- અમેરિકા અને વેસ્ટ ઈન્ડિઝમાં રમાનારા T-20 વર્લ્ડકપ માટે તમામ ટીમો ન્યૂયોર્ક પહોંચી
- T-20 વર્લ્ડકપમાં પ્રથમ વખત 20 ટીમોને સ્થાન આપવામાં આવ્યું
- T-20 વર્લ્ડકપમાં સુપર-8ને લઈને સ્ટાર બોલર મોહમ્મદ શમીએ એક ભવિષ્યવાણી કરી
અમેરિકા અને વેસ્ટ ઈન્ડિઝમાં રમાનારા T-20 વર્લ્ડકપ માટે તમામ ટીમો ન્યૂયોર્ક પહોંચી ગઈ છે. જ્યાં તે વોર્મ-અપ મેચ રમતી જોવા મળી રહી છે. T-20 વર્લ્ડકપમાં પ્રથમ વખત 20 ટીમોને સ્થાન આપવામાં આવ્યું છે. જેને 4 ગ્રુપમાં વહેંચવામાં આવ્યા છે. દરેક ગ્રુપમાં 5 ટીમો હશે. આ ટીમો એકબીજા સામે રમશે. એટલે કે દરેક ટીમે રાઉન્ડ-1માં 4 મેચ રમવાની રહેશે. આ પછી, દરેક જૂથમાંથી 2 ટીમ સુપર-8 માટે ક્વોલિફાય થશે. આ 8 ટીમો કોણ હોઈ શકે તે અંગે ઘણી આગાહીઓ સામે આવી છે. સુપર-8ને લઈને સ્ટાર બોલર મોહમ્મદ શમીએ એક ભવિષ્યવાણી કરી છે.
અફઘાનિસ્તાન કરતા સારું છે ન્યુઝીલેન્ડ
મોહમ્મદ શમીએ તેની યુટ્યુબ ચેનલ પર વર્લ્ડકપના ગ્રુપ સ્ટેજનું પ્રીવ્યુ કર્યું. આ સમયગાળા દરમિયાન તેણે ગ્રુપ એમાંથી ભારત-પાકિસ્તાન, ગ્રુપ બીમાંથી ઓસ્ટ્રેલિયા-ઈંગ્લેન્ડ, ગ્રુપ સીમાંથી ન્યુઝીલેન્ડ-વેસ્ટ ઈન્ડિઝ અને ગ્રુપ ડીમાંથી દક્ષિણ આફ્રિકા-શ્રીલંકાની પસંદગી કરી છે. જો કે ઘણા નિષ્ણાતોએ અફઘાનિસ્તાનને સુપર-8 અને સેમીફાઈનલ માટે દાવેદાર ગણાવ્યું હતું, પરંતુ શમીએ તેમને આ દાવાથી દૂર રાખ્યા હતા. શમીએ કહ્યું કે મારા મતે અફઘાનિસ્તાન પણ ઓછું નથી, પરંતુ મને ન્યુઝીલેન્ડ તેના કરતા સારું લાગ્યું.
કયા ગ્રુપમાં છે કઈ ટીમ?
ગ્રુપ Aમાં ભારત, પાકિસ્તાન, કેનેડા, આયર્લેન્ડ અને યુએસએનો સમાવેશ થાય છે. જ્યારે ગ્રુપ-બીમાં ઓસ્ટ્રેલિયા, ઈંગ્લેન્ડ, નામીબિયા, ઓમાન અને સ્કોટલેન્ડનો સમાવેશ થાય છે. ગ્રુપ સીમાં અફઘાનિસ્તાન, ન્યુઝીલેન્ડ, પાપુઆ ન્યુ ગીની, યુગાન્ડા અને વેસ્ટ ઈન્ડીઝનો સમાવેશ થાય છે. બાંગ્લાદેશ, દક્ષિણ આફ્રિકા, શ્રીલંકા, નેપાળ અને નેધરલેન્ડની ટીમોને ગ્રુપ-બીમાં રાખવામાં આવી છે. તમને જણાવી દઈએ કે ગત વર્લ્ડકપમાં ઘણા અપસેટ થયા હતા. વેસ્ટ ઈન્ડિઝની ટીમ સ્કોટલેન્ડ દ્વારા હારીને બહાર થઈ ગઈ હતી.
ટીમ ઈન્ડિયામાંથી બહાર છે મોહમ્મદ શમી
નોંધનીય છે કે મોહમ્મદ શમી આ દિવસોમાં ઈજામાંથી સાજો થઈ રહ્યો છે. ઈજાના કારણે તેને વર્લ્ડકપમાંથી બહાર થવું પડ્યું હતું. ટીમ ઈન્ડિયાને શુભેચ્છા પાઠવતા શમીએ કહ્યું- હું ઈચ્છું છું કે ભારતીય ટીમ ચેમ્પિયન બને. ખેલાડીઓએ તેમની ફિટનેસ અને રિકવરીનું ધ્યાન રાખવું જોઈએ.
