IND vs AUS: રોમાંચક મેચમાં ભારતની 24 રને જીત, સેમિફાઇનલમાં પહોંચ્યું ભારત

ભારતે ઓસ્ટ્રેલિયાને 24 રને હરાવ્યું

રોહિત શર્મા બાદ અર્શદીપ સિંહના નેતૃત્વમાં બોલરોના જોરદાર પ્રદર્શનની મદદથી ભારતીય ટીમે ઓસ્ટ્રેલિયાને 24 રને હરાવીને T20 વર્લ્ડકપની સેમિફાઇનલમાં જગ્યા બનાવી લીધી છે. રોહિત શર્માની 92 રનની ઇનિંગના આધારે ભારતે 20 ઓવરમાં 5 વિકેટે 205 રન બનાવ્યા હતા જેના જવાબમાં ઓસ્ટ્રેલિયાની ટીમ 20 ઓવરમાં 7 વિકેટે 181 રન જ બનાવી શકી હતી અને તેને સતત બીજી હારનો સામનો કરવો પડ્યો હતો.

ઓસ્ટ્રેલિયા તરફથી ટ્રેવિસ હેડે 43 બોલમાં 9 ચોગ્ગા અને 4 છગ્ગાની મદદથી 76 રન બનાવ્યા હતા. તેણે કેપ્ટન મિચેલ માર્શ સાથે બીજી વિકેટ માટે 81 રનની ભાગીદારી કરી હતી. એક સમયે એવું લાગતું હતું કે ઓસ્ટ્રેલિયન ટીમ આ મેચ જીતી જશે, પરંતુ ભારતીય બોલરોએ જોરદાર વાપસી કરી અને ટૂર્નામેન્ટમાં તેમનું વિજય અભિયાન ચાલુ રાખ્યું. ભારત તરફથી ફાસ્ટ બોલર અર્શદીપ સિંહે ત્રણ વિકેટ લીધી હતી જ્યારે રિસ્ટ સ્પિનર ​​કુલદીપ યાદવે બે વિકેટ લીધી હતી.

આ સાથે ભારતે ઓસ્ટ્રેલિયા સામે ગત વર્ષે વનડે વર્લ્ડકપમાં મળેલી હારનો બદલો લીધો હતો. ત્યારે ઓસ્ટ્રેલિયાએ ફાઇનલમાં ભારતને હરાવીને વિજેતા બનવાનું સપનું તોડી નાખ્યું હતું અને હવે ઓસ્ટ્રેલિયાને હરાવીને ભારતે તેના માટે આગળનો રસ્તો ઘણો મુશ્કેલ બનાવી દીધો છે. ભારતે સુપર 8 તબક્કામાં તેની ત્રણેય મેચો જીતી અને 6 પોઈન્ટ સાથે ગ્રુપ વનમાં ટોચ પર છે. ઓસ્ટ્રેલિયા ત્રણ મેચમાં બે હાર અને એક જીત સાથે બીજા સ્થાને છે. અફઘાનિસ્તાનના બે મેચમાં એક જીત અને એક હાર સાથે બે પોઈન્ટ છે અને તે ત્રીજા સ્થાને છે. અફઘાનિસ્તાનનો મંગળવારે સવારે બાંગ્લાદેશ સામે મુકાબલો થવાનો છે અને જો ટીમ તે મેચ જીતવામાં સફળ રહે છે તો તે સેમિફાઇનલમાં જગ્યા બનાવી લેશે અને ઓસ્ટ્રેલિયાની સફર અહીં સમાપ્ત થશે.

6 બોલમાં 29 રનની જરૂર

ઓસ્ટ્રેલિયાનો સ્કોર 19 ઓવરમાં 7 વિકેટે 177 રન છે. હવે કાંગારૂઓને જીતવા માટે છેલ્લી ઓવરમાં 29 રન બનાવવા પડશે. પેટ કમિન્સ 5  બોલમાં 8 રન અને મિચેલ સ્ટાર્ક ત્રણ બોલમાં ત્રણ રન પર છે.

ટીમ ડેવિડ આઉટ

ટિમ ડેવિડ પણ 18મી ઓવરના પાંચમા બોલ પર આઉટ થયો હતો. અર્શદીપ સિંહે તેને ફુલ ટોસ બોલ પર કેચ આઉટ કરાવ્યો હતો. 18 ઓવરમાં કાંગારૂનો સ્કોર 7 વિકેટે 167 રન છે. આ મેચમાં અર્શદીપની આ ત્રીજી વિકેટ છે. ઓસ્ટ્રેલિયાને હવે જીતવા માટે 12 બોલમાં 39 રનની જરૂર છે.

મેથ્યુ વેડ આઉટ

ભારતીય ટીમે શાનદાર વાપસી કરીને ઓસ્ટ્રેલિયાની ઇનિંગ્સને બેકફૂટ પર મોકલી દીધી હતી. અર્શદીપ સિંહે મેથ્યુ વેડને આઉટ કરીને ભારતને છઠ્ઠી સફળતા અપાવી હતી. કુલદીપ યાદવે શાનદાર કેચ લઈને વેડને પેવેલિયન મોકલ્યો હતો.

