T20 WC 2024: રોહિતની શાનદાર ફિફ્ટી, ભારતે જીત સાથે કરી વર્લ્ડકપની શરૂઆત

એક જ ટીમ સામે ભારતની સૌથી વધુ સતત જીત (T20I)

• 8 વિ બાંગ્લાદેશ (2009-18)
• 8 વિ આયર્લેન્ડ (2009-24)*
• 7 વિ ઓસ્ટ્રેલિયા (2013-17)
• 7 વિ શ્રીલંકા (2016-17)
• 7 વિ વેસ્ટ ઈન્ડિઝ (2018-19)

T20I માં ભારતની સૌથી વધુ બોલ બાકી રાખી જીત

• 81 વિ SCO દુબઈ 2021
• 64 વિ BAN હાંગઝોઉ 2023
• 59 વિ UAE મીરપુર 2016
• 46 વિ IRE ન્યૂ યોર્ક 2024*
• 41 વિ ZIM હરારે 2016

ભારતની 8 વિકેટે જીત

ટી20 વર્લ્ડકપ 2024માં ભારતે જીત સાથે શરૂઆત કરી છે. ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં ભારતીય ટીમે તેની પ્રથમ મેચમાં આયર્લેન્ડને 8 વિકેટે હરાવ્યું હતું. ટોસ હારીને પ્રથમ બેટિંગ કરવા ઉતરેલી આયરલેન્ડની ટીમ 16 ઓવરમાં 96 રનમાં ઓલઆઉટ થઈ ગઈ હતી. જવાબમાં ટીમ ઈન્ડિયાએ 12.2 ઓવરમાં બે વિકેટ ગુમાવીને લક્ષ્ય હાંસલ કરી લીધું હતું. રિષભ પંતે 13મી ઓવરમાં બેરી મેકકાર્થીની બોલ પર રિવર્સ સ્કૂપ સાથે સિક્સર ફટકારીને મેચ જીતી લીધી હતી. ભારત તરફથી કેપ્ટન રોહિત શર્માએ 52 રન બનાવ્યા હતા. જોકે, તે રિટાયર્ડ હર્ટ થઈ ગયો હતો. તેની ઈજા કેટલી ગંભીર છે તે હજુ જાણી શકાયું નથી. હવે ભારતીય ટીમ ગ્રુપ-Aમાં બે પોઈન્ટ સાથે ટોપ પર આવી ગઈ છે. તેની આગામી મેચ 9 જૂને કટ્ટર હરીફ પાકિસ્તાન સામે છે.

સૂર્યકુમાર આઉટ

ભારતને બીજો ઝટકો 12મી ઓવરમાં 91ના સ્કોર પર લાગ્યો હતો. સૂર્યકુમાર યાદવે મોટા શોટને કારણે પોતાની વિકેટ ગુમાવી હતી. તે બે રન બનાવી શક્યો હતો. હાલમાં રિષભ પંત અને શિવમ દુબે ક્રિઝ પર છે. ભારતને 6 રનની જરૂર છે.

11 ઓવર સમાપ્ત

11મી ઓવરમાં બોલ વાગવાને કારણે રોહિત શર્મા હર્ટ થઈ ગયો હતો. 11 ઓવરમાં ટીમ ઈન્ડિયાનો સ્કોર એક વિકેટે 85 રન થઈ ગયો છે. રિષભ પંત 22 બોલમાં 25 રન બનાવીને રમતમાં છે. તેણે બે ચોગ્ગા અને એક છગ્ગા ફટકાર્યા છે.

રોહિતની ફિફ્ટી

રોહિત શર્માએ માત્ર 36 બોલમાં અડધી સદી ફટકારી છે. તેણે 4 ફોર અને 3 સિક્સર ફટકારી છે. બીજા છેડે રિષભ પંત 18 બોલમાં બે ચોગ્ગાની મદદથી 18 રન પર છે. બંને વચ્ચે 44 બોલમાં 54 રનની ભાગીદારી છે. ભારતનો સ્કોર 10 ઓવરમાં એક વિકેટે 76 રન છે. રોહિત શર્મા ફિફ્ટી ફટકારી રિટાયર્ડ હર્ટ થઇ ગયો છે. હવે સૂર્યકુમાર યાદવ ક્રિઝ પર આવ્યો છે. 

