- આઇપીએલમાં કાળઝાળ ગરમી વચ્ચે રમ્યા બાદ ભારતીય ટીમને પવન અને ઠંડીનો સામનો કરવો પડી રહ્યો છે
- ભારતની લીગ તથા સુપર-8 તબક્કાની તમામ મેચો ભારતીય સમય મુજબ સાંજે 8 વાગ્યે રમાશે
- 50 ઓવર્સના વન-ડે વર્લ્ડ ચેમ્પિયન ઓસ્ટ્રેલિયાનું સુકાન મિચેલ માર્શ કરશે
આઇસીસીના ટી20 વર્લ્ડ કપના ઇતિહાસમાં 2024ની એડિશન અત્યાર સુધીની સૌથી મોટી મેગા ઇવેન્ટ રહેશે. પ્રથમ વખત એક જ સિઝનમાં 20 ટીમો ભાગ લઈ રહી છે. ડિફેન્ડિંગ ચેમ્પિયન ઇંગ્લેન્ડની કેપ્ટનશિપ જોશ બટલર કરશે. 50 ઓવર્સના વન-ડે વર્લ્ડ ચેમ્પિયન ઓસ્ટ્રેલિયાનું સુકાન મિચેલ માર્શ કરશે. એશિયન ઉપખંડની બે શક્તિશાળી ટીમ ભારત અને પાકિસ્તાને પોતાના અનુભવી સુકાની રોહિત શર્મા અને બાબર આઝમને જાળવી રાખ્યા છે. ટી20 વર્લ્ડ કપના પ્રથમ રાઉન્ડ માટે 20 ટીમોને પાંચ-પાંચના ચાર ગ્રૂપમાં રાખવામાં આવી છે. સુપર-8માં ક્વોલિફાય કરતા પહેલાં પ્રત્યેક ટીમો ગ્રૂપમાં ચાર-ચાર મેચો રમશે. પ્રત્યેક ગ્રૂપની ટોપ-2 ટીમ સુપર-8 તબક્કામાં આગળ વધશે. ત્રીજાથી પાંચમા ક્રમે રહેલી ટીમ ટૂર્નામેન્ટમાંથી બહાર થશે. સુપર-8 ટીમોને બે અલગ અલગ ગ્રૂપમાં રાખવામાં આવશે અને ટોપની બે ટીમો સેમિફાઇનલમાં પહોંચશે. ફાઇનલ મુકાબલો 29મી જૂને બાર્બાડોસ ખાતે થશે.
ભારતીય ટીમ મુખ્યત્વે સવારે પ્રેક્ટિસ કરે છે