હેડ આઉટ

ફાસ્ટ બોલર જસપ્રિત બુમરાહે શાનદાર બોલિંગ કરી અને ટ્રેવિસ હેડને આઉટ કરીને ઓસ્ટ્રેલિયાને મોટો ઝટકો આપ્યો હતો. હેડ શાનદાર બેટિંગ કરી રહ્યો હતો, પરંતુ 76 રન બનાવીને પેવેલિયન પરત ફર્યો હતો. ઓસ્ટ્રેલિયાએ 150 રનમાં 5 વિકેટ ગુમાવી દીધી છે. ઓસ્ટ્રેલિયાને જીતવા માટે 18 બોલમાં 53 રન બનાવવા જરૂરી છે. 

16 ઓવર સમાપ્ત

16 ઓવર બાદ ઓસ્ટ્રેલિયાનો સ્કોર 4 વિકેટે 148 રન થયા છે. ટ્રેવિસ હેડ 41 બોલમાં 75 રન બનાવીને રમી રહ્યો છે. ટીમ ડેવિડ 5 બોલમાં 2 રન બનાવીને રમી રહ્યો છે. ઓસ્ટ્રેલિયાને જીતવા માટે 24 બોલમાં 58 રનની જરૂર છે. 

સ્ટોઇનિસ આઉટ

સ્પિનર ​​અક્ષર પટેલે માર્કસ સ્ટોઈનિસને આઉટ કરીને ઓસ્ટ્રેલિયાને ચોથો ઝટકો આપ્યો હતો. સ્ટોઈનિસ 4 બોલમાં બે રન બનાવીને આઉટ થયો હતો. હાર્દિક પંડ્યાએ શાનદાર કેચ પકડ્યો હતો. 15 ઓવર બાદ ઓસ્ટ્રેલિયાનો સ્કોર 4 વિકેટે 141 રન છે. ઓસ્ટ્રેલિયાએ જીતવા માટે 30 બોલમાં 65 રનની જરૂર છે. ટ્રેવિસ હેડ 37 બોલમાં 73 રન બનાવીને રમી રહ્યો છે. તેણે 9 ચોગ્ગા અને 4 છગ્ગા ફટકાર્યા છે.

ઓસ્ટ્રેલિયાને 36 બોલમાં 71 રનની જરૂર 

14 ઓવર પછી ઓસ્ટ્રેલિયાનો સ્કોર 3 વિકેટે 135 રન છે. ટ્રેવિસ હેડ 35 બોલમાં 68 રન બનાવીને રમતમાં છે. અત્યાર સુધીમાં તેણે 8 ચોગ્ગા અને 4 છગ્ગા ફટકાર્યા છે. જ્યારે માર્કસ સ્ટોઈનિસ ત્રણ બોલમાં બે રન પર છે. ઓસ્ટ્રેલિયાને 36 બોલમાં 71 રનની જરૂર છે.

મેક્સવેલ આઉટ

કુલદીપ યાદવે 13મી ઓવરના પહેલા બોલ પર ગ્લેન મેક્સવેલને બોલ્ડ કર્યો હતો. તે 12 બોલમાં 20 રન બનાવીને આઉટ થયો હતો. ઓસ્ટ્રેલિયાએ 128 રનમાં ત્રીજી વિકેટ ગુમાવી દીધી છે. મેચ ફરી ભારત તરફ વળ્યો છે. 

ઓસ્ટ્રેલિયાનો સ્કોર 116/2

11 ઓવર પછી ઓસ્ટ્રેલિયાનો સ્કોર બે વિકેટે 116 રન છે. રવિન્દ્ર જાડેજાની ઓવરમાં 17 રન આવ્યા હતા. મેક્સવેલે જાડેજા પર બે ચોગ્ગા અને એક છગ્ગો ફટકાર્યો હતો. હવે ઓસ્ટ્રેલિયાને જીતવા માટે 54 બોલમાં 90 રન બનાવવાના છે. હેડ 27 બોલમાં 55 રન અને મેક્સવેલ પાંચ બોલમાં 16 રન પર છે.

હેડની ફિફ્ટી

ટ્રેવિસ હેડે 24 બોલમાં અડધી સદી ફટકારી છે. અત્યાર સુધીમાં તેણે 6 ફોર અને 3 સિક્સર ફટકારી છે. ઓસ્ટ્રેલિયાનો સ્કોર 10 ઓવરમાં બે વિકેટે 99 રન છે. હવે ઓસ્ટ્રેલિયાને 60 બોલમાં જીતવા માટે 107 રન બનાવવાના છે.

મિચેલ માર્શ આઉટ

9મી ઓવરના છેલ્લા બોલ પર કુલદીપ યાદવે મિચેલ માર્શને પેવેલિયન મોકલી દીધો હતો. અક્ષર પટેલે બાઉન્ડ્રી પર માર્શનો શાનદાર કેચ લીધો હતો. માર્શ 28 બોલમાં 37 રન બનાવીને આઉટ થયો હતો. ઓસ્ટ્રેલિયાનો સ્કોર 9 ઓવરમાં બે વિકેટે 87 રન છે.

ઓસ્ટ્રેલિયાનો સ્કોર 83/1

8 ઓવર પછી ઓસ્ટ્રેલિયાનો સ્કોર એક વિકેટે 83 રન છે. મિચેલ માર્શ 24 બોલમાં 35 રન બનાવીને રમતમાં છે. તેણે 3 ફોર અને 2 સિક્સર ફટકારી છે. જ્યારે ટ્રેવિસ હેડ 18 બોલમાં 40 રન બનાવીને રમતમાં છે. તેણે 4 ફોર અને 3 સિક્સર ફટકારી છે. ઓસ્ટ્રેલિયાને જીતવા માટે 72 બોલમાં 123 રન બનાવવાના છે.

