- ભારતના સિંગલ્સ ટેનિસ પ્લેયરને પાંચ ક્રમાંકનો ફાયદો થયો
- છેલ્લા કેટલાક સમયના શાનદાર પરિણામના કારણે નાગલના રેન્કિંગમાં સતત સુધારો
- નાગલ પેરિસ ઓલિમ્પિકની મેન્સ સિંગલ્સ માટે પણ ક્વોલિફાય થવામાં સફળ
ઓલિમ્પિક માટે ક્વોલિફાય થઈ ચૂકેલા સુમિત નાગલે એટીપી ટેનિસ સિંગલ્સ રેન્કિંગમાં કારકિર્દીનું બેસ્ટ 68મો ક્રમાંક હાંસલ કર્યો છે. 26 વર્ષીય નાગલે પાંચ ક્રમાંકનો ફાયદો થયો છે. તેનું છેલ્લું રેન્કિંગ 71 ક્રમાંકનું હતું.
નાગલ વિશ્વના 71મા ક્રમાંકિત ભૂતપૂર્વ ખેલાડી શશિ મેનને પાછળ રાખીને 1973થી સર્વોચ્ચ રેન્કિંગ ધરાવતા ભારતીય ખેલાડીઓની યાદીમાં ચોથા ક્રમે પહોંચી ગયો છે. વિજય અમૃતરાજ (1980માં 18મા ક્રમે), રમેશ કૃષ્ણન (1985માં 23મા ક્રમાંકે) તથા સોમદેવ દેવબર્મન (2011માં 62મો ક્રમાંક) એટીપી સર્કિટમાં નાગલ કરતાં વધારે સારો રેન્કિંગ હાંસલ કરી ચૂક્યા છે. છેલ્લા કેટલાક સમયના શાનદાર પરિણામના કારણે નાગલના રેન્કિંગમાં સતત સુધારો થઈ રહ્યો છે અને તે પેરિસ ઓલિમ્પિકની મેન્સ સિંગલ્સ માટે પણ ક્વોલિફાય થવામાં સફળ રહ્યો છે.
