ટીમ ઈન્ડિયાના ફેન્સ માટે સારા સમાચાર,કેએલ રાહુલ જલ્દી કરી શકે છે વાપસી!

• ટીમનો સ્ટાર વિકેટકીપર બેટ્સમેન કેએલ રાહુલ વાપસી કરવાની ખૂબ નજીક
  
• આઈપીએલ 2023માં ફીલ્ડિંગ કરતી વખતે રાહુલના પગમાં ઈજા થઈ હતી
• કેએલ રાહુલે ખુદ પોતાની વાપસીને લઈને એક મોટું અપડેટ આપ્યું છે

ટીમ ઈન્ડિયાના ફેન્સ માટે સારા સમાચાર આવ્યા છે. ટીમનો સ્ટાર વિકેટકીપર બેટ્સમેન કેએલ રાહુલ વાપસી કરવાની ખૂબ નજીક છે. આઈપીએલ 2023માં ફીલ્ડિંગ કરતી વખતે રાહુલના પગમાં ઈજા થઈ હતી, જેના પછી તે વર્લ્ડ ટેસ્ટ ચેમ્પિયનશિપની ફાઈનલ પણ રમી શક્યો નહોતો. હવે કેએલ રાહુલે પોતાની વાપસીને લઈને એક મોટું અપડેટ આપ્યું છે. વાસ્તવમાં તેણે તેના સોશિયલ મીડિયા દ્વારા એક તસવીર શેર કરી હતી.

આ તસવીરમાં રાહુલ જમીન પર પડેલો જોવા મળી રહ્યો છે. આ પોસ્ટને કેપ્શન આપતા તેણે લખ્યું કે, "ફરીથી મારા જેવી લાગણી થઈ રહી છે." આની બાજુમાં તેણે રનિંગ ઇમોજી મૂક્યું. રાહુલની આ પોસ્ટ પરથી અટકળો લગાવવામાં આવી રહી છે કે તે જલ્દી મેદાનમાં પરત ફરી શકે છે. જોકે, રાહુલ કેટલા સમયમાં પરત ફરશે તે અંગે કોઈ સત્તાવાર માહિતી સામે આવી નથી.

પત્ની અથિયા સાથે ફેન્સની પ્રતિક્રિયા

કેએલ રાહુલની આ પોસ્ટ પર તેની પત્ની આથિયા શેટ્ટીએ ઈન્સ્ટાગ્રામ પર કોમેન્ટ કરી હતી. આ સિવાય ફેન્સે રાહુલના વાપસી પર કોમેન્ટ કરી હતી. એક યુઝરે ટિપ્પણી કરી કે, "જોરદાર રીતે પાછા આવો." અન્ય એક યુઝરે કોમેન્ટ કરી, "અપના ચેમ્પિયન ઈઝ બેક." એક યુઝરે કોમેન્ટ કરી કે તે વેસ્ટ ઈન્ડિઝ સામેની ટેસ્ટ સીરિઝમાં કેએલ રાહુલને મિસ કરશે.

અત્યાર સુધીની આંતરરાષ્ટ્રીય કારકિર્દી આવી રહી

2014માં આંતરરાષ્ટ્રીય ક્રિકેટમાં ડેબ્યૂ કરનાર કેએલ રાહુલ અત્યાર સુધીમાં 47 ટેસ્ટ, 54 વનડે અને 72 ટી20 આંતરરાષ્ટ્રીય મેચ રમી ચૂક્યો છે. ટેસ્ટની 81 ઇનિંગ્સમાં રાહુલે 33.44ની એવરેજથી 2642 રન બનાવ્યા છે. આ સિવાય તેણે વનડેમાં 45.13ની એવરેજથી 1986 રન બનાવ્યા છે. T20 ઈન્ટરનેશનલમાં રાહુલના બેટમાંથી 37.75ની એવરેજ અને 139.12ના સ્ટ્રાઈક રેટથી 2265 રન થયા છે. રાહુલે ત્રણેય ફોર્મેટમાં સદી ફટકારી છે. તેણે અત્યાર સુધીમાં 14 આંતરરાષ્ટ્રીય સદી ફટકારી છે.