પાવર પ્લે સમાપ્ત

હાર્દિક પંડ્યાએ છઠ્ઠી ઓવર નાખી. આ ઓવરમાં કુલ 17 રન આવ્યા હતા. ટ્રેવિસ હેડે હાર્દિક પર બે સિક્સર ફટકારી હતી. 6 ઓવર પછી ઓસ્ટ્રેલિયાનો સ્કોર એક વિકેટે 65 રન છે. મિચેલ માર્શ 18 બોલમાં 31 રન બનાવીને રમતમાં છે. તેણે 3 ફોર અને 2 સિક્સર ફટકારી છે. જ્યારે ટ્રેવિસ હેડ 12 બોલમાં 26 રન બનાવીને રમતમાં છે. તેણે 3 ફોર અને 2 સિક્સર ફટકારી છે.

5 ઓવર સમાપ્ત

અક્ષર પટેલે પાંચમી ઓવર નાખી. આ ઓવરમાં મિચેલ માર્શે એક સિક્સર અને એક ફોર ફટકારી હતી. 5 ઓવર પછી ઓસ્ટ્રેલિયાનો સ્કોર એક વિકેટે 48 રન છે. છેલ્લી ત્રણ ઓવરમાં કુલ 40 રન બનાવ્યા છે.

બુમરાહની ઓવરમાં 14 રન આવ્યા

જસપ્રીત બુમરાહે ચોથી ઓવર નાખી. ટ્રેવિસ હેડે આ ઓવરમાં ત્રણ ચોગ્ગા ફટકાર્યા હતા. 4 ઓવર પછી ઓસ્ટ્રેલિયાનો સ્કોર એક વિકેટે 36 રન છે. મિશેલ માર્શ 10 બોલમાં 16 રન બનાવીને રમતમાં છે. તેણે બે ચોગ્ગા અને એક છગ્ગા ફટકાર્યા છે. જ્યારે ટ્રેવિસ હેડ આઠ બોલમાં ત્રણ ચોગ્ગાની મદદથી 13 રન પર છે.

માર્શનો કેચ છૂટ્યો

અર્શદીપ સિંહે પોતાના જ બોલ પર મિચેલ માર્શનો કેચ છોડ્યો હતો. આ પહેલા ઋષભ પંતે તેનો કેચ છોડ્યો હતો. ત્રીજી ઓવરમાં બે ચોગ્ગા અને એક છગ્ગો આવ્યો. 3 ઓવર પછી ઓસ્ટ્રેલિયાનો સ્કોર એક વિકેટે 22 રન છે. માર્શ 9 બોલમાં 15 રન બનાવીને રમતમાં છે. જ્યારે ટ્રેવિસ હેડે હજુ ખાતું ખોલ્યું નથી.

ઓસ્ટ્રેલિયાનો સ્કોર 8/1

બે ઓવર પછી ઓસ્ટ્રેલિયાનો સ્કોર એક વિકેટે આઠ રન છે. જસપ્રીત બુમરાહે માત્ર બે રનની ઓવર નાંખી હતી. ટ્રેવિસ હેડે હજુ સુધી ખાતું ખોલ્યું નથી. મિશેલ માર્શ એક રન પર છે.

વોર્નર આઉટ

અર્શદીપ સિંહે ડેવિડ વોર્નરને પ્રથમ ઓવરના છઠ્ઠા બોલ પર સ્લિપમાં કેચ આઉટ કરાવ્યો હતો. ઓસ્ટ્રેલિયાએ પ્રથમ વિકેટ માત્ર છ રનમાં ગુમાવી દીધી હતી. વોર્નર છ બોલમાં છ રન બનાવીને આઉટ થયો હતો. હવે ટ્રેવિસ હેડ અને મિશેલ માર્શ ક્રિઝ પર છે.

ઓસ્ટ્રેલિયાને 206 રનનો ટાર્ગેટ મળ્યો 

પ્રથમ બેટિંગ કરતા ભારતે કેપ્ટન રોહિત શર્માની 92 રનની શાનદાર ઈનિંગની મદદથી 20 ઓવરમાં 5 વિકેટે 205 રન બનાવ્યા હતા. ભારતે આ મેચમાં જોરદાર બેટિંગ કરી હતી અને ઓસ્ટ્રેલિયાને 206 રનનો લક્ષ્યાંક આપ્યો હતો. આ વર્લ્ડકપમાં આ પહેલીવાર છે જ્યારે ભારતે 200+ રન બનાવ્યા છે. ઓસ્ટ્રેલિયાએ ટોસ જીતીને પ્રથમ બોલિંગ કરવાનો નિર્ણય કર્યો અને જોશ હેઝલવુડે ખાતું ખોલાવ્યા વિના વિરાટ કોહલીને આઉટ કરીને કેપ્ટનના નિર્ણયને સાચો સાબિત કર્યો. જોકે, રોહિત આજે અલગ જ રંગમાં જોવા મળ્યો હતો અને તેણે તોફાની બેટિંગ કરી હતી અને કાંગારૂ ટીમના બોલરોનો સામનો કર્યો હતો. આ દરમિયાન રોહિતે માત્ર 19 બોલમાં પોતાની અડધી સદી પૂરી કરી હતી.

