- ઓસ્ટ્રેલિયા સામે સાઉથ આફ્રિકાની 3 વિકેટે હાર
- સાઉથ આફ્રિકાના બેટ્સમેનોએ નિરાશાજનક પ્રદર્શન કર્યું
- અમે પહેલાથી જ મેચ હારી ગયા હતા: ટેમ્બા બાવુમા
વર્લ્ડકપ 2023ની બીજી સેમિફાઇનલ મેચમાં ઓસ્ટ્રેલિયાએ સાઉથ આફ્રિકાને 3 વિકેટે હરાવીને ફાઇનલમાં જગ્યા બનાવી લીધી છે. આ મેચમાં સાઉથ આફ્રિકાના બેટ્સમેનોએ ખૂબ જ નિરાશાજનક પ્રદર્શન કર્યું હતું. ફિલ્ડિંગમાં પણ સાઉથ આફ્રિકાના ખેલાડીઓએ ઘણા કેચ છોડ્યા, જેના કારણે સાઉથ આફ્રિકાને મેચ ગુમાવવી પડી હતી. આ હાર બાદ સાઉથ આફ્રિકાના કેપ્ટન ટેમ્બા બાવુમાનું એક વિચિત્ર નિવેદન સામે આવ્યું છે.
મેચ હાર્યા બાદ સમગ્ર સાઉથ આફ્રિકાની ટીમ ઘણી નિરાશ જોવા મળી હતી. મેચ બાદ ટેમ્બા બાવુમાએ કહ્યું, “મેચની શરૂઆતમાં અમે જે રીતે બેટ વડે પ્રદર્શન કર્યું તેના કારણે અમે મેચ હારી ગયા હતા. તે પછી, બોલિંગમાં પણ અમે શરૂઆતની ઓવરોમાં વધુ રન આપ્યા. ઓસ્ટ્રેલિયાના બેટ્સમેનોએ શરૂઆતમાં જ અમને દબાણમાં મૂક્યા હતા. મિલર અને ક્લાસેન સારું રમ્યા પણ લાંબો સમય ટકી શક્યા નહીં. ઓસ્ટ્રેલિયા ખરેખર સારું રમ્યું અને ફાઇનલમાં તેમને શુભેચ્છા.”
