોડ રૂપિયા ઈનામ આપશે.

ICC પાસેથી 20.36 કરોડ રૂપિયા મળ્યા

તમને જણાવી દઈએ કે વર્લ્ડકપ જીતવા માટે ટીમ ઈન્ડિયાને ICC દ્વારા ચમકતી ટ્રોફીની સાથે લગભગ 20.36 કરોડ રૂપિયા આપવામાં આવ્યા છે. જ્યારે દક્ષિણ આફ્રિકાની ટીમ પણ હારીને અમીર બની ગઈ છે. તે 10.50 કરોડ રૂપિયા સાથે ઘરે પરત ફરશે. નોંધનીય છે કે ICCએ વર્લ્ડકપની શરૂઆત પહેલા જ રેકોર્ડબ્રેક રકમની જાહેરાત કરી હતી. આ અંતર્ગત 20માં નંબર પર રહેલી ટીમને પણ પૈસા આપવામાં આવશે. ICCએ કુલ 93.52 કરોડ રૂપિયાની ઈનામી રકમ જાહેર કરી હતી. સેમિફાઇનલમાં હારનાર ટીમને 6.54 કરોડ રૂપિયા આપવામાં આવશે.