રોહિતે સ્ટાર્કની ઓવરમાં 29 રન બનાવ્યા અને જોરદાર બેટિંગ ચાલુ રાખી. રોહિત એક સમયે સદી તરફ આગળ વધી રહ્યો હતો, પરંતુ સ્ટાર્કે તેની ઇનિંગ્સનો અંત આણ્યો હતો. રોહિતે 41 બોલની ઈનિંગમાં 7 ચોગ્ગા અને 8 છગ્ગા ફટકાર્યા હતા. રોહિત T20 ઈન્ટરનેશનલમાં 200 સિક્સર મારનાર પ્રથમ બેટ્સમેન બન્યો છે. રોહિતના આઉટ થયા બાદ ભારતીય દાવ થોડો ધીમો પડી ગયો હોવા છતાં સૂર્યકુમાર યાદવ, શિવમ દુબે અને હાર્દિક પંડ્યાએ કેટલાક સારા શોટ રમીને ટીમના સ્કોરને 200ની પાર લઈ ગયા હતા. વિરાટ કોહલી ફરી એકવાર નિષ્ફળ ગયો અને ટૂર્નામેન્ટમાં બીજી વખત ખાતું ખોલ્યા વિના આઉટ થઈ ગયો. ઓસ્ટ્રેલિયા તરફથી સ્ટાર્ક અને સ્ટોઇનિસે બે-બે વિકેટ લીધી હતી.

દુબે આઉટ

માર્કસ સ્ટોઇનિસે ડેવિડ વોર્નરના હાથે કેચ આઉટ કરાવીને શિવમ દુબેની વિકેટ લીધી હતી. શિવમ સારી બેટિંગ કરી રહ્યો હતો, પરંતુ સ્ટોઇનિસે તેની ઇનિંગ્સનો અંત લાવ્યો હતો. શિવમ 22 બોલમાં 28 રન બનાવીને પાંચમા બેટ્સમેન તરીકે આઉટ થયો હતો. હાર્દિક પંડ્યા ક્રિઝ પર છે. 19મી ઓવરના અંતે ભારતનો સ્કોર 5 વિકેટે 195 રન છે.

ભારતનો સ્કોર 181/4

પેટ કમિન્સે 18મી ઓવરમાં 10 રન આપ્યા હતા. 18 ઓવર પછી ટીમ ઈન્ડિયાનો સ્કોર 4 વિકેટે 181 રન છે. શિવમ દુબે 21 બોલમાં 28 રન બનાવીને રમતમાં છે. તેણે બે ચોગ્ગા અને એક છગ્ગા ફટકાર્યા છે. જ્યારે હાર્દિક પંડ્યા 11 બોલમાં 12 રન બનાવીને રમતમાં છે.

17 ઓવર સમાપ્ત

એડમ ઝમ્પાએ 17મી ઓવરમાં માત્ર 5 રન આપ્યા હતા. 17 ઓવર પછી ટીમ ઈન્ડિયાનો સ્કોર 4 વિકેટે 171 રન છે. શિવમ દુબે 18 બોલમાં 24 રન બનાવીને રમી રહ્યો છે. તેણે બે ચોગ્ગા અને એક છગ્ગા ફટકાર્યા છે. જ્યારે હાર્દિક પંડ્યા 8 બોલમાં 6 રન પર છે.

16 ઓવર સમાપ્ત

જોશ હેઝલવુડે 16મી ઓવરમાં માત્ર ચાર રન આપ્યા હતા. 16 ઓવર પછી ટીમ ઈન્ડિયાનો સ્કોર 4 વિકેટે 166 રન છે. શિવમ દુબે 15 બોલમાં 22 રન બનાવીને રમી રહ્યો છે. તેણે બે ચોગ્ગા અને એક છગ્ગા ફટકાર્યા છે. જ્યારે હાર્દિક પંડ્યા 6 બોલમાં 4 રન પર છે.

સૂર્યકુમાર યાદવ પેવેલિયન પરત ફર્યો 

ટીમ ઈન્ડિયાની ચોથી વિકેટ 15મી ઓવરમાં 159 રન પર પડી હતી. મિચેલ સ્ટાર્કે સૂર્યકુમાર યાદવને વિકેટ પાછળ કેચ આઉટ કરાવ્યો હતો. સૂર્યા 16 બોલમાં 31 રન બનાવીને આઉટ થયો હતો. તેના બેટમાંથી ત્રણ ચોગ્ગા અને બે છગ્ગા આવ્યા હતા.

સૂર્યા આઉટ

મિચેલ સ્ટાર્કે પોતાની શાનદાર બોલિંગ ચાલુ રાખી અને સૂર્યકુમાર યાદવને આઉટ કરીને ભારતને ચોથો ઝટકો આપ્યો હતો. સૂર્યકુમાર 16 બોલમાં 31 રન બનાવીને આઉટ થયો હતો. ભારતીય ટીમે સારી બેટિંગ ચાલુ રાખી અને 150 રનનો આંકડો પાર કર્યો.

ભારતનો સ્કોર 150ને પાર

માર્કસ સ્ટોઇનિસે 14મી ઓવર નાખી. આ ઓવરમાં કુલ 13 રન આવ્યા હતા. સૂર્યકુમાર યાદવે શાનદાર સિક્સ ફટકારી હતી. 14 ઓવર પછી ટીમ ઈન્ડિયાનો સ્કોર ત્રણ વિકેટે 155 રન છે. શિવમ દુબે 11 બોલમાં 18 રન અને સૂર્યકુમાર યાદવ 13 બોલમાં 27 રન બનાવીને રમી રહ્યાં છે.