9 ઓવર સમાપ્ત

9 ઓવર પછી ટીમ ઈન્ડિયાનો સ્કોર એક વિકેટે 64 રન છે. રોહિત શર્મા 33 બોલમાં 42 રન બનાવીને રમતમાં છે. તેણે 3 ચોગ્ગા અને 3 છગ્ગા ફટકાર્યા છે. જ્યારે રિષભ પંત 16 બોલમાં 17 રન બનાવીને રમતમાં છે. પંતે બે ચોગ્ગા ફટકાર્યા છે. ભારતને હવે 66 બોલમાં જીતવા માટે 33 રનની જરૂર છે.

8 ઓવર સમાપ્ત

8 ઓવર પછી ભારતે એક વિકેટ ગુમાવીને 52 રન બનાવ્યા છે. હાલમાં કેપ્ટન રોહિત શર્મા 27 બોલમાં 30 રન અને રિષભ પંત 16 બોલમાં 17 રન બનાવીને ક્રિઝ પર છે. ભારતને હવે 72 બોલમાં 45 રનની જરૂર છે.

ભારતનો સ્કોર 43-1

7 ઓવર પછી ટીમ ઈન્ડિયાનો સ્કોર એક વિકેટે 43 રન છે. રોહિત શર્મા 25 બોલમાં 28 રન બનાવીને રમતમાં છે. તેણે 3 ફોર અને 1 સિક્સ ફટકારી છે. જ્યારે રિષભ પંત 12 બોલમાં 10 રન બનાવીને રમતમાં છે. ટીમ ઈન્ડિયાને હવે જીતવા માટે માત્ર 54 રનની જરૂર છે.

7 ઓવર સમાપ્ત

ભારતની 7 ઓવરની રમત સમાપ્ત થઇ ગઇ છે. રોહિત શર્મા 28 રન બનાવીને રમી રહ્યો છે. રિષભ પંત 10 રન બનાવીને રમી રહ્યો છે. ભારતે 7 ઓવરમાં 1 વિકેટ ગુમાવીને 43 રન બનાવી લીધા છે. હવે જીતવા માટે 78 બોલમાં 54 રનની જરૂર છે. 

પાવર પ્લે સમાપ્ત

6 ઓવર પછી ટીમ ઈન્ડિયાનો સ્કોર એક વિકેટે 39 રન છે. રોહિત શર્મા 22 બોલમાં 27 રન બનાવીને રમી રહ્યો છે. તેણે 3 ફોર અને 1 સિક્સ ફટકારી છે. રિષભ પંત પણ 10 બોલમાં 8 રન બનાવીને રમી રહ્યો છે. ટીમ ઈન્ડિયાને હવે જીતવા માટે 58 રનની જરૂર છે.

5 ઓવર સમાપ્ત

પાંચ ઓવર બાદ ભારતે એક વિકેટ ગુમાવીને 33 રન બનાવ્યા છે. હાલમાં, રોહિત શર્મા 17 બોલમાં 22 રન અને રિષભ પંત 8 બોલમાં 8 રન બનાવીને ક્રિઝ પર છે. ભારતને એકમાત્ર ઝટકો વિરાટ કોહલીના રૂપમાં લાગ્યો હતો. તે એક રન બનાવી શક્યો હતો.

ભારતનો સ્કોર 29-1

4 ઓવર પછી ટીમ ઈન્ડિયાનો સ્કોર એક વિકેટે 29 રન છે. રોહિત શર્મા 15 બોલમાં 20 રન બનાવીને રમતમાં છે. તેણે બે ચોગ્ગા અને એક છગ્ગા ફટકાર્યા છે. રિષભ પંત પણ ચાર બોલમાં પાંચ રન બનાવીને રમતમાં છે.

