- T20 વર્લ્ડ કપ 2024 માટે અમેરિકાની ટીમની જાહેરાત
- ભારતીય ક્રિકેટર મોનાંક પટેલને ટીમનું નેતૃત્વ સોંપવામાં આવ્યું
- T20 વર્લ્ડ કપ 2024માં 20 ટીમો વચ્ચે 55 મેચ રમાશે
T20 વર્લ્ડ કપ 2024 માટે યજમાન અમેરિકાની ટીમની જાહેરાત કરવામાં આવી છે. ભારતીય ક્રિકેટર મોનાંક પટેલને ટીમનું નેતૃત્વ સોંપવામાં આવ્યું છે. આ સિવાય એરોન જોન્સ વાઇસ કેપ્ટનની જવાબદારી સંભાળતો જોવા મળશે. આ ટુર્નામેન્ટ 1 જૂનથી શરૂ થશે. T20 વર્લ્ડ કપ 2024માં 20 ટીમો વચ્ચે 55 મેચ રમાશે. આ તમામ ટીમોને 5-5ના 4 ગ્રુપમાં વહેંચવામાં આવી છે. USAને ગ્રુપ Aમાં રાખવામાં આવ્યું છે. આ ગ્રુપમાં ભારત, પાકિસ્તાન, આયર્લેન્ડ અને કેનેડા પણ સામેલ છે.
T20 વર્લ્ડ કપ 2024 માટે USA ટીમ
મોનાંક પટેલ (કેપ્ટન), એરોન જોન્સ (વાઈસ-કેપ્ટન), એન્ડ્રીસ ગૌસ, કોરી એન્ડરસન, અલી ખાન, હરમીત સિંહ, જેસી સિંઘ, મિલિંદ કુમાર, નિસર્ગ પટેલ, નીતિશ કુમાર, નોશતુશ કેંજીગે, સૌરભ નેથરાલાવકર, શેડલી વેન શાલ્કવીક, સ્ટીવન ટેલર, શયાન જહાંગીર.
રિઝર્વ ખેલાડીઓઃ ગજાનંદ સિંહ, જુઆનોય ડ્રિસડેલ, યાસિર મોહમ્મદ.
મોનાંક ગુજરાતનો રહેવાસી
31 વર્ષીય વિકેટકીપર બેટ્સમેન મોનાંક પટેલ ટીમનું નેતૃત્વ કરશે. તમને જણાવી દઈએ કે મોનાંક પટેલ મૂળ ભારતના ગુજરાતના છે. તે ગુજરાત માટે પણ રમી ચૂક્યો છે. તે 2018થી અમેરિકા માટે ક્રિકેટ રમી રહ્યો છે. તેમનો જન્મ 1 મે 1993ના રોજ ગુજરાતના આણંદમાં થયો હતો. તે જમણા હાથથી બેટિંગ કરે છે. તે ગુજરાત માટે અંડર-16 અને અંડર-18 ટીમમાં રમી ચૂક્યો છે. મોનાંકને 2010માં અમેરિકાનું ગ્રીન કાર્ડ મળ્યું હતું. મોનાંકે 2018માં યોજાયેલી ICC વર્લ્ડ T20 અમેરિકા ક્વોલિફાયર ટુર્નામેન્ટની 6 મેચમાં 208 રન બનાવ્યા હતા.