13 ઓવર સમાપ્ત

એડમ ઝમ્પાએ 13મી ઓવર નાખી. આ ઓવરમાં કુલ 11 રન આવ્યા હતા. શિવમ દુબેએ શાનદાર સિક્સ ફટકારી હતી. 13 ઓવર પછી ટીમ ઈન્ડિયાનો સ્કોર બે વિકેટે 142 રન છે. શિવમ દુબે 8 બોલમાં 13 રન અને સૂર્યકુમાર યાદવ 10 બોલમાં 19 રન બનાવીને રમી રહ્યો છે.

સદી ચૂક્યો રોહિત શર્મા 

ફાસ્ટ બોલર મિચેલ સ્ટાર્કે શાનદાર ફોર્મમાં ચાલી રહેલા કેપ્ટન રોહિત શર્માને આઉટ કરીને ભારતને ત્રીજો ઝટકો આપ્યો હતો. રોહિત આ મેચમાં શાનદાર ફોર્મમાં દેખાઈ રહ્યો હતો અને સદી તરફ આગળ વધી રહ્યો હતો, પરંતુ સ્ટાર્કે બોલિંગ કરીને ભારતીય કેપ્ટનની ઇનિંગ્સનો અંત લાવ્યો હતો. રોહિત 41 બોલમાં 92 રન બનાવીને આઉટ થયો હતો. તેના બેટમાંથી 7 ચોગ્ગા અને 8 છગ્ગા આવ્યા હતા. હવે શિવમ દુબે ક્રિઝ પર આવ્યો છે. રોહિત ભલે સદી ફટકારવામાં ચૂકી ગયો હોય, પરંતુ T20 વર્લ્ડકપમાં આ તેનો સર્વશ્રેષ્ઠ વ્યક્તિગત સ્કોર છે.

ભારતનો સ્કોર 127/2

11 ઓવર પછી ટીમ ઈન્ડિયાનો સ્કોર બે વિકેટે 127 રન છે. રોહિત શર્મા 39 બોલમાં 92 રન બનાવીને રમી રહ્યો છે. અત્યાર સુધીમાં તેણે 7 ચોગ્ગા અને 8 છગ્ગા ફટકાર્યા છે. સૂર્યકુમાર યાદવ 8 બોલમાં 17 રન બનાવીને રમી રહ્યો છે. તેણે 2 ચોગ્ગા અને એક છગ્ગો ફટકાર્યો છે.

T20 WCમાં રોહિત શર્માનો સર્વોચ્ચ સ્કોર

• 83* વિ Aus ગ્રોસ આઇલેટ 2024
• 92* વિ Aus બ્રિજટાઉન 2010
• 74 વિ Afg અબુ ધાબી 20221
• 62* વિ WI મીરપુર 2014

ભારતનો સ્કોર 114/2

10 ઓવર પછી ટીમ ઈન્ડિયાનો સ્કોર બે વિકેટે 114 રન છે. રોહિત શર્મા 37 બોલમાં 89 રન બનાવીને રમી રહ્યો છે. અત્યાર સુધીમાં તેણે 7 ચોગ્ગા અને 8 છગ્ગા ફટકાર્યા છે. આ ઉપરાંત સૂર્યકુમાર યાદવ 4 બોલમાં 7 રન પર છે. માર્કસ સ્ટોઈનિસની આ ઓવરમાં કુલ 12 રન આવ્યા હતા.

9 ઓવર સમાપ્ત

ભારતની 9 ઓવરની રમત સમાપ્ત થઇ ગઇ છે. ભારતે 2 વિકેટ ગુમાવીને 102 રન બનાવી લીધા છે. રોહિત શર્મા 32 બોલમાં 8 સિક્સ અને 5 ફોરની મદદથી 79 રન બનાવીને રમી રહ્યો છે. સૂર્યકુમાર યાદવ 3 બોલમાં 6 રન બનાવીને રમી રહ્યો છે. 

પંત આઉટ

માર્કસ સ્ટોઇનિસે વિકેટકીપર બેટ્સમેન રિષભ પંતને આઉટ કરીને ભારતને બીજો ઝટકો આપ્યો હતો. પંત 14 બોલમાં 15 રન બનાવીને આઉટ થયો હતો. રોહિત શર્મા બીજા છેડેથી તોફાની બેટિંગ કરી રહ્યો છે અને ધીમે ધીમે સદી તરફ આગળ વધી રહ્યો છે. ભારતે 8 ઓવરના અંતે બે વિકેટે 93 રન બનાવ્યા છે. રોહિત 29 બોલમાં 76 રન બનાવીને રમી રહ્યો છે.

તમામ આંતરરાષ્ટ્રીય ક્રિકેટમાં પ્રતિસ્પર્ધી વિરુદ્ધ સૌથી વધુ છગ્ગા

• 130 ક્રિસ ગેલ vs ENG
• 130* રોહિત શર્મા vs ઓસ્ટ્રેલિયા
• 88 રોહિત શર્મા vs WI
• 87 ક્રિસ ગેલ vs NZ
• 86 શાહિદ આફ્રિદી vs SL

7 ઓવર સમાપ્ત

7 ઓવર પછી ટીમ ઈન્ડિયાનો સ્કોર એક વિકેટે 76 રન છે. રોહિત શર્મા 23 બોલમાં 58 રન બનાવીને રમી રહ્યો છે. અત્યાર સુધીમાં તેણે 4 ચોગ્ગા અને 6 છગ્ગા ફટકાર્યા છે. જ્યારે રિષભ પંત 13 બોલમાં 15 રન બનાવીને  રમી રહ્યો છે. તેના બેટમાંથી એક ફોર અને એક સિક્સર આવી હતી. પંતે એડમ ઝમ્પા પર સિક્સર અને રોહિતે સિક્સર ફટકારી હતી. આ ઓવરમાં કુલ 16 રન આવ્યા.