કોહલી આઉટ

ભારતને પહેલો ફટકો ત્રીજી ઓવરમાં 22ના સ્કોર પર લાગ્યો હતો. માર્ક એડેરે વિરાટ કોહલીને બેન્જામિન વ્હાઇટના હાથે કેચ કરાવ્યો હતો. વિરાટ એક રન બનાવી શક્યો હતો. આ બંને લગભગ બે વર્ષ પછી ટી-20માં ઓપનિંગ કરવા આવ્યા હતા. જોકે, આ વ્યૂહરચના પ્રથમ મેચમાં ફ્લોપ સાબિત થઈ હતી. હાલમાં રોહિત શર્મા અને રિષભ પંત ક્રિઝ પર છે. ત્રણ ઓવર પછી ભારતનો સ્કોર એક વિકેટે 26 રન છે.

2 ઓવર સમાપ્ત

બીજી ઓવરમાં કુલ 15 રન આવ્યા. આ ઓવરમાં રોહિત શર્માએ એક સિક્સ અને એક ફોર ફટકારી હતી. 2 ઓવર પછી ટીમ ઈન્ડિયાનો સ્કોર કોઈ પણ વિકેટ વિના 22 રન છે. રોહિત શર્મા 11 બોલમાં 18 રન બનાવીને રમતમાં છે. જ્યારે કિંગ કોહલી હજુ એક રન પર છે.

રોહિતને મળ્યું જીવનદાન

માર્ક એડેરે પ્રથમ ઓવર ફેંકી. રોહિત શર્મા છેલ્લા બોલ પર સ્લિપમાં કેચ ચૂકી ગયો હતો. એક ઓવર પછી ટીમ ઈન્ડિયાનો સ્કોર કોઈ વિકેટ વિના સાત રન થઈ ગયો છે. ભારતે હવે જીતવા માટે 114 બોલમાં 90 રન બનાવવાના છે.

આયર્લેન્ડ ઓલ આઉટ

આયર્લેન્ડની ટીમ 16 ઓવરમાં 96 રનમાં સમેટાઈ ગઈ હતી. ટોસ હાર્યા બાદ પ્રથમ બેટિંગ કરવા આવેલી આયરિશ ટીમ માટે ગેરેથ ડેલેનીએ સૌથી વધુ રન બનાવ્યા હતા. તેણે 26 રન બનાવ્યા હતા. તે જ સમયે, ભારત તરફથી હાર્દિક પંડ્યાએ સૌથી વધુ ત્રણ વિકેટ લીધી હતી. જસપ્રીત બુમરાહે પણ શાનદાર બોલિંગ કરી હતી. તેણે 3 ઓવરમાં માત્ર 6 રન આપીને 2 વિકેટ ઝડપી હતી. અર્શદીપ સિંહે 4 ઓવરમાં 35 રન આપીને 2 વિકેટ લીધી હતી. મોહમ્મદ સિરાજ અને અક્ષર પટેલને એક-એક વિકેટ મળી હતી.

આયર્લેન્ડની શરૂઆત ખરાબ રહી હતી. ઇનિંગની ત્રીજી ઓવરમાં અર્શદીપ સિંહે કેપ્ટન પોલ સ્ટર્લિંગ અને એન્ડ્ર્યુ બલબિર્નીને પેવેલિયન મોકલી દીધા હતા. સ્ટર્લિંગ બે રન બનાવીને અને બાલબિર્ની પાંચ રન બનાવીને આઉટ થયા હતા. આ પછી હાર્દિક પંડ્યાનો પાયમાલ જોવા મળ્યો હતો. તેણે લોર્કન ટકર (10), કર્ટિસ કેન્ફર (12) અને માર્ક એડેર (3)ને આઉટ કર્યા હતા. તે જ સમયે જસપ્રિત બુમરાહે હેરી ટેક્ટર (4) અને જોશુઆ લિટલ (14)ને પેવેલિયન મોકલ્યા હતા. સિરાજે જ્યોર્જ ડોકરેલ (3) અને અક્ષર પટેલે બેરી મેકકાર્થી (0)ને પેવેલિયન મોકલ્યો હતો. ડેલાની છેલ્લી વિકેટ તરીકે નો બોલ પર ફ્રી હિટ પર રનઆઉટ થયો હતો. ભારત તરફથી હાર્દિકે ત્રણ વિકેટ ઝડપી હતી. જ્યારે અર્શદીપ સિંહ અને જસપ્રિત બુમરાહને બે-બે વિકેટ મળી હતી. મોહમ્મદ સિરાજ અને અક્ષરને એક-એક વિકેટ મળી હતી.

