- ભારતે 12 જૂને રમાયેલી મેચમાં અમેરિકાને 7 વિકેટે હરાવ્યું
- એ મેચમાં કોહલી-રોહિતની નિષ્ફળતાની ચર્ચા થઈ
- ફાસ્ટ બોલર સૌરભ નેત્રાવલકરે બન્નેને આઉટ કર્યા હતા
T20 વર્લ્ડકપ 2024નો લીગ સ્ટેજ અંતના આરે છે. ટીમ ઈન્ડિયા તે ટીમોમાંની એક હતી જેણે સુપર-8 રાઉન્ડમાં આસાનીથી પ્રવેશ મેળવ્યો હતો. એક ટીમ અમેરિકા પણ છે, જેની ખૂબ ચર્ચા થઈ રહી છે. ટીમ ઈન્ડિયાએ 12 જૂને રમાયેલી મેચમાં અમેરિકાને 7 વિકેટે હરાવ્યું હતું. આ મેચમાં ભારતની જીત કરતાં કોહલી અને રોહિત શર્માની નિષ્ફળતાની વધુ ચર્ચા થઈ હતી.
નેત્રાવલકરે લીધી રોહિત-કોહલીની વિકેટ
આ બંને મહાન ખેલાડીઓ પ્રથમ ત્રણ ઓવર પછી જ પેવેલિયનમાં મોકલી દીધા હતા. ભારતીય મૂળના ફાસ્ટ બોલર સૌરભ નેત્રાવલકરે બન્નેને આઉટ કર્યા હતા. સૌરભે હાલમાં જ એક ઈન્ટરવ્યુમાં કોહલીને કયા પ્લાન દ્વારા આઉટ કર્યો તેનો ખુલાસો કર્યો હતો.
રોહિત-કોહલી સામે હતો આ પ્લાન
આ બંનેની સામે બોલિંગ કરતી વખતે તેમના મૂડના પ્રશ્ન પર, સૌરભે ખુલાસો કર્યો કે તેમની યોજના પ્રારંભિક ઓવરોમાં મૂળભૂત બાબતોને વળગી રહેવાની હતી અને તે બંનેના ઓફ સ્ટમ્પના ઉપરના ભાગને નિશાન બનાવવાની હતી. લેફ્ટી પેસરે કહ્યું કે પ્રામાણિકપણે મેં વિચાર્યું ન હતું કે મને વિકેટ મળશે. અમારો સ્કોર ઓછો હતો અને નવા બોલ સાથે પીચને સીમ અને સ્વિંગ બંને મળી રહ્યા હતા.
સૂર્યકુમારનો મિત્ર છે નેત્રાવલકર
સૌરભે કહ્યું કે આવી સ્થિતિમાં ઓફ સ્ટમ્પના ઉપરના ભાગમાં મારતી વખતે વસ્તુઓને સરળ રાખવાની અને બોલિંગ કરવાની યોજના હતી. આ મારી યોજના હતી અને હું ખુશ છું કે હું કોહલી અને વિરાટની વિકેટ લઈને મારી ટીમ માટે વધુ સારું કરી શક્યો. લેફ્ટી પેસરે વધુમાં કહ્યું કે તે મુંબઈના દિગ્ગજ બેટ્સમેન રોહિતને પોતાનો સિનિયર માને છે. સૌરભે મિડલ ઓર્ડર બેટ્સમેન સૂર્યકુમાર સાથેની તેની મિત્રતાની પણ પ્રશંસા કરી.