પાવરપ્લે સમાપ્ત

6 ઓવર પછી ટીમ ઈન્ડિયાનો સ્કોર એક વિકેટે 60 રન છે. રોહિત શર્મા 21 બોલમાં 51 રન બનાવીને રમી રહ્યો છે. અત્યાર સુધીમાં તેણે 4 ફોર અને 5 સિક્સર ફટકારી છે. જ્યારે રિષભ પંત 10 બોલમાં 7 રન બનાવીને રમી રહ્યો છે. આ પહેલા વિરાટ કોહલી શૂન્ય રને આઉટ થયો હતો.

રોહિતની શાનદાર ફિફ્ટી

ભારતીય કેપ્ટન રોહિત શર્માએ ઓસ્ટ્રેલિયા સામે શાનદાર બેટિંગ કરી અને 19 બોલમાં અડધી સદી ફટકારી. રોહિતની જોરદાર બેટિંગના કારણે ભારતે પાંચમી ઓવરના અંતે એક વિકેટે 52 રન બનાવી લીધા છે. 

રોહિત શર્માએ માત્ર 19 બોલમાં અડધી સદી ફટકારી છે. અત્યાર સુધીમાં તેણે 4 ફોર અને 5 સિક્સર ફટકારી છે. જ્યારે રિષભ પંત એક રન પર છે. 5 ઓવરમાં ટીમ ઈન્ડિયાનો સ્કોર એક વિકેટે 52 રન છે. પેટ કમિન્સની ઓવરમાં કુલ 15 રન આવ્યા હતા. રોહિત હવે T20 ઈન્ટરનેશનલમાં 200 સિક્સર મારનાર વિશ્વનો પ્રથમ બેટ્સમેન બની ગયો છે.

મેચ ફરી શરૂ

વરસાદના કારણે થોડો સમય મેચ રોકાયા બાદ તેને ફરીથી શરૂ કરવામાં આવી છે. રોહિત શર્મા અને રિષભ પંત બેટિંગ કરવા ઉતર્યા છે, જ્યારે પેટ કમિન્સ બોલિંગ કરવા માટે આવ્યો છે.

વરસાદને કારણે મેચ અટકી 

સેન્ટ લુસિયામાં ભારત અને ઓસ્ટ્રેલિયા વચ્ચે રમાઈ રહેલી સુપર 8 સ્ટેજની મેચ વરસાદના કારણે રોકી દેવામાં આવી છે. વરસાદના કારણે મેદાન કવરથી ઢંકાઈ ગયું છે અને બંને ટીમના ખેલાડીઓ મેદાન છોડીને ચાલ્યા ગયા છે. ભારતે 4.1 ઓવર બાદ એક વિકેટે 43 રન બનાવી લીધા છે. ભારત માટે કેપ્ટન રોહિત શર્મા તોફાની બેટિંગ કરી રહ્યો છે અને તેણે 14 બોલમાં બે ચોગ્ગા અને પાંચ છગ્ગાની મદદથી 41 રન બનાવ્યા છે. રોહિતની સાથે રિષભ પંત છ બોલમાં એક રન બનાવીને ક્રિઝ પર હાજર છે. ભારતને પહેલો ફટકો વિરાટ કોહલીના રૂપમાં લાગ્યો હતો જે ખાતું ખોલાવ્યા વિના આઉટ થઈ ગયો હતો.

રોહિત શર્માની તોફાની બેટિંગ

ત્રીજી ઓવરમાં રોહિત શર્માએ એટેક કર્યો. હિટમેને મિચેલ સ્ટાર્ક પર 4 સિક્સ અને 1 ફોર ફટકારી હતી. આ ઓવરમાં કુલ 29 રન આવ્યા હતા. 3 ઓવર પછી ટીમ ઈન્ડિયાનો સ્કોર એક વિકેટે 35 રન છે. રોહિત શર્મા 11 બોલમાં 34 રન બનાવીને રમતમાં છે.

ભારતને લાગ્યો મોટો ઝટકો

ઓસ્ટ્રેલિયાએ ખાતું ખોલાવ્યા વિના વિરાટ કોહલીને આઉટ કરીને ભારતને મોટો ઝટકો આપ્યો હતો. ફાસ્ટ બોલર જોશ હેડલવુડના બોલ પર મોટો શોટ રમવાનો પ્રયાસ કરતી વખતે કોહલીનો ટીમ ડેવિડે કેચ પકડ્યો હતો. કોહલીએ 4 બોલ રમ્યા પરંતુ ખાતું પણ ખોલાવી શક્યા નહીં. ભારતે તેની શરૂઆતની વિકેટ 6 રનમાં ગુમાવી દીધી હતી.