ન્યૂયોર્કમાં આ બીજી મેચ છે અને અહીંની ટીમ સતત ત્રણ ઇનિંગ્સમાં 100+ રન બનાવી શકી નથી. અગાઉ શ્રીલંકા અને દક્ષિણ આફ્રિકા વચ્ચેની મેચમાં શ્રીલંકાની ટીમ 77 રન જ બનાવી શકી હતી, જ્યારે દક્ષિણ આફ્રિકાએ તેનો પીછો કર્યો હતો. હવે આ લિસ્ટમાં આયરલેન્ડની ટીમ પણ સામેલ થઈ ગઈ છે.

16 ઓવર 

આયર્લેન્ડની ટીમ 16 ઓવરમાં ઓલ આઉટ થઇ ગઇ છે. અર્શદીપની આ ઓવરમાં કુલ 15 રન આવ્યા હતા. ડેલની 14 બોલમાં 26 રન બનાવીને રમી રહ્યો છે. જ્યારે વ્હાઇટ 1 રન બનાવીને રમી રહ્યો છે. 

જોશુઆ લિટલ આઉટ

આયર્લેન્ડને 15મી ઓવરમાં 77ના સ્કોર પર નવમો ફટકો લાગ્યો હતો. બુમરાહે જોશુઆ લિટલને ક્લીન બોલ્ડ કર્યો હતો. તે 14 રન બનાવી શક્યો હતો. હાલમાં બેન્જામિન વ્હાઇટ અને ગેરેથ ડેલાની ક્રિઝ પર છે. 15 ઓવર પછી આયર્લેન્ડનો સ્કોર 9 વિકેટે 79 રન છે.

14 ઓવર સમાપ્ત

14 ઓવરની રમત સમાપ્ત થઇ ગઇ છે. જોશુઆ લિટલ 14 રન બનાવીને રમી રહ્યો છે જ્યારે ગેરેથ ડેલની 10 રન બનાવીને રમી રહ્યો છે. 14 ઓવર બાદ આયર્લેન્ડનો સ્કોર 8 વિકેટે 73 રન છે. 

આયર્લેન્ડનો સ્કોર 66-8

14મી ઓવર હાર્દિક પંડ્યા લઇને આવ્યો હતો. આ ઓવરમાં 1 સિક્સ અને 1 ફોર સાથે કુલ 14 રન આવ્યા હતા. જોશુઆ લિટલ 6 બોલમાં 8 રન અને ગેરેથ ડેલની 6 બોલમાં 9 રન બનાવીને રમી રહ્યો છે. 14 ઓવર બાદ આયર્લેન્ડનો સ્કોર 8 વિકેટે 66 રન બનાવ્યા છે. 

આયર્લેન્ડને લાગ્યો 8મો ઝટકો

આયર્લેન્ડને 12મી ઓવરમાં 50ના સ્કોર પર આઠમો ઝટકો લાગ્યો હતો. અક્ષર પટેલે તેની પહેલી જ ઓવરમાં વિકેટ લીધી હતી. તેણે પોતાના જ બોલ પર બેરી મેકકાર્થીનો કેચ આઉટ કર્યો હતો. તે ખાતું પણ ખોલાવી શક્યો ન હતો. હાલમાં જોશુઆ લિટલ અને ગેરેથ ડેલની ક્રિઝ પર છે. 12 ઓવર પછી આયર્લેન્ડનો સ્કોર 8 વિકેટે 52 રન છે.

માર્ક અડેર થયો આઉટ

49ના સ્કોર પર આયર્લેન્ડને સાતમો ઝટકો લાગ્યો હતો. હાર્દિક પંડ્યાએ માર્ક અડેરને શિવમ દુબેના હાથે કેચ કરાવ્યો હતો. તે ત્રણ રન બનાવી શક્યો હતો. હાર્દિકની આ ત્રીજી સફળતા હતી. આ પહેલા તેણે લોર્કન ટકર અને કર્ટિસ કેમ્ફરને પણ આઉટ કર્યા હતા. જ્યારે અર્શદીપે બે વિકેટ ઝડપી હતી. બુમરાહ-સિરાજને એક-એક વિકેટ મળી છે. હાલમાં ગેરેથ ડેલાની અને બેરી મેકકાર્થી ક્રિઝ પર છે.

