- T20 વર્લ્ડકપની ગ્રુપ સ્ટેજની મેચો સમાપ્ત થઈ ગઈ છે
- ન્યુઝીલેન્ડ પહેલેથી જ સુપર-8ની રેસમાંથી બહાર છે
- ન્યૂઝીલેન્ડનો ટ્રેન્ટ બોલ્ટ T20 વર્લ્ડકપની છેલ્લી મેચ રમશે
T20 વર્લ્ડકપનું આયોજન વેસ્ટ ઈન્ડિઝ અને અમેરિકામાં થઈ રહ્યું છે. ટુર્નામેન્ટની ગ્રુપ સ્ટેજની મેચો સમાપ્ત થઈ ગઈ છે અને તમામ આઠ ટીમો સુપર 8 રાઉન્ડ માટે ક્વોલિફાય થઈ ગઈ છે. દરમિયાન, એક સ્ટાર ખેલાડી આજે તેની છેલ્લી T20 વર્લ્ડકપ મેચ રમશે. આ ખેલાડીએ પોતાની કારકિર્દી દરમિયાન ઘણી મોટી સિદ્ધિઓ હાંસલ કરી છે. આ ખેલાડી બીજું કોઈ નહીં પરંતુ ન્યૂઝીલેન્ડનો સ્ટાર ફાસ્ટ બોલર ટ્રેન્ટ બોલ્ટ છે.
આ ટીમ સામે છેલ્લી મેચ રમશે
T20 વર્લ્ડકપ 2024માં ન્યૂઝીલેન્ડની ટીમનું પ્રદર્શન કંઈ ખાસ નહોતું. તેની ટીમને વર્લ્ડકપની પ્રથમ બે મેચમાં અફઘાનિસ્તાન અને વેસ્ટ ઈન્ડિઝના હાથે હારનો સામનો કરવો પડ્યો હતો. યુગાન્ડા સામે મોટી જીત અને એક મેચ બાકી હોવા છતાં, ન્યુઝીલેન્ડ પહેલેથી જ સુપર-8ની રેસમાંથી બહાર છે, જ્યારે અફઘાનિસ્તાન અને વેસ્ટ ઈન્ડિઝે ગ્રુપ Cમાંથી ક્વોલિફાય કર્યું છે. આવી સ્થિતિમાં, પાપુઆ ન્યુ ગિની સામે રમાયેલી મેચ બોલ્ટની છેલ્લી T20 વર્લ્ડકપ મેચ બનવા જઈ રહી છે.
ટ્રેન્ટ બોલ્ટે શું કહ્યું
ટ્રેન્ટ બોલ્ટે 2011માં ન્યૂઝીલેન્ડ તરફથી ડેબ્યૂ કર્યું હતું. ત્યારથી તે કિવી ટીમનો મહત્વનો હિસ્સો રહ્યો છે. તેણે ન્યુઝીલેન્ડ માટે ત્રણેય ફોર્મેટમાં ઘણી મોટી ટુર્નામેન્ટ રમી છે. બોલ્ટ T20 વર્લ્ડકપની પાંચ સીઝન રમી ચૂક્યો છે. જેમાં વર્ષ 2014, 2016, 2021, 2022 અને હવે 2024નો સમાવેશ થાય છે. યુગાન્ડા સામે ન્યુઝીલેન્ડની નવ વિકેટની જીત બાદ પ્રેસ કોન્ફરન્સમાં જણાવ્યું હતું. મારે એટલું જ કહેવું છે કે આ મારો છેલ્લો વર્લ્ડકપ છે. બોલ્ટ ભવિષ્યમાં ન્યુઝીલેન્ડ તરફથી રમશે કે નહીં તે અંગે હજુ સુધી કોઈ માહિતી નથી.