પ્રથમ ઓવર સમાપ્ત

મિચેલ સ્ટાર્કે પ્રથમ ઓવર ફેંકી હતી. રોહિત શર્માએ ઓવરના ત્રીજા બોલ પર ચોગ્ગો ફટકાર્યો હતો. જોકે, પ્રથમ ઓવરમાં માત્ર 5 રન જ આવ્યા હતા. રોહિત શર્મા 4 બોલમાં 5 રન પર છે. જ્યારે વિરાટ કોહલીએ બે બોલ રમ્યા, પરંતુ હજુ સુધી ખાતું ખોલાવી શક્યો નથી.

ભારતની ઇનિંગ શરૂ

ભારતની ઇનિંગ શરૂ થઇ છે. કેપ્ટન રોહિત શર્મા અને વિરાટ કોહલી ઓપનિંગ કરવા માટે ક્રિઝ પર આવી ગયા છે. ઓસ્ટ્રેલિયા તરફથી પેટ કમિન્સ પ્રથમ ઓવર નાખશે.

કેવી છે પીચ?

સેન્ટ લુસિયાના ડેરેન સેમી સ્ટેડિયમમાં અત્યાર સુધીમાં 180 થી વધુ મેચ રમાઈ છે અને મોટાભાગની મેચોમાં ટીમો તરફથી સારું પ્રદર્શન જોવા મળ્યું છે. વેસ્ટ ઈન્ડિઝે અફઘાનિસ્તાન સામે બનાવેલો 218 રનનો સ્કોર આ મેદાન પર પ્રથમ બેટિંગ કરતી વખતે સર્વોચ્ચ સ્કોર છે. લક્ષ્યનો પીછો કરતી વખતે આ મેદાન પર બીજી ઇનિંગમાં 197 રન બનાવ્યા હતા. આવી સ્થિતિમાં ભારત અને ઓસ્ટ્રેલિયા વચ્ચેની મેચ હાઈ સ્કોરિંગ બની શકે છે.

ભારતની પ્લેઈંગ ઈલેવન

રોહિત શર્મા (c), વિરાટ કોહલી, રિષભ પંત (wk), સૂર્યકુમાર યાદવ, શિવમ દુબે, હાર્દિક પંડ્યા, રવિન્દ્ર જાડેજા, અક્ષર પટેલ, કુલદીપ યાદવ, અર્શદીપ સિંહ, જસપ્રિત બુમરાહ

ઓસ્ટ્રેલિયાની પ્લેઇંગ ઇલેવન

ટ્રેવિસ હેડ, ડેવિડ વોર્નર, મિચેલ માર્શ (c), ગ્લેન મેક્સવેલ, માર્કસ સ્ટોઇનિસ, ટિમ ડેવિડ, મેથ્યુ વેડ (wk), પેટ કમિન્સ, મિચેલ સ્ટાર્ક, એડમ ઝમ્પા, જોશ હેઝલવુડ

ઓસ્ટ્રેલિયાએ ટોસ જીત્યો

ભારત સામેની સુપર 8 મેચ દરમિયાન ઓસ્ટ્રેલિયાના કેપ્ટન મિચેલ માર્શે ટોસ જીતીને પ્રથમ બોલિંગ કરવાનો નિર્ણય લીધો છે. ઓસ્ટ્રેલિયાએ આ મેચ માટે પ્લેઇંગ-11માં એક ફેરફાર કર્યો છે. ટીમે એશ્ટન એગરની જગ્યાએ મિચેલ સ્ટાર્કને પ્લેઇંગ ઈલેવનમાં સામેલ કર્યો છે. બીજી તરફ ભારતે આ મેચ માટે પ્લેઈંગ-11માં કોઈ ફેરફાર કર્યો નથી.

ટુંક સમયમાં હાઈ-વોલ્ટેજ મેચનો ટોસ

હાઇ-વોલ્ટેજ મેચ શરૂ થવામાં વધુ સમય બાકી નથી. સેન્ટ લુસિયામાં તડકો છે. કેપ્ટન રોહિત શર્મા અને મિશેલ માર્શ ભારતીય સમય અનુસાર સાંજે 7.30 વાગ્યે ટોસ માટે મેદાનમાં ઉતરશે.

ઓસ્ટ્રેલિયા માટે આજની જીત મહત્વની

ઓસ્ટ્રેલિયા માટે આજે ભારત સામે જીત મેળવવી મહત્વપૂર્ણ છે કારણ કે જો તેઓ આજે હારી જશે તો તેઓ ટૂર્નામેન્ટમાંથી બહાર થઈ જવાનો ભય રહેશે. અફઘાનિસ્તાનની આગામી મેચ બાંગ્લાદેશ સામે છે. જો અફઘાનિસ્તાનની ટીમ તે મેચ જીતે છે અને ઓસ્ટ્રેલિયા ભારત સામે હારી જાય છે તો અફઘાનિસ્તાન સેમિફાઇનલમાં જગ્યા બનાવી લેશે.

વિરાટ કોહલી પાસે બાબર આઝમને પાછળ છોડવાની તક

જો વિરાટ કોહલી આજે ઓસ્ટ્રેલિયા સામે 43 રન બનાવશે તો તે T20I ક્રિકેટમાં સૌથી વધુ રન બનાવનાર બેટ્સમેન બની જશે. કિંગ કોહલીના નામે હાલમાં 4103 રન છે અને નંબર 1 પર રહેલા બાબર આઝમના નામે 4145 રન છે.