ડોકરેલ આઉટ

10 ઓવર બાદ આયર્લેન્ડે 6 વિકેટ ગુમાવીને 49 રન બનાવી લીધા છે. 10મી ઓવરમાં સિરાજે જ્યોર્જ ડોકરેલને બુમરાહના હાથે કેચ કરાવ્યો હતો. તે ત્રણ રન બનાવી શક્યો હતો. હાલમાં ગેરેથ ડેલાની અને માર્ક અડેર ક્રિઝ પર છે. ભારત તરફથી અત્યાર સુધી હાર્દિક પંડ્યા અને અર્શદીપ સિંહે બે-બે વિકેટ ઝડપી છે. તે જ સમયે, બુમરાહ અને સિરાજને એક-એક વિકેટ મળી છે. 

કેમ્ફર આઉટ

નવમી ઓવરમાં હાર્દિક પંડ્યાએ છેલ્લા બોલ પર કર્ટિસ કેમ્ફરને વિકેટકીપર પંતના હાથે કેચ આઉટ કરાવ્યો હતો. કેન્ફર 12 રન બનાવી શક્યો હતો. 9 ઓવર પછી આયર્લેન્ડનો સ્કોર 5 વિકેટે 44 રન છે. હાલમાં જ્યોર્જ ડોકરેલ અને ગેરેથ ડેલાની ક્રિઝ પર છે.

ટેક્ટર આઉટ

જસપ્રીત બુમરાહે 8મી ઓવરમાં આયર્લેન્ડને ચોથો ઝટકો આપ્યો હતો. આયર્લેન્ડે 36ના કુલ સ્કોર પર ચોથી વિકેટ ગુમાવી દીધી હતી. જસપ્રીત બુમરાહે હેરી ટેક્ટરને બાઉન્સર બોલ પર કેચ આઉટ કરાવ્યો હતો. તે 16 બોલમાં માત્ર 4 રન જ બનાવી શક્યો હતો.

ટકર આઉટ

હાર્દિક પંડ્યાએ સાતમી ઓવરમાં આયર્લેન્ડને ત્રીજો ઝટકો આપ્યો હતો. આયર્લેન્ડે 28ના કુલ સ્કોર પર ત્રીજી વિકેટ ગુમાવી દીધી છે. હાર્દિકે લોરેન ટકરને બોલ્ડ કર્યો હતો. તે 13 બોલમાં બે ચોગ્ગાની મદદથી 10 રન બનાવીને આઉટ થયો હતો.

T20 WCમાં આયર્લેન્ડ માટે સૌથી ઓછું પાવરપ્લે ટોટલ

• 26/2 વિ Indન્યૂ યોર્ક 2024
• 29/3 વિ Aus કોલંબો RPS 2012
• 31/4 વિ WI પ્રોવિડન્સ 2010

બુમરાહની મેડન ઓવર

જસપ્રીત બુમરાહે 6ઠી ઓવર નાખી હતી. આ ઓવરમાં આયર્લેન્ડના બેટ્સમેન એક પણ રન લઇ શક્યા ન હતા. બુમરાહની આ ઓવર મેડન રહી હતી. 6 ઓવર બાદ આયર્લેન્ડનો સ્કોર 2 વિકેટે 26 રન છે. 

5 ઓવર સમાપ્ત

5 ઓવરની રમત સમાપ્ત થઇ ગઇ છે. આ ઓવરમાં 13 રન આવ્યા હતા. આયર્લેન્ડની શરૂઆત ખરાબ રહી હતી. 5 ઓવર પછી આયર્લેન્ડનો સ્કોર બે વિકેટે 26 રન છે. લોરેન ટકર 10 બોલમાં 9 રન અને હેરી ટેક્ટર 4 બોલમાં 1 રન પર છે.

