ક્રિકેટની લોકપ્રિયતા દિવસેને દિવસે વધી રહી છે. તેની લોકપ્રિયતાનો અંદાજ એ વાત પરથી પણ લગાવી શકાય છે કે 2028માં અમેરિકાના લોસ એન્જલસમાં યોજાનારી આગામી ઓલિમ્પિકમાં પણ તેનો સમાવેશ કરવામાં આવ્યો છે. આ રીતે ક્રિકેટની રમત 128 વર્ષ બાદ ઓલિમ્પિકમાં પરત ફરી રહી છે. પરંતુ હવે એવા સમાચાર સામે આવી રહ્યા છે, જે દરેક ક્રિકેટ પ્રેમીને ચોંકાવી દેશે. હકીકતમાં, ઇટાલીના એક શહેરે ક્રિકેટ રમવા પર સંપૂર્ણ પ્રતિબંધ લગાવી દીધો છે.
ઈટાલીના શહેર મોનફાલ્કોનમાં ક્રિકેટ રમવા પર સંપૂર્ણ પ્રતિબંધ લગાવી દેવામાં આવ્યો છે. આ સમગ્ર નિર્ણય પર શહેરના મેયરનું નિવેદન બહાર આવ્યું છે. મેયરનું કહેવું છે કે કે ક્રિકેટમાં વપરાતા બોલ ખતરનાક છે અને તેનાથી કોઈને ઈજા થઈ શકે છે. આ સિવાય મેયરનું પણ માનવું છે કે પિચ બનાવવા માટે જગ્યા નથી. જો કોઈ આ શહેરમાં ક્રિકેટ રમતું જોવા મળશે તો તેને 100 યુરો પાઉન્ડ (દસ હજાર રૂપિયા)નો દંડ ફટકારવામાં આવશે.