ડેરેન સેમી સ્ટેડિયમનો T20I રેકોર્ડ્સ

મેચ - 23

• પ્રથમ બેટિંગ કરતી વખતે જીતેલી મેચો – 12 (52.17%)
• લક્ષ્યનો પીછો કરતી વખતે જીતેલી મેચો – 11 (47.83%)
• ટોસ જીત્યા પછી જીતેલી મેચો – 11 (47.83%)
• ટોસ હાર્યા પછી જીતેલી મેચો – 12 (52.17%)
• સર્વોચ્ચ સ્કોર- 218/5
• સૌથી ઓછો સ્કોર- 105
• ચેઝમાં સર્વોચ્ચ સ્કોર- 197/7
• પ્રથમ બેટિંગ કરતી વખતે સરેરાશ સ્કોર – 166

પિચ પરથી કવર હટાવવામાં આવ્યા

સેન્ટ લુસિયામાં વરસાદને કારણે પીચ ઢંકાઈ ગઈ હતી. જોકે, હવે વરસાદ બંધ થઈ ગયો છે અને હવામાન ચોખ્ખું છે. તેથી પિચ પરથી કવર હટાવી દેવામાં આવ્યું છે. ગ્રાઉન્ડ સ્ટાફે મેદાન સૂકવવાનું કામ શરૂ કરી દીધું છે અને ભારત-ઓસ્ટ્રેલિયા મેચ સમયસર શરૂ થવાની અપેક્ષા છે.

સ્પિનર્સ ઉપયોગી થશે

સેન્ટ લુસિયાની પિચ ફાસ્ટ બોલરો માટે આફત બની રહી છે. અહીં ઝડપી બોલરોની અર્થવ્યવસ્થા 9.42 રહી છે, જે આ T20 વર્લ્ડ કપમાં સૌથી ખરાબ છે. જ્યારે સ્પિનરોની 7.91ની અર્થવ્યવસ્થા અહીં તેમની સરખામણીમાં થોડી સારી છે. તેથી આ પીચ પર માત્ર સ્પિનરો જ ઉપયોગી થશે.

સેન્ટ લુસિયામાં પડી રહ્યો છે વરસાદ 

સેન્ટ લુસિયામાં યોજાનારી ભારત-ઓસ્ટ્રેલિયા મેચ પર વરસાદનો ખતરો હતો, જે હવે સાચો સાબિત થઈ રહ્યો છે. છેલ્લી માહિતી મુજબ હાલમાં વરસાદ પડી રહ્યો છે. આ મેચ હવેથી 4 કલાકમાં એટલે કે રાત્રે 8 વાગ્યે શરૂ થવાની છે. જો મેચ રદ્દ થશે તો ભારતીય ટીમ સીધી સેમીફાઈનલમાં જશે.

જો મેચ વરસાદથી ધોવાઇ જાય તો શું થશે?

ભારત-ઓસ્ટ્રેલિયા મેચમાં વરસાદનો ખતરો છે. આવી સ્થિતિમાં જો વરસાદના કારણે મેચ રદ્દ થશે તો ભારતીય ટીમ સીધી સેમીફાઈનલમાં જશે. બાંગ્લાદેશની ટીમ અફઘાનિસ્તાનને હરાવશે તો જ ઓસ્ટ્રેલિયા સેમિફાઈનલમાં જઈ શકશે.

સેન્ટ લુસિયા બેટિંગ માટે મદદરૂપ

T20 વર્લ્ડ કપ 2024માં સેન્ટ લુસિયાનું મેદાન બેટ્સમેનોને સૌથી વધુ મદદરૂપ રહ્યું છે. આ સ્થળ પર 8.92 પ્રતિ ઓવરના દરે રન બનાવાયા છે. બેટ્સમેનોની એવરેજ 28.76 રહી છે.

ગ્રૂપ 2 સેમી ફાઇનલિસ્ટ નક્કી

યજમાન વેસ્ટ ઈન્ડિઝ પર દક્ષિણ આફ્રિકાની જીત સાથે, સુપર-8માં ગ્રુપ 2ના બંને સેમીફાઈનલના નામ નક્કી થઈ ગયા છે. ઈંગ્લેન્ડ અને દક્ષિણ આફ્રિકા ત્યાંથી સેમિફાઈનલમાં પહોંચી ગયા છે. હવે જોવાનું એ રહે છે કે ગ્રુપ 1માંથી કઈ બે ટીમોનું નસીબ ચમકે છે. જો કે ભારતનો દાવો મજબૂત છે.

T20 વર્લ્ડકપમાં ભારત-ઓસ્ટ્રેલિયાનો રેકોર્ડ?

હેડ ટુ હેડ રેકોર્ડમાં ટીમ ઈન્ડિયાનો દબદબો છે. T20 વર્લ્ડકપમાં ભારત અત્યાર સુધી ઓસ્ટ્રેલિયા સામે 5 મેચ રમ્યું છે, જેમાં તે 3 વખત જીતવામાં સફળ રહ્યું છે. એટલે કે ઓસ્ટ્રેલિયા માત્ર બે વખત જ જીતવામાં સફળ રહ્યું છે.

કેટલા વાગ્યે શરૂ થશે મેચ?

આજે ભારત અને ઓસ્ટ્રેલિયાની મેચ સેન્ટ લુસિયામાં ભારતીય સમય અનુસાર સાંજના 8 વાગ્યાથી રમાશે. હવામાન અહેવાલો અનુસાર મેચના 1 કે 2 કલાક પહેલા વરસાદ બંધ થવાની ધારણા છે. આવી સ્થિતિમાં મેચ સમયસર શરૂ થાય તેવી શક્યતા ઓછી છે.