- T20 વર્લ્ડકપ 2024ની લીગ સ્ટેજની મેચો સમાપ્ત
- આ ટૂર્નામેન્ટમાં સુપર-8ની તમામ ટીમો નક્કી થઈ
- આ સુપર-8ને ટીમોને બે ગ્રુપમાં વહેચવામાં આવી
T20 વર્લ્ડકપ 2024ની લીગ સ્ટેજની મેચો સમાપ્ત થવા જઈ રહી છે. આ ગ્લોબલ ટુર્નામેન્ટમાં 20 ટીમોએ ભાગ લીધો હતો, પરંતુ હવે માત્ર આઠ ટીમો જ આગળના રાઉન્ડ એટલે કે સુપર-8માં જશે. અત્યાર સુધીમાં સાત ટીમ સુપર-8માં પ્રવેશી ચૂકી છે. આઠમી ટીમ પણ બાંગ્લાદેશ અને નેપાળ વચ્ચેની મેચથી કન્ફર્મ થઈ જશે. સુપર-8માં તમામ ટીમોને બે ગ્રુપમાં વહેંચવામાં આવશે. સુપર-8ની તમામ મેચો વેસ્ટ ઈન્ડિઝમાં રમાશે.
આ દેશો અત્યાર સુધી સુપર-8માં ક્વોલિફાય થયા
ઈંગ્લેન્ડે નામિબિયા સામે શાનદાર જીત નોંધાવીને સુપર-8માં પોતાનું સ્થાન નિશ્ચિત કર્યું. ઈંગ્લેન્ડ પહેલા ભારત, ઓસ્ટ્રેલિયા, દક્ષિણ આફ્રિકા, વેસ્ટ ઈન્ડિઝ, યુએસએ અને અફઘાનિસ્તાન સુપર-8માં પ્રવેશ્યા હતા. હવે બાંગ્લાદેશ આગામી રાઉન્ડમાં જનારી છેલ્લી ટીમ બની શકે છે. જ્યારે પાકિસ્તાન, ન્યુઝીલેન્ડ અને શ્રીલંકા જેવા મોટા દેશો લીગ તબક્કામાં જ ટૂર્નામેન્ટમાંથી બહાર થઈ ગયા હતા.
લીગ તબક્કામાં ક્વોલિફાઈંગ ટીમોની આ હાલત હતી.
ભારતીય ટીમે 2024 T20 વર્લ્ડકપના લીગ તબક્કામાં ચાર મેચ રમી હતી. આ દરમિયાન ટીમ ઈન્ડિયાએ ત્રણ મેચ જીતી હતી, જ્યારે એક મેચ વરસાદને કારણે રદ્દ થઈ હતી. આ સિવાય યુએસએ બે મેચ જીતી હતી, જ્યારે એક મેચ વરસાદને કારણે રદ્દ થઈ હતી. આવી સ્થિતિમાં યુએસએ પાંચ પોઈન્ટ સાથે સુપર-8માં પોતાનું સ્થાન નિશ્ચિત કર્યું છે.
ઓસ્ટ્રેલિયાએ લીગ તબક્કામાં તેની તમામ ચાર મેચોમાં શાનદાર જીત નોંધાવી હતી. આ ગ્રુપમાંથી પાંચ પોઈન્ટ સાથે ઈંગ્લેન્ડ સુપર-8માં પ્રવેશ્યું છે. સ્કોટલેન્ડના પણ પાંચ પોઈન્ટ હોવા છતાં ઈંગ્લેન્ડને સારા નેટ રન રેટનો ફાયદો હતો. અફઘાનિસ્તાને તેની અત્યાર સુધીની ત્રણેય મેચ જીતી છે, જ્યારે વેસ્ટ ઈન્ડિઝે પણ તેની ત્રણેય મેચ જીતી છે. બંને ટીમોની એક-એક મેચ હજુ બાકી છે. જો કે બંને ટીમો સુપર-8માં પ્રવેશી ચૂકી છે.
સાઉથ આફ્રિકાએ ગ્રુપ ડીમાંથી તેની તમામ લીગ મેચો જીતી છે. જો કે દક્ષિણ આફ્રિકાની તમામ મેચ નજીક રહી હતી. બાંગ્લાદેશ સામે તેઓ ચાર રનથી જીત્યા હતા, જ્યારે નેપાળ સામે તેઓ એક રનથી મેચ જીત્યા હતા. બાંગ્લાદેશ આ ગ્રુપમાંથી ક્વોલિફાય થનારી બીજી ટીમ બની શકે છે. બાંગ્લાદેશના હાલમાં ત્રણ મેચમાં ચાર પોઈન્ટ છે. આવી સ્થિતિમાં તેને નેપાળ સામે જીત નોંધાવવી પડશે.
સુપર-8 ગ્રુપ-A
- અફઘાનિસ્તાન
- ભારત
- ઓસ્ટ્રેલિયા
- બાંગ્લાદેશ/નેધરલેન્ડ
સુપર-8 ગ્રુપ- B
- યુએસએ
- ઈંગ્લેન્ડ
- સાઉથ આફ્રિકા
- વેસ્ટ ઈન્ડિઝ