4 ઓવર સમાપ્ત

ચોથી ઓવર મોહમ્મદ સિરાજે નાખી હતી. 4 ઓવર પછી આયર્લેન્ડનો સ્કોર બે વિકેટે 13 રન છે. સિરાજે ફરી ચાર રનની ઓવર ફેંકી. લોરેન ટકરે ક્રિએટિવ શોટ રમીને સિરાજ પર ફોર ફટકારી હતી. ઝડપી બોલરોને પિચમાંથી ઘણી મદદ મળી રહી છે. આ ઓવરમાં માત્ર 4 રન આવ્યા હતા. લોર્કન ટર્કર 5 રન બનાવીને રમી રહ્યો છે. જ્યારે હેરી ટેક્ટર ખાતુ પણ ખોલાવી શક્યો નથી. 

બલબિર્ની આઉટ

અર્શદીપ સિંહે ત્રીજી ઓવરમાં 2 વિકેટ ઝડપી હતી. તેણે પોલ સ્ટર્લિંગને કેચ આઉટ કરાવ્યા બાદ બલબિર્નીને બોલ્ડ કર્યો હતો. 3 ઓવર બાદ આયર્લેન્ડનો સ્કોર 2 વિકેટ ગુમાવીને 9 રન છે. અર્શદીપ સિંહે એક જ ઓવરમાં 2 મોટી વિકેટ લઈને લોકોને ચોંકાવી દીધા છે. પોલ સ્ટર્લિંગને આઉટ કર્યા બાદ અર્શદીપે આયર્લેન્ડના ઓપનર એન્ડ્ર્યુ બલબિર્નીની વિકેટ લીધી હતી. એન્ડ્રુ બોલ્ડ થઇને પેવેલિયન પરત ફર્યો હતો.

પોલ સ્ટર્લિંગ આઉટ

ત્રીજી ઓવરમાં અર્શદીપ સિંહે આયર્લેન્ડને પહેલો ઝટકો આપ્યો હતો. આયરિશ કેપ્ટન પોલ સ્ટર્લિંગ અર્શદીપના બોલ પર કેચ આઉટ થયો હતો. રિષભ પંતે તેનો કેચ લીધો હતો. સ્ટર્લિંગ 6 બોલમાં 2 રન બનાવીને આઉટ થયો હતો. હાલમાં એન્ડ્ર્યુ બલબિર્ની અને લોર્કન ટકર ક્રિઝ પર છે.

આયર્લેન્ડનો સ્કોર 7/0

મોહમ્મદ સિરાજે બીજી ઓવરમાં ચાર રન આપ્યા હતા. 2 ઓવર પછી આયર્લેન્ડનો સ્કોર કોઈ પણ વિકેટ વિના 7 રન છે. બલબિર્નીએ સિરાજની આખી ઓવર રમી હતી. તેણે સિરાજ પર ચોગ્ગો માર્યો.

પ્રથમ ઓવર સમાપ્ત

પ્રથમ ઓવર સમાપ્ત થઇ ગઇ છે. અર્શદીપ સિંહે પ્રથમ ઓવરમાં માત્ર 3 રન આપ્યા હતા. 

આયર્લેન્ડની બેટિંગ શરૂ

આયર્લેન્ડની બેટિંગ શરૂ થઇ ગઇ છે. પોલ સ્ટર્લિંગ અને એન્ડ્રુ બાલ્બિર્ની ઓપનિંગ કરવા ક્રિઝ પર આવ્યા છે. અર્શદીપ સિંહે પ્રથમ ઓવર શરૂ કરી છે. કેપ્ટન રોહિત શર્માએ નવા બોલ સાથે તેના પર વિશ્વાસ વ્યક્ત કર્યો છે.

ભારતની પ્લેઇંગ ઇલેવન: રોહિત શર્મા (c), વિરાટ કોહલી, રિષભ પંત (wk), સૂર્યકુમાર યાદવ, શિવમ દુબે, હાર્દિક પંડ્યા, રવિન્દ્ર જાડેજા, અક્ષર પટેલ, જસપ્રિત બુમરાહ, અર્શદીપ સિંહ, મોહમ્મદ સિરાજ

આયર્લેન્ડની પ્લેઇંગ ઇલેવન: પોલ સ્ટર્લિંગ (c), એન્ડ્રુ બાલ્બિર્ની, લોર્કન ટકર (wk), હેરી ટેક્ટર, કર્ટિસ કેમ્ફર, જ્યોર્જ ડોકરેલ, ગેરેથ ડેલની, માર્ક અડેર, બેરી મેકકાર્થી, જોશુઆ લિટલ, બેન્જામિન વ્હાઇટ

