ઉર્વશી રૌતેલાને જોઈ ફેન્સે રિષભ પંતના નામની બૂમો પાડતા અભિનેત્રી નારાજ

• ઉર્વશી રૌતેલા બુધવારે ગણેશ ઉત્સવમાં પહોંચી હતી
  
• લોકો રિષભ પંતનું નામ લઈને હોબાળો કરવા લાગ્યા
• ઉર્વશીએ ઇન્સ્ટા સ્ટોરીમાં ચેતવણી આપી લખ્યું- 'બસ કરો નહીં તો'

ઉર્વશી રૌતેલા બુધવારે ગણેશ ઉત્સવમાં પહોંચી હતી. આ દરમિયાન એક વિચિત્ર ઘટના બની. જેનાથી ઉર્વશી નારાજ થઈ ગઈ હતી. જ્યારે ઉર્વશી પબ્લિકને મળી રહી હતી ત્યારે લોકો ક્રિકેટર રિષભ પંતનું નામ લઈને હોબાળો કરવા લાગ્યા હતા. આ બધું જોયા પછી ઉર્વશીએ કડક ચેતવણી આપી અને લખ્યું– ખરેખર તેને રોકવાની જરૂર છે. અન્યથા...

સોશિયલ મીડિયા પર ઉર્વશી રિષભના નામે ટ્રોલ થઈ

બોલિવૂડ બ્યુટી ઉર્વશી રૌતેલા-રિષભ પંત વચ્ચેના શીત યુદ્ધે સોશિયલ મીડિયા યુઝર્સ અને ગોસિપ કોરિડોરને નવી સામગ્રી આપી છે. આલમ એ છે કે સોશિયલ મીડિયા પર લોકો ઉર્વશીને રિષભ પંતના નામે ટ્રોલ કરી રહ્યા છે. જ્યારે ઉર્વશી જાહેરમાં જોવા મળે છે ત્યારે લોકો માત્ર રિષભ પંતની જ બૂમો પાડે છે. આ બધું જોઈને ઉર્વશી રૌતેલા પરેશાન છે.

ઉર્વશીને જોઈ લોકો રિષભ પંતની બૂમો પાડવા લાગ્યા

ઉર્વશી રૌતેલા બુધવારે મુંબઈમાં ગણેશ ઉત્સવમાં પહોંચી હતી. હજારોની ભીડ સાથે પાપારાઝી પણ ત્યાં હાજર હતા. ઉર્વશી પંડાલમાં પ્રવેશતા જ લોકોની નજર તેના પરથી હટતી ન હતી. ઉર્વશી હેવી લહેંગામાં અદભૂત લાગી રહી હતી. ઉર્વશીએ લોકોને શુભેચ્છા પાઠવી હતી. પરંતુ આ દરમિયાન એક વિચિત્ર ઘટના બની. જેનાથી ઉર્વશી નારાજ થઈ ગઈ હતી. બન્યું એવું કે જ્યારે ઉર્વશી પબ્લિકને મળી રહી હતી ત્યારે લોકો ક્રિકેટર રિષભ પંતના નારા લગાવવા લાગ્યા. તે સમયે ઉર્વશીએ કોઈ પ્રતિક્રિયા આપી ન હતી. પરંતુ બાદમાં અભિનેત્રીએ ઇન્સ્ટા સ્ટોરી પર રિષભ પંતના નામની બૂમો પાડતા લોકોનો એક વીડિયો શેર કર્યો હતો.

ઉર્વશીએ આપી ચેતવણી

વીડિયોની સાથે ઉર્વશી રૌતેલાએ લોકોને સૂચના આપતું કેપ્શન લખ્યું હતું. ઉર્વશીએ લખ્યું-તેને ખરેખર બંધ કરવાની જરૂર છે. નહીં તો... ઉર્વશી રૌતેલાની આ પોસ્ટ પરથી સમજી શકાય છે કે તેને આ હરકત બિલકુલ પસંદ નથી આવી. ત્યારબાદ ઉર્વશીએ લોકોને ચેતવણી આપી. હવે જોવાનું એ રહેશે કે લોકો તેની વાતને કેટલી ગંભીરતાથી લે છે. ઉર્વશીનો ગુસ્સો પણ વધી ગયો કારણ કે છેલ્લા ઘણા દિવસોથી તેને રિષભ પંતના નામ પર સોશિયલ મીડિયા ટ્રોલનો સામનો કરવો પડી રહ્યો છે.

ઉર્વશી અને રિષભ વચ્ચે શીતયુદ્ધ

ઉર્વશી તાજેતરમાં ભારત-પાકિસ્તાન મેચમાં હાજરી આપવા સ્ટેડિયમમાં જોવા મળી હતી. ઉર્વશી રૌતેલા સ્ટેડિયમમાં ટીમ ઈન્ડિયા માટે ચીયર કરતી જોવા મળી હતી. ઉર્વશી, જેણે એક ઇન્ટરવ્યુમાં કહ્યું હતું કે તે મેચ નથી જોતી, હવે તેને સ્ટેડિયમમાં બેક ટુ બેક જોઈને લોકો આશ્ચર્યચકિત થઈ ગયા. યુઝર્સે રિષભ પંતના નામ પર ઉર્વશીને ખૂબ ટ્રોલ કરી હતી.

ઉર્વશી-રિષભના અફેરના અહેવાલો હતા

તે જાણીતું છે કે ઉર્વશી અને રિષભ પંતના અફેરના અહેવાલો હતા. આ વિશે કંઈપણ પુષ્ટિ મળી નથી. ત્યારપછી બંને એકબીજાને ટોણા મારવા લાગ્યા. પછી શું હતું, ત્યારથી યુઝર્સ આ બંનેની અફવાઓની મજા લેવામાં વ્યસ્ત છે. ઉર્વશી રૌતેલાની દિલ હૈ ગ્રે, બ્લેક રોઝ પાઇપલાઇનમાં છે. ઉર્વશીની છેલ્લી રિલીઝ ધ લિજેન્ડ હતી. તે એક તમિલ ફિલ્મ હતી. આ પહેલા તે હિન્દી ફિલ્મ વર્જિન ભાનુપ્રિયામાં જોવા મળી હતી. ઉર્વશી પાસે ગાયક જેસન ડેરુલો સાથે એક મ્યુઝિક વીડિયો પણ રિલીઝ થવાનો છે.