- અફઘાનિસ્તાને ઓસ્ટ્રેલિયાને હરાવીને મોટો અપસેટ સર્જ્યો હતો
- આ જીત બાદ પાકિસ્તાની પત્રકારે એક પોસ્ટ શેર કરી
- આ પોસ્ટ જોતા ભારતીય ક્રિકેટર રવિચંદ્રન અશ્વિન ગુસ્સે થયો
ટી20 વર્લ્ડ કપમાં અફઘાનિસ્તાને ઓસ્ટ્રેલિયાને હરાવીને મોટો અપસેટ સર્જ્યો હતો. અફઘાનિસ્તાનની જીત પર ક્રિકેટ ફેન્સ સતત પોતાની પ્રતિક્રિયા આપી રહ્યા છે. પરંતુ એક પાકિસ્તાની પત્રકાર ઓસ્ટ્રેલિયા સામે અફઘાનિસ્તાનની જીત બાદ ઈન્ડિયન ક્રિકેટ લીગ આઈપીએલને વચ્ચે લાવી રહ્યો હતો ત્યારે રવિ અશ્વિને એક્સના માલિક ઈલોન મસ્કને ફરિયાદ કરી હતી. પાકિસ્તાની પત્રકાર વજાહત કાઝમીએ ટ્વિટ કર્યું છે. આ ટ્વીટમાં તેણે અફઘાન ટીમ પર ગંભીર આરોપ લગાવ્યા છે.
જાણો રવિચંદ્રન અશ્વિને શું કહ્યું
ભારતીય ઓફ સ્પિનર રવિ અશ્વિન પાકિસ્તાની પત્રકાર વજાહત કાઝમીની પોસ્ટથી નાખુશ દેખાતા હતા. વજાહત કાઝમીએ પોતાની પોસ્ટમાં લખ્યું છે કે અફઘાનિસ્તાન સ્પષ્ટ કારણોસર ભારત સિવાય દુનિયાની કોઈપણ ટીમને હરાવી શકે છે, IPL કોન્ટ્રાક્ટ ખૂબ જ મૂલ્યવાન છે. આ પછી ભારતીય ઓફ સ્પિનરે એલોન મસ્કને ટેગ કરીને પોતાનો જવાબ આપ્યો. રવિ અશ્વિને જવાબ આપ્યો, "એલોન મસ્ક, તમારે શું કરવું જોઈએ તે હું તમને કહી શકતો નથી, પરંતુ મારા ઘરમાં કોણ પ્રવેશશે, તેનો મને અધિકાર હોવો જોઈએ. મારી ટાઈમલાઈન, મારું ડિસિઝન"
આજે ઓસ્ટ્રેલિયા અને ભારતની મેચ
તમને જણાવી દઈએ કે રાશિદ ખાનની આગેવાની હેઠળ અફઘાનિસ્તાને ઓસ્ટ્રેલિયાને 21 રનથી હરાવ્યું હતું. આ સાથે જ આ હાર બાદ ઓસ્ટ્રેલિયાની સેમીફાઈનલની આશાને મોટો ઝટકો લાગ્યો છે. આ સાથે જ આજે ઓસ્ટ્રેલિયા ભારત સામે રમવાનું છે. સેન્ટ લુસિયામાં બંને ટીમો સામસામે ટકરાશે. જ્યારે અફઘાનિસ્તાન તેની છેલ્લી સુપર-8 મેચ બાંગ્લાદેશ સામે રમશે. બંને ટીમો 25 જૂને સામસામે ટકરાશે.