ટોસ

T20 વર્લ્ડકપ 2024ની પોતાની પ્રથમ મેચમાં ભારતીય કેપ્ટન રોહિત શર્માએ ટોસ જીતીને પહેલા બોલિંગ કરવાનો નિર્ણય લીધો છે. રોહિતે કહ્યું કે ટીમ ઈન્ડિયા ચાર ફાસ્ટ બોલરો સાથે આવી છે. જેમાં બુમરાહ, અર્શદીપ, સિરાજ અને હાર્દિકનો સમાવેશ થાય છે. ટીમ બે સ્પિન ઓલરાઉન્ડર સાથે આવી છે. જેમાં રવિન્દ્ર જાડેજા અને અક્ષર પટેલનો સમાવેશ થાય છે. યશસ્વી, સંજુ અને કુલદીપ આ મેચ નથી રમી રહ્યા.

ચુસ્ત સુરક્ષા વ્યવસ્થા

આ મેચને લઈને ન્યૂયોર્કમાં પણ સુરક્ષા વ્યવસ્થા કડક કરવામાં આવી છે. ન્યૂયોર્કમાં આતંકવાદી હુમલાના ખતરાને જોતા સ્થાનિક પોલીસ કોઈ બેદરકારી દાખવવાનું પસંદ કરશે નહીં. થોડા સમય પહેલા ISISના એક આતંકવાદી સંગઠન 'લોન વુલ્ફ'એ હુમલાની ધમકી આપી હતી. ડ્રોન દ્વારા હુમલાનો પણ ભય છે. નાસાઉ કાઉન્ટી સ્ટેડિયમને છાવણીમાં ફેરવી દેવામાં આવ્યું છે. મીડિયા રિપોર્ટ્સ અનુસાર, સિવિલિયન કપડામાં પોલીસકર્મીઓ સ્નાઈપર્સ સાથે મેદાનની અંદર હાજર રહેશે. એટલું જ નહીં SWAT ટીમ પણ તૈનાત કરવામાં આવી છે.

નાસાઉ કાઉન્ટીની પિચ

આ ટુર્નામેન્ટમાં અત્યાર સુધી માત્ર એક જ મેચ નાસાઉ કાઉન્ટીમાં રમાઈ છે, જે ખૂબ જ ઓછા સ્કોરિંગ હતી. શ્રીલંકાની ટીમ સાઉથ આફ્રિકા સામે માત્ર 77 રનમાં સમેટાઈ ગઈ હતી. એટલું જ નહીં દક્ષિણ આફ્રિકાને 78 રનનો પીછો કરવા માટે 17 ઓવરનો સમય લાગ્યો હતો. આવી સ્થિતિમાં આયર્લેન્ડ જેવી ખતરનાક ટીમ ઉલટફેર કરવામાં માહિર છે. આ પહેલા પણ તે ઘણી વખત આવું કરી ચૂક્યા છે. આવી સ્થિતિમાં ભારતીય ટીમને આયર્લેન્ડથી બચીને રહેવાની જરૂર છે. નાસાઉની પીચ એવી છે કે તેના વિશે આજ સુધી કોઈ અનુમાન લગાવી શક્યું નથી.

હેડ ટુ હેડમાં ભારતનું પલડુ ભારે

ભારત અને આયર્લેન્ડ વચ્ચેના આંકડાઓ પર નજર કરીએ તો બંને ટીમો વચ્ચે અત્યાર સુધીમાં 7 મેચ રમાઈ છે. ટીમ ઈન્ડિયાએ તમામ સાત મેચ જીતી છે. રોહિત શર્માના નેતૃત્વમાં ભારતીય ટીમ આયર્લેન્ડને હળવાશથી લેવાનો પ્રયાસ કરશે નહીં. આ ભારતીય ટીમ કાગળ પર ઘણી મજબૂત માનવામાં આવે છે. ટીમમાં અનુભવ અને યુવા ઉત્સાહનું ખાસ મિશ્રણ છે.